1 PÉTERUS 5:8 - Rengah Jian

⁸ Mavaa' mu'un-mu'un mai keh telalau kenin, uban Sitan éh ayau keh, iah lakau semah-semah pekua' barei' tepun éh tiwap pitah ka'ah ke' néh kon éh kenat péh Sitan.

1 PÉTERUS 5:8 Iomraidhean Croise

MATIUS 13:39

La'ah ayau nah éh mulah ureu' nah, inah éh Sitan. Sioo' ajau nah, inah éh tovoo' ga' tana' vam, irah éh majau nah, inah éh meliket Tuhan.

MATIUS 24:42

Mavaa' keh jian-jian uban bé' keh jam hun mah Tuhan keh pu'un tuai kepéh.

MATIUS 25:41

Ha' Yésus kepéh, La'o Raja' pané kenat ngan irah éh saa' na'au' néh nah, boh éh juk pané ngan irah éh saa' kabéng néh kepéh. Ka' ha' néh ngan réh da', Kelap keh jin akeu' ka'ah éh kenukum Allah. Tai keh tong luten meraka éh petenup neu' Tuhan ngan Sitan ngan kekat meliket néh.

MATIUS 4:1

Pu'un Sahéé' Ni'ai mihin Yésus tai ahang tana' dokoo' Sitan tupat éh.

MATIUS 4:11

Boh Sitan piso jin Yésus ngan meliket Tuhan tioo tai petubo Yésus.

MARKUS 4:15

Jelua ha' tebaraa' nah, pelohoo' barei' parai éh pelohoo' tong dirin jalan nah, pu'un kelunan inah menéng ha' tebaraa' inah. Kerigah réh menéng éh nah ke', kerigah Sitan tai alaa' kekat ha' éh lepah nulah dalem kenin réh, barei' juhit kon parai pah avéé' néh béé nah.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

LUKAS 21:36

Seruh keh jian-jian ngan ngelayau sebayang, dokoo' keh omok gahang ngan omok ngeretep, dokoo' keh omok nekedéng tong jumen Anak Kelunan hun Néh tuai kepéh, ha' Yésus ngan réh.

LUKAS 22:31

Ka' ha' Yésus kepéh, O Simon, menéng ke' jian-jian, Sitan juk tupat kenin keteleu' béé ke' néh juk mega' keh jin pengelan keh, kua' barei' ipaa' ngan upih parai éh palit hun réh napan éh. Kenat péh Sitan juk mega' pengelan keh.

YOHANES 8:44

Ka'ah anak tamen keh Sitan, ngan pu'un keh kivu kekat pengeloo' tamen keh. Jin bu'un-bu'un sahau péh Sitan mematai kelunan, bé' éh keloo' alaa' saa' éh teneng, uban bé' pu'un ineu'-ineu' éh teneng lem néh. Hun néh pané, pu'un éh pané kenyo awah, pohoo' néh kenyo, ngelayau éh kenyo kenat, ngan inah éh tamen kekat kelunan éh kenyo.

2 KORINTUS 2:11

dokoo' mapat jalan Sitan dai iah menang, uban bé' uleu' barei' kelunan éh tejeu' tong kekat pengenyo néh.

ÉPESUS 4:27

Mai keh maneu' giwang ngan Sitan.

ÉPESUS 6:11

Jian keh pakai kekat lajam ngan pakai jin Allah, dokoo' keh omok nekedéng ngan pu'un terokon ngelawan kekat aken kenin Sitan.

1 TIMOTIUS 2:15

Bang redo omok alaa' urip neu' pu'un anak, inah éh hun néh pu'un petem dalem pengelan néh, ngan pika ngan kekat éh ni'ai ngan jam seruh.

1 TIMOTIUS 2:9

Kenat péh akeu' keloo' kekat redo jam nipet tong pakai néh. Jian éh pakai kekat éh jian ngan éh tekep, mai éh pakai éh ke' néh no'é' kelunan. Mai réh manyam bok réh nyavuu' anyam éh tengéé' jin kemalai réh ngan mai réh pakai mas ngan talem mutiara ngan pakai seput éh ma'an belih éh palaa' réh ngejian layan usah réh dokoo' kelunan éh jah magat réh awah.

1 TIMOTIUS 3:11

La'ah kenat péh tekep redo néh kelunan éh jian barék, mai éh kelunan éh tosok tong kekat rengah sa'at, jian éh kelunan éh jam seruh éh bé' paba pané, ngan éh tigéh dalem kekat penganeu' néh.

1 TIMOTIUS 3:2

La'ah kelunan éh mihau sidang nah, tekep éh bé' pu'un ineu'-ineu' kesa'at naneu' néh éh ke' réh omok pesala' éh tong néh. Iah tekep jah awah redo. Jian éh kelunan éh jam mihau kenin néh, jam seruh ngan bé' paba pané. Jian éh kelunan éh keloo' alaa' irah éh jah tong lamin néh ngan mihau réh ngan jian kenin, tekep éh kelunan éh jam nebaraa' irah éh jah.

2 TIMOTIUS 4:17

Bang Tuhan pu'un pemung ngan ké' ngan ngegahang ku', dokoo' ké' omok bara' Rengah Jian ngan kekat kelunan éh tengéé' pohoo', ngan pu'un éh ngelepu ku' jin ukum patai éh juk neu' réh tong ku'.

TITUS 1:8

Tekep éh kelunan éh keloo' alaa' irah sakai tong lamin néh ngan petubo éh ngan jian kenin. Jian éh kelunan éh keloo' tong kekat éh jian, éh jam mavaa' kenin néh, éh teneng dalem kekat penganeu' néh, ngan éh ni'ai kenin ngan éh jam seruh.

TITUS 2:12

La'ah penika Néh inah mihin uleu' dokoo' murip ni'ai ngan bé' kivu kekat éh jin tana' iteu'. Tong tana' iteu' uleu' tekep murip jam mavaa' kenin, teneng ngan kivu sohoo' Allah.

TITUS 2:2

Jian ke' nebaraa' irah lakei' éh ja'au urip, ke' réh jam seruh, ngan pu'un barék éh jian ngan jam mihau usah réh, ngan petem lem pengelan réh tong Kristus, ngan jam pika irah éh jah, kebit kenin lem pengeketa.

TITUS 2:4

dokoo' réh omok nebaraa' irah redo éh bé' jak ja'au urip ke' réh jam murung lakei' réh ngan anak réh,

TITUS 2:6

Kenat péh jian ke' nebaraa' irah lemanai dokoo' réh jam mavaa' kenin réh.

YAKUB 4:7

Jian keh mena' usah keh ngan Tuhan. Mejuk Sitan boh iah kelap jin ka'ah.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 4:7

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

ÉH POLÉNG 12:10

Boh akeu' menéng jah ha' éh ja'au tong seruga éh bara' ka', Hun iteu' jalan Allah purip kelunan lepah avéé'. Hun iteu' Allah pu'un pepoléng penyukat Néh, penyukat Néh Raja' bau kekat ineu'-ineu' péh. Hun iteu' Kristus éh kevéléé' Tuhan ke' Néh Raja', Iah péh pu'un pepoléng penyukat Néh. Uban Sitan éh pesala' padéé' lu' tong jumen Allah putung dau ngan putung merem, lepah nebet Tuhan jin seruga.

ÉH POLÉNG 12:12

Uban néh kenat jian kekat ka'ah éh murip tong seruga, pu'un murung Bang tusah mu'un ngan kekat ka'ah éh pu'un tong tana' ngan tong baa' banget péh. Uban Sitan lepah tai ngan keh, merek mu'un-mu'un éh, uban kejam néh bé' iah omok lebéé' kepéh, ha' néh.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 20:10

Boh Sitan éh ngelavo' réh nebet Tuhan lem bawang luten ngan éh letéé' éh pana mu'un. Éh jalan ka'an inah ngan nabi éh ngelavo' nah nebet Tuhan sahau. Irah béé teneng keta putung dau ngan putung merem avéé' pelinguh-linguh.

ÉH POLÉNG 20:2

Iah ngamit berungan inah, torok éh sahau inah éh Iblis iah ke' éh Sitan ngan ngejeret éh palaa' latai avéé' jah ibu taun kelebéé'.