1 PÉTERUS 5:5 - Rengah Jian

⁵ Kenat péh kepéh kekat ka'ah lemanai, jian ka'ah kivu sohoo' irah éh ja'au. Jian ka'ah béé-béé diva' kenin, nolong petolong uban pu'un jah ha' dalem surat Allah éh bara' ka', Allah ngelawan irah éh bau kenin bang Iah pika irah éh diva' kenin, ha' Néh. '

1 PÉTERUS 5:5 Iomraidhean Croise

LUKAS 22:26

Bang bé' éh kenat tong ka'ah iteu'. Bang kelunan éh ja'au urip jin belah ka'ah, jian éh seruh usah néh barei'-okoo' éh si'ik, ngan iah éh pengeja'au keh, jian éh pekua' barei' kelunan sohoo' awah.

SURAT PAULUS NGAN SIDANG RUM 12:10

Jian keh pika kekat padéé' keh dalem Kristus, jian keh pata ngerera'.

SURAT PAULUS NGAN SIDANG RUM 13:14

Bang jian keh alaa' Tuhan Yésus Kristus lajam keh mu'un. Ngan mai la'ah keh purip pengagat éh sa'at lem kenin keh pah avéé' keh kivu sohoo' néh.

ÉPESUS 5:21

Jian keh pata ngerera', uban keh medai tong Kristus.

PILIPI 2:3

Mai keh maneu' ineu'-ineu' uban keh juk ngepayoo' kenin keh tengéé', ngan uban keh juk ngajung usah keh tengéé', bang jian keh diva' kenin ngan ngerera' belah ka'ah ke', mai keh bau kenin ngan seruh usah ko' pelapah jian jin irah éh jah.

KOLOSÉ 3:12

La'ah ka'ah péh anah Allah, pu'un Iah pika keh ngan ngevéléé' keh dokoo' keh omok anah Néh mu'un. Uban kenat ka'ah tekep pika pepika, Jian tipan, diva' kenin, dawai kenin ngan kebit kenin.

1 TIMOTIUS 5:1

La'ah mai ke' pané nyahit ngan irah lakei' éh mukun. Bang jian ke' dawai pané ngan néh barei' ngan tamen ko' mu'un. Kenat péh hun ko' pané nebaraa' irah lakei' lemanai jian ke' pané ngan réh barei' ko' pané ngan padéé' ko' mu'un.

IBRANI 13:17

Jian keh ngerera' tong irah éh majak keh ngan kivu sohoo' réh. Uban irah éh mihau kekat urip keh, uban irah juk bara' kekat kereja' réh ngan Allah, hun keh kivu sohoo' réh, irah omok kereja ngan jian kenin, Bang hun keh bé' kivu sohoo' réh irah péh kereja ngan bahat kenin ngan bé' omok mihau keh mu'un.

YAKUB 4:6

Bang penika Allah pelapah ja'au jin kemerek Néh. Uban pu'un jah ha' lem surat Allah kepéh éh bara', Allah ngelawan kekat kelunan éh bau kenin, bang pu'un Iah pika irah éh diva' kenin, ha' Néh.

1 PÉTERUS 3:8

Inah éh ga' ha' ké', jian kekat ka'ah béé jah awah ha' ngan jah awah penyeruh. Jian keh pekua' pepika barei irah éh pepadéé' mu'un. Ngan jian keh pekua' tolong, petolong belah ka'ah ke' ngan diva kenin.

1 PÉTERUS 4:1

La'ah uban Kristus lepah tagong pengeketa tong usah Néh, jian ka'ah ngegahang kenin keh palaa' penyeruh éh pekua' kenin Kristus. Éh ke' néh kenat uban séé'-séé' éh tagong pengeketa tong usah néh, bé' iah maneu' penyala' kepéh.

1 PÉTERUS 4:5

Bang irah tekep bara' tong urip réh ngan Allah éh sedia petuneng kelunan éh murip ngan éh matai péh.