1 PÉTERUS 5:3 - Rengah Jian

³ Mai keh mihau réh ngan mahéng kenin ngan bau kenin, bang jian kekat barék ngan kenin keh pu'un jian ke' néh omok jah telana' ngan irah.

1 PÉTERUS 5:3 Iomraidhean Croise

YOHANES 13:15

Pu'un Akeu' maneu' kenat dokoo' ka'ah péh jam maneu' kenat, jian keh maneu' pekua' barei' éh neu' Ké' nah.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

1 KORINTUS 11:11

Uban lem pengeloo' Tuhan, bé' irah lakei' omok pelaya lakei' awah, kenat péh redo, bé' réh omok pelaya redo awah.

1 KORINTUS 3:5

Séé' Apolos, ngan Paulus? Amo kelunan sohoo' awah, éh mihin keh ngelan tong Tuhan. Siget usah améé' maneu' kereja' éh sohoo' Tuhan ngan mé'.

1 KORINTUS 3:9

Uban améé' béé pekua' kenin kereja' ngan Allah, ka'ah éh barei' térék Néh. La'ah ka'ah péh barei' lamin Allah.

2 KORINTUS 1:24

Bé' mé' juk angai ngan bau kenin, bé' améé' naten nyohoo' keh maneu' ineu'-ineu', uban ka'ah tengéé' péh pu'un petem dalem pengelan keh tong Tuhan. Bang améé' juk angai nolong keh awah, dokoo' keh omok murung kenin.

2 KORINTUS 4:5

Bé' améé' lakau ke' mé' bara' tong penganeu' usah mé' tengéé', bang pu'un mé' bara' Yésus Kristus Iah éh Tuhan, améé' éh kelunan sohoo' Néh awah, dokoo' mé' nolong keh uban penika Yésus ngan améé'.

PILIPI 3:17

O kekat padéé' ké', jian ka'ah kivu uban ké'. Pu'un mé' lepah bara' jalan ngan ka'ah, jian keh kivu kelunan éh kivu barék éh teneng inah.

PILIPI 4:9

La'ah tong kekat éh lepah pekalai keh ngan kekat éh nenéng keh, ngan éh ta'an keh tong akeu' nah, jian keh maneu' éh pekua' éh naneu' ke' nah kepéh. La'ah jian Tuhan Allah éh mena' Pengepawah Néh ngan uleu' pu'un pemung ngan ka'ah.

1 TESALONIKA 1:7

Uban kenat ka'ah jah telana' ngan kekat kelunan Kristén tong Makedonia ngan Akhaya.

2 TESALONIKA 3:9

Améé' maneu' kenat bé' makat uban mé' bé' omok nyohoo' keh tagong améé', bang dokoo' mé' maneu' jah telana' éh tekep keh kivu.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

TITUS 2:7

Ka'au' tekep jah telana' tong barék éh jian dalem kekat ineu'-ineu' péh. Jian ke' nebaraa' réh jin kenin ko' mu'un, mai ke' ngelayoo' awah.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.