1 PÉTERUS 5:2 - Rengah Jian

² Jian ka'ah mihau irah éh domba Allah, éh nena' Allah ngan keh. Jian keh mihau réh ngan jian kenin, uban kenat éh pengeloo' Allah, mai keh mihau réh ngan sa'at kenin. Jian keh maneu' kereja' keh mu'un, bé' makat uban juk alaa' utung awah, bang neu' kenin keh keloo' mihau ngan petubo réh mu'un.

1 PÉTERUS 5:2 Iomraidhean Croise

LUKAS 12:32

Ka' ha' Yésus kepéh, O kekat bakéh ké' éh barei' jah vun domba éh kerat awah, amai keh medai, uban Tamen keh iah éh pengeja'au keh ngan mihau keh.

PENGANEU' LAWAH 20:29

La'ah akeu' jam la'o ké' piso, pu'un kuraa' kelunan éh barei' bekuleu' éh luvaa' masek belah keh kepéh. Bé' réh jam pika domba Tuhan inah.

PENGANEU' LAWAH 21:13

Bang ka' ha' Paulus ngan mé', Kineu' keh mangaa' ngan memutui kenin ké'? Uban akeu' keloo' bé' makat kejeret awah tong Yérusalem bang matai mu'un péh neu' ngaran Tuhan Yésus, ha' néh.

SURAT PAULUS NGAN SIDANG RUM 1:15

Gahang mu'un-mu'un kenin ké' juk bara' Rengah Jian ngan ka'ah éh mokoo' tong leboo' Rum siteu' kepéh.

1 KORINTUS 9:7

Mah seradu éh tagong usah néh tengéé' hun néh tai pekayau? Mah kelunan pu'un maneu' pulah agun éh bé' kuman buaa' néh? Mah kelunan mihau sapé' éh bé' alaa' baa' étéé' néh?

1 TIMOTIUS 3:3

Mai éh kelunan keloo' mesep baa' éh maneu' réh mavuk éh keloo' pepaneu', iah tekep dawai pengané ngan keloo' pawah. Mai éh mekum tong rigit.

1 TIMOTIUS 3:8

La'ah kenat péh irah pelayan, tekep réh kelunan éh jam seruh, mai éh kelunan paba pané, kenat péh mai éh kelunan keloo' mesep baa' éh maneu' éh mavuk, kenat kepéh mai éh kelih tong rigit ngan alaa' mekum tong rigit.

TITUS 1:11

Mai ke' kejeraa' réh pané, uban pu'un réh petusah kenin kuraa'-kuraa' kelunan neu' réh bara' tong éh bé' tekep. Pu'un réh maneu' kenat uban réh juk alaa' rigit awah.

TITUS 1:7

Uban kelunan éh pelayan, pu'un éh maneu' kereja' Allah ngan bé' tekep éh pu'un sa'at. Mai éh kelunan éh bau kenin ngan éh lumang merek. Mai éh kelunan éh mavuk ngan éh lumang pané sa'at, mai éh kelunan éh kelih, éh mekum tong rigit.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

TITUS 3:1

Jian ke' petesen irah éh lem sidang ko', dokoo' réh omok ngerera' tong peritah ngan séé'-séé' éh pu'un penyukat, ngan kivu sohoo' réh, ngan maneu' kekat kereja' éh jian.

PILEMON 1:14

Bang bé' akeu' keloo' maneu' ineu'-ineu' hun ké' bé' jam kenin ko', bé' akeu' keloo' ke' maneu' ineu'-ineu' uban néh sohoo' ké' awah, bang akeu' keloo' ke' maneu' éh hun néh lem pengeloo' kenin ko' mu'un.

IBRANI 12:15

Mavaa' keh dai pu'un kelunan bet Allah éh na' penika Néh ngan lu'. Mai pu'un séé'-séé' péh éh barei' pulah éh petuh, éh maneu' pinaa' penusah ngan éh ngesa'at kelunan palaa' katah néh.

2 PÉTERUS 2:3

Irah kelunan éh ngelavo' nah, magat juk alaa' mekum, kenat jalan réh alaa' rigit jin kelunan éh kivu réh uban réh nebaraa' réh tong kuraa'-kuraa' ha' tebaraa' éh sala', tebaraa' éh neu' irah ke' tengéé'. Lebéé' tenéh Allah pu'un bara' tong ukum éh juk teneng tong réh, bé' Tuhan telalau kenin adang Tuhan pu'un ngukum réh mu'un.