1 PÉTERUS 5:12 - Rengah Jian

¹² Pu'un Silas nolong akeu' éh seneruh ké' barei' jah padéé' dalem Tuhan éh tigéh. Akeu' nyurat iteu' suti' awah, dokoo' ngegahang ka'ah ngan bara' tong iteu' néh pengasi Allah éh mu'un ngan keh. Jian keh petem dalem pengasi Néh.

1 PÉTERUS 5:12 Iomraidhean Croise

YOHANES 21:21

Hun Péterus na'at bakéh néh inah, inah iah neteng Yésus, Tuhan, kineu' tong kelunan iteu' vam, ha' néh.

PENGANEU' LAWAH 11:23

Hun néh avéé' sitai ngan jam Allah mena' pengejian Néh ngan réh, murung kenin néh. Pu'un éh nyohoo' réh mihau ha' tebaraa' Tuhan lem kenin réh mu'un ngan petem dalem Tuhan.

PENGANEU' LAWAH 15:22

Boh irah lawah Tuhan ngan pengeja'au sidang, ngan irah sidang péh seruh, jian réh ngevéléé' kelunan éh omok kivu Paulus rawah Barnabas tai Antiokia kepéh. Boh réh ngevéléé' Yudas, éh keruwah ngaran néh Barsabas, rawah Silas, inah éh kenelan kekat irah sidang.

PENGANEU' LAWAH 20:24

Bang bé' akeu' paréé' urip ké', sokoh ke' ku' omok pesukup kekat kereja' éh na' Tuhan Yésus ngan ké', inah éh, bara' Rengah Jian tong penika Allah.

SURAT PAULUS NGAN SIDANG RUM 5:2

Uban neu' pengelan lu' tong Iah, pu'un Iah lepah mihin uleu' tavin Allah éh jalan lu' alaa' urip maréng éh nena' Néh ngan lu'. Murung kenin lu' uban uleu' ngelan adang uleu' omok pemung ngan Allah lem kekat pengaren Néh ngan paléu' jian pekua' barei' Iah pu'un jian.

1 KORINTUS 15:1

O kekat padéé' ké', hun iteu' akeu' juk petesen keh kepéh tong Rengah Jian éh benara' ké' ngan keh lepah rai, ngan éh nalaa' keh ngan neu' inah pengelan keh pu'un petem.

2 KORINTUS 1:19

Uban Yésus Kristus, Anak Allah éh benara' mé' teleu' Silas ngan Timotius rai, bé' Éh barei' kelunan éh bara' Oo' bang éh lem kenin réh seruh bé'. Kristus bé' éh pu'un kenat. Kekat ha' Néh ngelayau éh Oo' uban Iah ngelayau maneu' pekua' éh benara' Néh.

2 KORINTUS 1:24

Bé' mé' juk angai ngan bau kenin, bé' améé' naten nyohoo' keh maneu' ineu'-ineu', uban ka'ah tengéé' péh pu'un petem dalem pengelan keh tong Tuhan. Bang améé' juk angai nolong keh awah, dokoo' keh omok murung kenin.

ÉPESUS 3:3

Pu'un Allah pepoléng kenin Néh ngan ké', éh pelim jin kelunan sahau, bang pu'un éh pepoléng éh hun iteu' kepéh. Pu'un ku' nyurat si'ik tong inah rai,

ÉPESUS 6:21

La'ah Tikhikus éh padéé' lu' éh penika lu', éh tigéh dalem kereja' néh ngan Tuhan, iah omok bara' kekat rengah ké' ngan keh da', dokoo' keh omok jam kineu' pengokoo' ké' siteu'.

KOLOSÉ 1:7

Pu'un keh menéng Rengah Jian inah jin bakéh mé' Epapras. Iah jah bakéh mé' éh pekua' ketigéh améé' kereja' ngan Kristus.

KOLOSÉ 4:7

La'ah padéé' lu' Tikhikus éh penika lu', éh tigéh lem kekat kereja' néh ngan Tuhan, éh bakéh ké' dalem kereja' Tuhan, iah omok bara' kekat rengah ké' ngan keh.

KOLOSÉ 4:9

La'ah Onésimus, padéé' lu' éh tigéh ngan éh penika lu', éh pemung tana' ngan ka'ah, iah pu'un kivu éh tai. Rawah omok bara' kekat rengah améé' siteu' ngan keh kepéh.

1 TESALONIKA 1:1

Surat iteu' jin Paulus, Silas ngan Timotius, surat iteu' nena' ngan Sidang Tesalonika, éh anah Allah éh Tamen ngan Tuhan Yésus Kristus. Jian Allah mena' penika ngan pengepawah Néh ngan keh.

2 TESALONIKA 1:1

Akeu' Paulus, ngan Silas ngan Timotius, maneu' surat iteu' ngan kekat kelunan tong sidang Tesalonika, éh anah Allah éh Tamen lu' ngan Tuhan Yésus Kristus.

IBRANI 13:22

Akeu' menyat ka'ah kebit kenin menéng kekat ha' tena' éh jalan ngegahang kenin keh uban surat ké' iteu' bé' éh pelapah kebit.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 4:10

Jian siget usah tigéh maneu' kereja' Tuhan uban pinaa' arong pengena' Allah dalem kenin kelunan dokoo' lu' nolong kelunan éh jah. Jian keh tigéh dalem kekat pengena' Néh inah.

2 PÉTERUS 1:12

Uban néh kenat adang akeu' juk ngelayau petesen ka'ah tong kekat inah, na' péh ka'ah lepah jam éh ngan petem dalem ha' tebaraa' Allah éh lepah nalaa' keh inah.

2 PÉTERUS 2:15

Irah pu'un petat jin jalan éh teneng, tawang awah réh. Pu'un réh kivu jalan éh kenivu Bileam anak Beor sahau. Bileam nah magat alaa' rigit éh juk nena' réh ngan néh ke' néh maneu' sa'at.

3 YOHANES 1:12

Siget kelunan sepah Demetrius, Allah péh pu'un sepah iah améé' péh sepah iah, ngan ka'ah jam tong ineu' éh benara' mé' inah pu'un kenat mu'un.

YUDAS 1:3

O kekat padéé' éh kemurung ké'! Akeu' lepah maneu' surat ngan keh tong jalan urip lu' dalem Tuhan. Bang akeu' juk ngegahang kenin keh jin surat iteu' ngan nyohoo' keh ngelawan ineu'-ineu' éh juk ngebéé pengelan éh lepah nena' Allah jah koléé' awah ngan irah éh anah Nah avéé' pelinguh-linguh.