1 PÉTERUS 5:10 - Rengah Jian

¹⁰ Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

1 PÉTERUS 5:10 Iomraidhean Croise

LUKAS 22:32

Na' péh éh tupat keteleu' kenat, Akeu' pu'un bara' keh lem sebayang Ké' Simon, jalan pengelan ko' pu'un reken, ha' Néh. Tovoo' ko' pekoléé' kenin, tekep ke' ngereken irah padéé' ko'.

SURAT PAULUS NGAN SIDANG RUM 15:13

Jian Allah éh kenelan lu', pepenoo' kenin ka'ah ngan kekat kemurung Néh ngan pengepawah Néh, neu' pengelan keh tong Iah, dokoo' ka'ah omok pepit dalem pengelan keh neu' penyukat Sahéé' Ni'ai.

SURAT PAULUS NGAN SIDANG RUM 15:5

Jian Allah éh mihin lu' kebit kenin ngan éh ngegahang kenin lu' nah mihin ka'ah pekua' kenin neu' ka'ah kivu kenin Yésus Kristus,

SURAT PAULUS NGAN SIDANG RUM 16:25

Jian lu' mejing Allah. Iah pu'un penyukat ngereken kenin ka'ah dalem pengelan keh tong Rengah Jian éh benara' ké' tong Yésus Kristus. Adang Tuhan juk purip ka'ah éh tengéé' pohoo'. Hun sahau rai bé' kelunan jam tong kenin Tuhan kenat uban néh pelim,

SURAT PAULUS NGAN SIDANG RUM 9:11

Bang uban Allah juk ngevéléé' jah usah awah jin rawah inah kivu pengeloo' Néh tengéé', Allah pu'un bara' ngan Ribkah, ha' néh, Anak ko' éh tuken, iah éh ngerera' tong padéé' néh éh tadin ha' Allah ngan Ribkah. Pu'un Allah pané kenat ngan Ribkah hun rawah anak inah bé' jak pelohoo', to bé' jam maneu' jian ngan maneu' sa'at péh. Inah Allah ngevéléé' ngan tebai jah usah jin rawah kivu pengeloo' kenin Tuhan tengéé', bé' makat uban ineu'-ineu' éh penganeu' rawah.

SURAT PAULUS NGAN SIDANG RUM 9:24

Uban uleu' éh lepah kevéléé' Néh, bé' éh jin belah pohoo' Yahudi awah, bang jin belah kelunan éh tengéé' pohoo' péh.

1 KORINTUS 1:10

O kekat padéé' ké', dalem ngaran Tuhan Yésus Kristus, akeu' nyohoo' ka'ah pekua' kenin béé-béé dalem kekat ha' ané keh, mai ka'ah tengéé' kenin, jian ka'ah pekua' kenin ngan pekua' penyeruh.

1 KORINTUS 1:9

La'ah omok uleu' ngelan Allah, Iah éh Allah éh tebai keh dokoo' keh omok pebakéh ngan Anak Néh Yésus Kristus éh Tuhan lu'.

2 KORINTUS 13:11

O kekat padéé' ké', iteu' awah kekat ha' ké'. Jian keh peteneng kekat jalan keh dokoo' keh omok teneng ngan sukup mu'un, jian keh menéng kekat ha' ké' inah, jian ka'ah pekua' kenin murip ngan pawah. La'ah Allah éh jalan kekat penika ngan pengepawah pu'un, jian Iah pu'un pemung ngan ka'ah.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

PILIPI 4:13

Tong kekat éh benara' ké' iteu' omok akeu' kenat naneu' penyukat Kristus éh ngegahang akeu'.

KOLOSÉ 2:7

Jian keh pu'un reken mu'un dalem Iah barei' lakat éh masek dilem mu'un lem tana'. Jian keh mejek lihei' keh tong Kristus, dokoo' keh pelapah gahang kepéh ngan reken mu'un dalem pengelan keh, barei' ha' réh ngan keh rai. Jian keh murung kenin ngan ngelayau jam seruh tong kekat pengena' ngan pengasi Tuhan ngan keh, ngan bara' jian kenin ngan Néh kepéh.

1 TESALONIKA 2:12

Pu'un mé' ngegahang kenin keh ngan papung keh, ngan nyohoo' keh murip ngan barék éh payoo' tong jumen Allah éh tebai ka'ah tai lem nihau Néh ngan pengaren Néh.

2 TESALONIKA 2:14

La'ah kenat péh Allah tebai keh neu' Rengah éh Jian éh benara' mé' ngan keh. Iah tebai keh dokoo' keh omok alaa' pengejian Tuhan Yésus Kristus.

2 TESALONIKA 2:17

Jian Iah ngegahang kenin keh ngan ngereken keh ke' ka'ah omok maneu' ngan bara' kekat éh jian.

2 TESALONIKA 3:3

Bang Tuhan éh tigéh. La'ah Iah omok ngegahang kenin keh ngan mavaa' keh jin kekat kesa'at.

1 TIMOTIUS 6:12

Jian ke' nengayet mu'un dokoo' murip tigéh lem urip Kristén ko', dokoo' ka'au' omok alaa' urip mu'un éh pelinguh, uban kenat péh jalan Allah tebai ke' hun ko' ngakun pengelan ko' tong Tuhan tong Jumen kelunan pinaa' rai.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

2 TIMOTIUS 2:10

Kenat péh akeu' ngeretep dalem kekat pengeketa ké', dokoo' ké' omok nolong kelunan éh kevéléé' Allah, dokoo' irah péh omok alaa' urip dalem Kristus Yésus, pemung ngan pengaren Néh éh pu'un pelinguh.

IBRANI 9:15

Uban néh kenat inah Kristus maneu' jalan tong jajii' éh maréng ngan uleu' dokoo' kekat kelunan éh tenebai Allah omok alaa' pengejian pelinguh pekua' éh pejajii' Allah. Éh ke' néh omok kenat uban Kristus lepah matai dokoo' ngelepu kelunan jin penyala' éh naneu' réh hun réh kivu jajii' éh bu'un nah keto.

1 PÉTERUS 1:15

Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh.

1 PÉTERUS 4:10

Jian siget usah tigéh maneu' kereja' Tuhan uban pinaa' arong pengena' Allah dalem kenin kelunan dokoo' lu' nolong kelunan éh jah. Jian keh tigéh dalem kekat pengena' Néh inah.

1 PÉTERUS 4:11

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

1 YOHANES 2:25

La'ah pu'un Kristus jajii' mena' urip pelinguh ngan lu'.

YUDAS 1:24

Allah éh omok mihau keh dokoo' keh petem lem pengelan, ngan éh omok mihin keh tong jumen Néh éh Maren ngan murung kenin ngan bé' pu'un sala' ineu'-ineu'.