1 PÉTERUS 5:1 - Rengah Jian

¹ Akeu' petesen ka'ah pengeja'au lem sidang, uban akeu' péh pengeja'au tong sidang. Pu'un ku' lepah na'at pengeketa Kristus ngan pu'un ku' tosok éh kepéh. Adang akeu' omok pemung ngan Néh tovoo' Iah tuai kepéh lem kekat pengaren Néh.

1 PÉTERUS 5:1 Iomraidhean Croise

LUKAS 24:48

La'ah ka'ah éh omok bara' tong kekat inah.

PENGANEU' LAWAH 1:8

Bang hun keh alaa' Sahéé' Ni'ai boh keh pu'un penyukat, boh keh omok bara' Ku' ngan réh, kenat péh tong Yérusalem, kenat péh tutuh tana' Yudea ngan Samaria, pah avéé' tipo tana', ha' Néh.

PENGANEU' LAWAH 11:30

Boh réh maneu' éh kenat, ngan pekateu' rigit inah kivu Barnabas rawah Saulus, ke' réh mena' ngan pengeja'au sidang tong Yérusalem.

PENGANEU' LAWAH 14:23

La'ah pu'un roh ngevéléé' kelunan éh omok maneu' kereja' pelayan tong siget sidang. La'ah kelaset roh sebayang, mejai kekat réh béé ngan Tuhan éh kenelan réh.

PENGANEU' LAWAH 15:4

Hun Paulus réh teleu' Barnabas avéé' tong Yérusalem, pu'un irah sidang ngan irah lawah Tuhan ngan kekat pengeja'au sidang alaa' réh ngan jian kenin. La'ah pu'un réh teleu' bara' tong jalan Allah pu'un nolong réh lepah nah.

PENGANEU' LAWAH 15:6

Kekat lawah Tuhan ngan irah pengeja'au sidang petipun ke' réh seruh tong kekat inah kepéh.

PENGANEU' LAWAH 2:32

La'ah Yésus nah, iah néh éh netéé' Allah, améé' omok bara' éh kenat uban usah mé' lepah na'at Éh kenat mu'un.

PENGANEU' LAWAH 20:17

Jin Miletus Paulus nyohoo' kelunan tai Épesus tebai kekat pengeja'au sidang tuai temeu' ngan néh sinah.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

PENGANEU' LAWAH 21:18

Dau rema Paulus pemung ngan améé' tai tavin Yakub ngan pu'un kekat pengeja'au sidang sinah kepéh.

PENGANEU' LAWAH 3:15

Inah jalan keh mematai Iah éh nebu'un urip. Bang Allah pu'un pebetéé' Éh jin belah kelunan matai, améé' jam éh pu'un kenat mu'un uban maten mé' na'at Éh la'o Néh betéé' jin patai Néh.

2 KORINTUS 5:1

Uban uleu' jam lamin lu', inah éh usah lu' éh jalan lu' mokoo' tong tana' iteu', hun néh pega' Allah pu'un lamin ngan uleu' kepéh, lamin inah pu'un éh tong seruga, bé' éh senuai kelunan, bang senuai Tuhan ngan pu'un éh pelinguh.

2 KORINTUS 5:8

Gahang kenin mé' juk piso jin usah iteu' ke' mé' omok tai ngan Tuhan.

PILIPI 1:19

Uban akeu' jam neu' ha' sebayang keh ngan neu' Sahéé' Yésus Kristus pu'un nolong akeu', adang akeu' omok pelepu jin lamin tutup iteu' kepéh.

1 TIMOTIUS 5:1

La'ah mai ke' pané nyahit ngan irah lakei' éh mukun. Bang jian ke' dawai pané ngan néh barei' ngan tamen ko' mu'un. Kenat péh hun ko' pané nebaraa' irah lakei' lemanai jian ke' pané ngan réh barei' ko' pané ngan padéé' ko' mu'un.

1 TIMOTIUS 5:19

Mai keh ulak ngelan ha' kelunan éh pesala' irah éh mihau sidang, hun néh bé' kejam keh mu'un. Jian keh petuneng éh mu'un avéé' duah-teleu' usah kelunan jam éh kenat mu'un.

2 TIMOTIUS 4:8

Hun iteu', tapong pengeteneng nodoo' Tuhan ngan ké', Tong pengega' dau, Tuhan éh teneng mu'un petuneng juk mena' éh ngan ké', uban akeu' lepah murip kivu pengeloo' Néh. Bé' éh nena' Néh ngan ké' awah, bang Iah mena' éh ngan kekat kelunan éh mena savéé' Néh ngan murung kenin.

TITUS 1:5

La'ah pu'un ku' pokoo' ke' tong tana' Kreta rai, dokoo' ko' omok pesukup kekat kereja' tong sidang sinah, dokoo' ko' omok ngevéléé' irah éh omok pelayan tong siget sidang tong kekat leboo' sinah. Mai ke' ngelepan tong kekat sohoo' ké' ngan ko' rai.

PILEMON 1:9

Bang bé' akeu' nyohoo' ke' maneu' éh, bang uban penika Tuhan ngan uleu' akeu' menyat ke' awah. Akeu' Paulus éh lawah Kristus Yésus, ngan éh pu'un tong lamin tutup hun iteu' uban pengelan ké' tong Iah,

IBRANI 12:1

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.

1 PÉTERUS 1:7

Kekat inah dokoo' pepoléng hun keh ngelan mu'un tong Tuhan hun néh bé' péh. Mas éh omok tasa' péh, penarem palaa' luten. Uban kenat pengelan keh éh pelapah jian jin Mas péh tekep penarem, dokoo' néh makin reken. Hun néh kenat, hun mah Yésus Kristus tuai kepéh, ka'ah omok alaa' kenajung, kemaren ngan penyepah jin Allah.

1 PÉTERUS 4:13

Bang jian ka'ah murung kenin uban keh pu'un pemung ngan Kristus dalem pengeketa Néh. Uban barei' ka'ah pu'un pemung ngan Néh dalem pengeketa Néh hun iteu', kenat péh ka'ah omok murung hun Néh tuai lem kekat pengaren kepéh.

1 PÉTERUS 5:4

Hun Kristus Gembala éh pengeja'au kekat Gembala inah pu'un tuai kepéh, vam, ka'ah juk alaa' tapong éh maren ngan pelinguh.

1 YOHANES 3:2

O kekat padéé' éh kemurung ké', hun iteu' uleu' lepah paléu anak Allah, bang pengepaléu lu' kepéh vam, bé' lu' omok jam éh. Bang éh kejam lu' mu'un, inah éh, hun Kristus pu'un tuai kepéh uleu' omok paléu pekua' Iah, hun inah boh lu' na'at Iah ngan lenaa' mu'un.

2 YOHANES 1:1

Ngan redo éh kevéléé' Allah ngan kekat anak ko' kepéh, surat iteu' jin akeu' éh majak sidang éh murung keh mu'un. Bé' éh akeu' awah éh murung keh bang kekat kelunan éh jam tong Allah.

3 YOHANES 1:1

Gayus bakéh ké' éh kemurung ké'. Akeu' éh majak sidang éh murung ke' mu'un.

ÉH POLÉNG 1:9

La'ah akeu' éh padéé' keh Yohanes, ngan barei' ka'ah jam keta pemung ngan Yésus, akeu' péh barei' ka'ah lem kekat pengeketa iteu', pu'un lem nihau Tuhan, ngan ngeretep ngan kebit kenin. Pu'un réh marau akeu' tai Pulau Patmos uban ké' bara' ha' tebaraa' Allah ngan bara' tong kekat éh kejam ké' tong Yésus.