1 PÉTERUS 4:9 - Rengah Jian

⁹ Jian ka'ah alaa' kelunan éh nyakai tong lamin keh ngan jian kenin, mai keh leko alaa' réh.

1 PÉTERUS 4:9 Iomraidhean Croise

SURAT PAULUS NGAN SIDANG RUM 12:13

Jian keh petulat livah keh ngan kekat padéé' keh dalem Tuhan éh kari mu'un, jian keh alaa' irah éh nyakai tong lamin keh ngan petubo réh mu'un.

SURAT PAULUS NGAN SIDANG RUM 16:23

La'ah Gayus péh, lakei' éh alaa' améé' sebayang tong lamin néh, iah kepéh bara' tabi'. Kenat péh Érastus, kelunan éh kereja' peritah mihau rigit, ngan padéé' lu' Kuartus, rawah péh bara' tabi'.

2 KORINTUS 9:7

Jian siget-siget usah mena' kivu pengeloo' kenin néh, mai éh nyihun éh, ngan mai éh mena' éh uban sohoo' kelunan awah, uban Allah murung kenin ngan kelunan éh mena' éh ngan jian kenin.

PILIPI 2:14

Ineu'-ineu' naneu' keh, jian keh maneu' éh ngan jian kenin, mai pané selim ngan pekisaa',

1 TIMOTIUS 3:2

La'ah kelunan éh mihau sidang nah, tekep éh bé' pu'un ineu'-ineu' kesa'at naneu' néh éh ke' réh omok pesala' éh tong néh. Iah tekep jah awah redo. Jian éh kelunan éh jam mihau kenin néh, jam seruh ngan bé' paba pané. Jian éh kelunan éh keloo' alaa' irah éh jah tong lamin néh ngan mihau réh ngan jian kenin, tekep éh kelunan éh jam nebaraa' irah éh jah.

TITUS 1:8

Tekep éh kelunan éh keloo' alaa' irah sakai tong lamin néh ngan petubo éh ngan jian kenin. Jian éh kelunan éh keloo' tong kekat éh jian, éh jam mavaa' kenin néh, éh teneng dalem kekat penganeu' néh, ngan éh ni'ai kenin ngan éh jam seruh.

PILEMON 1:14

Bang bé' akeu' keloo' maneu' ineu'-ineu' hun ké' bé' jam kenin ko', bé' akeu' keloo' ke' maneu' ineu'-ineu' uban néh sohoo' ké' awah, bang akeu' keloo' ke' maneu' éh hun néh lem pengeloo' kenin ko' mu'un.

IBRANI 13:16

Mai ngelepan maneu' jian ngan nolong-petolong, uban Penganeu' inah seleket pengena' éh pesenang kenin Allah.

IBRANI 13:2

Jian keh alaa' kelunan éh nyakai tong lamin keh ngan jian kenin. Pu'un kelunan éh alaa' réh kenat inah réh alaa' meliket, bang bé' réh jam éh meliket.

YAKUB 5:9

O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un.