1 PÉTERUS 4:8 - Rengah Jian

⁸ Éh pelapah gunah éh tekep ka'ah maneu', inah éh pika ngan pepika ngan kekat kenin keh uban neu' keh jam pepika kenat pinaa' penyala' omok pega'.

1 PÉTERUS 4:8 Iomraidhean Croise

1 KORINTUS 13:1

Na' péh akeu' omok pané palaa' kuraa'-kuraa' arong ha' kelunan ngan ha' meliket péh uban pengena' Tuhan ngan ké', bang hun akeu' bé' pika kelunan, adang akeu' barei'-okoo' gung éh miha' awah ngan ha' atui awah.

1 KORINTUS 13:4

Hun lu' pika kelunan adang lu' kebit kenin ngan nolong réh, bé' lu' sa'at kenin, ngan ngajung usah lu' ngan bau kenin.

KOLOSÉ 3:14

La'ah pemung ngan kekat inah jian keh pepit penika keh kepéh, uban penika nah, inah jalan omok memikah keh pemung.

1 TESALONIKA 3:12

La'ah jian Tuhan maneu' ka'ah pepit-pepit dalem penika keh belah ka'ah ke', kenat péh ngan kekat irah éh jah péh, pah avéé' keh jam pika mu'un barei' penika améé' tong ka'ah nah.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

IBRANI 13:1

Barei' keh pu'un pika pepika, jian keh petem maneu' kenat barei' éh tekep ngan kelunan éh pepadéé' dalem Tuhan.

YAKUB 5:12

O kekat padéé' ké', mai keh pesupa hun keh maneu' jajii', mai keh pesupa palaa' ineu'-ineu' tong langit kenat péh palaa' ineu'-ineu' péh. Tekep keh mipa oo' hun néh oo' bé' hun néh bé' boh keh bé' kenukum Allah.

YAKUB 5:20

Jian keh nesen ayat iteu'; séé'-séé' éh mihin kelunan penyala' nelikut kekat kesa'at néh, kelunan inah purip sahéé' kelunan éh penyala' inah jin pematai ngan penyala' néh lepah pega'.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

3 YOHANES 1:2

Akeu' sebayang dokoo' kekat néh béé pu'un jian tong ke' ngan dokoo' ko' pu'un jian akam, barei' urip sahéé' ko' pu'un jian.