1 PÉTERUS 4:7 - Rengah Jian

⁷ La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

1 PÉTERUS 4:7 Iomraidhean Croise

MATIUS 24:42

Mavaa' keh jian-jian uban bé' keh jam hun mah Tuhan keh pu'un tuai kepéh.

MATIUS 25:13

La'ah ha' Yésus, Mavaa' keh jian-jian uban bé' keh jam dau ngan jaka' hun mah Akeu' juk tuai kepéh ha' néh.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

LUKAS 21:36

Seruh keh jian-jian ngan ngelayau sebayang, dokoo' keh omok gahang ngan omok ngeretep, dokoo' keh omok nekedéng tong jumen Anak Kelunan hun Néh tuai kepéh, ha' Yésus ngan réh.

LUKAS 22:46

Boh Éh pané ngan réh, ka' ha' Néh, Kineu' keh pegen kenat. To'ot keh ngan sebayang dai keh teneng tong tenupat Sitan, ha' Néh.

SURAT PAULUS NGAN SIDANG RUM 12:12

La'ah uban pengelan keh tong Tuhan, jian keh ngelayau murung kenin ngan kebit kenin dalem kekat penusah keh, ngan ngelayau sebayang siget koléé'.

1 KORINTUS 15:24

La'o inah boh éh ga' néh, ngan la'o Kristus ngebéé kekat ayau Néh éh pu'un penyukat hun iteu', boh Iah mena' kekat kelunan éh pu'un lem nihau Néh ngan Tamen Néh Allah.

1 KORINTUS 7:29

La'ah inah éh benara' ké', O kekat padéé' ké'. Bé' lu' murip lebéé' la'ah tong tana' iteu', uban néh kenat jin hun iteu', tekep kelunan éh pu'un redo mai éh telalau seruh tong redo néh awah.

ÉPESUS 6:18

Pakai kekat inah béé ngan sebayang menyat Tuhan nolong keh. Ngelayau sebayang kivu pengeloo' Sahéé'. Jian keh mavaa' mu'un, mai keh putui pengelan bang jian keh ngelayau sebayang tong kekat kelunan éh anah Allah.

PILIPI 4:5

Jian ka'ah dawai kenin ngan kekat kelunan béé. Tuhan pu'un danii' juk tuai kepéh.

KOLOSÉ 4:2

Jian keh gahang sebayang pah avéé' keh omok jam Allah mipa ha' keh, ngan mavaa' kenat péh bara' jian kenin kepéh ngan Néh.

2 TIMOTIUS 4:5

Bang jian ke' mihau kenin ko', ngeretep dalem penusah, maneu' kereja' kelunan éh bara' Rengah Jian, maneu' kekat kereja' ko' barei' éh tekep ngan kelunan éh sohoo' Allah.

TITUS 2:12

La'ah penika Néh inah mihin uleu' dokoo' murip ni'ai ngan bé' kivu kekat éh jin tana' iteu'. Tong tana' iteu' uleu' tekep murip jam mavaa' kenin, teneng ngan kivu sohoo' Allah.

IBRANI 10:25

Mai lu' leko petipun sebayang barei' jelua' kelunan, bang jian lu' ngereken kenin pesiget usah lu', makin péh hun iteu' uban kejam lu' Dau penyavéé' Tuhan lepah danii' mu'un.

IBRANI 9:26

Hun Néh pu'un tai pinaa' koléé' adang Néh pinaa' koléé' keta jin bu'un-bu'un Allah suai tana'. Bang hun iteu' tovoo' tai ga' tana' pu'un Éh poléng tong salib jah koléé' awah ke' Néh mega' penyala' kekat kelunan.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 3:7

Kenat péh kekat ka'ah lakei' éh pu'un redo, jian keh ngerera' tong redo keh ngan pika éh, uban iah éh lemoo' usah. Jian keh seva' éh uban lakei' ngan redo pekua' alaa' pengena' urip éh mu'un ngan pelinguh jin Allah. Jian keh maneu' kenat dai pu'un ineu'-ineu' péh mapat ha' sebayang keh.

1 PÉTERUS 5:8

Mavaa' mu'un-mu'un mai keh telalau kenin, uban Sitan éh ayau keh, iah lakau semah-semah pekua' barei' tepun éh tiwap pitah ka'ah ke' néh kon éh kenat péh Sitan.

ÉH POLÉNG 16:15

Menéng keh! Akeu' juk tuai barei' kelunan nekau! Murung kenin kelunan éh mavaa' ngan mihau pakai néh, ke' néh bé' lakau ugai ngan menyaa' ta'an kelunan pinaa'!