1 PÉTERUS 4:6 - Rengah Jian

⁶ Uban néh kenat, inah néh ke' réh bara' Rengah Jian nah, jian péh éh ngan kelunan éh lepah matai rai, dokoo' na' péh réh teneng ukum éh kemalai teneng tong kelunan, sahéé' réh éh omok murip pekua' pengeloo' kenin Allah. Éh ke' réh kenukum kenat, uban penyala' neu' réh kelebéé' réh murip tong tana' iteu' rai, bang Allah mena' bi'en ngan réh dokoo' réh omok alaa' urip éh pelinguh.

1 PÉTERUS 4:6 Iomraidhean Croise

MATIUS 24:9

Ha' Yésus kepéh, La'ah tovoo' inah péh pu'un kelunan ngamit keh ngan mena' keh ngan irah éh jah ke' réh ngukum keh, jelua' keh penatai réh. Kekat kelunan leko keh uban keh ngelan tong Akeu'.

SURAT PAULUS NGAN SIDANG RUM 8:2

Uban Sahéé' Ni'ai éh pu'un mihin lu' murip petem dalem Yésus Kristus, pu'un éh ngelepu lu' jin penyukat penyala' éh mihin kelunan matai.

GALATIA 2:19

Bang akeu' seleket matai awah tong kekat adet ngan sohoo' lem Surat Musa, bé' akeu' mihau éh. Sala' akeu' hun akeu' juk kivu éh kepéh. Hun iteu' urip ké' lem Allah, akeu' lepah matai pemung ngan Kristus tong salib Néh.

GALATIA 5:25

Pu'un lu' alaa' urip maréng neu' Sahéé' Ni'ai, hun néh kenat tekep Sahéé' inah majak lu' lem kekat urip lu' kepéh.

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.

1 PÉTERUS 3:19

Dalem sahéé' Néh Iah tai Perengah Rengah éh jin Allah ngan kekat sahéé' éh pu'un lem lamin tutup,

ÉH POLÉNG 14:18

La'ah tuai jah meliket kepéh éh mihau luten tong jalan réh motong kemenyan ngan Tuhan. Pu'un éh pané ngan ja'au ha' ngan meliket éh pu'un po'é tebikong éh nyahit nah, ka' ha' néh, pakai po'é ke' alaa' buaa' agun jin pulah tong tana' uban néh lepah mesak tenéh, ha' néh.