1 PÉTERUS 4:4 - Rengah Jian

⁴ Bang hun iteu' irah éh bé' ngelan tong Allah, béé kenin réh ngan sa'at kenin réh, uban keh bé' pu'un pemung ngan réh maneu' barék éh sa'at pekua' sahau nah, uban néh kenat nah ke' réh muau keh awah.

1 PÉTERUS 4:4 Iomraidhean Croise

MATIUS 23:25

Ha' Yésus kepéh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, pinaa' adet keh pohéé' likot sawan ngan pigan, bang lem néh pu'un kekat arong éh nalaa' keh jin keh ngebuyuk kelunan ngan nyelepéé' kenin péh.

LUKAS 15:13

Bé' lebéé' la'o inah anak tadin nah melih kekat livah éh nena' tamen néh ngan néh nah ke' néh alaa' rigit tong néh, ke' néh tioo lakau tai tana' juu'. Avéé' sitai iah bet rigit néh tong barék éh sa'at,

PENGANEU' LAWAH 13:45

Hun kelunan Yahudi na'at kelunan pinaa' nah tai menéng ha' tebaraa' roh, leko réh na'at éh kenat, pu'un réh ngisaa' ha' tebaraa' Paulus ke' réh pekenyaa' éh.

PENGANEU' LAWAH 18:6

Bang hun irah ngelawan ngan pané ngesa'at ngaran néh, pu'un éh nepaga' agaa' tana' jin pakai néh ke' néh maneu' irah ke'. Ka' ha' néh, Hun keh tawang, neu' kenin ka'ah ke' ka'ah tawang, bé' éh keneloo' ké' kenat. Hun iteu' akeu' juk tai nebaraa' kelunan éh tengéé' pohoo' kepéh, ha' néh.

SURAT PAULUS NGAN SIDANG RUM 13:13

Tekep uleu' maneu' kekat barék éh teneng, pekua' éh tekep tong kelunan éh murip tong rema, mai maneu' inga' éh sa'at ngan mavuk, mai petuyang ngan maneu' barék éh sa'at, ngan mai punan ngan pana kenin.

ÉPESUS 5:18

Mai keh mesep baa' éh maneu' keh mavuk, uban jin penganeu' keh kenat, omok éh nasa' urip keh, bang jian keh penoo' neu' Sahéé' Ni'ai.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 3:16

Jian keh mipa ha' réh ngan dawai kenin ngan ngerera' tong réh. Mai keh kejeraa' ineu'-ineu' masek lem kenin keh éh omok ngesa'at kenin keh, dokoo' tong kekat jalan réh pesala' keh, uban neu' keh kivu Kristus, hun réh na'at barék keh jian inah, irah péh jam menyaa' kepéh uban réh ulak pesala' keh awah.

2 PÉTERUS 2:12

Bang irah guru éh ngelavo' nah bara' ka'an éh luvaa' éh pu'un tong tana' dokoo' kelunan alaa' ngan mematai éh awah. Irah kivu kenin réh awah. Palaa' kekat ha' éh sa'at irah ngesa'at ngan muau ineu'-ineu' éh bé' kejam réh. Irah péh juk kenebéé barei' ka'an éh luvaa' inah.

2 PÉTERUS 2:22

Pu'un jah ha' tapan éh pekua' ngan kelunan éh maneu' kenat, ka' éh, Aseu' moléé' kuman lutaa' néh kepéh, ngan Idok éh lepah peroo' réh moléé' tai ngelina' dalem lina' néh kepéh.

YUDAS 1:10

Bang kekat kelunan éh bé' ngelan inah, ngesa'at kekat éh bé' kenejam réh, pu'un réh jam tong Kuraa'-Kuraa' rungen, bang barei' ka'an éh bé' pu'un penyeruh irah jam éh kivu akam éh lem kenin réh ngan kekat inah juk kebéé réh.