1 PÉTERUS 4:2 - Rengah Jian

² Kelebéé' keh murip keto tong tana', jian keh murip kivu pengeloo' Allah, mai keh murip kivu pengagat usah keh awah.

1 PÉTERUS 4:2 Iomraidhean Croise

MATIUS 12:50

uban séé'-séé' éh kivu pengeloo' Tamen Ké' tong seruga, kelunan inah éh padéé' Ké' jian péh éh lakei' ngan jian péh éh padéé' Ké' redo kenat péh éh tinen Ké', ha' Yésus ngan réh.

MATIUS 20:4

Boh éh pané ngan réh, ka' ha' néh, Jian keh tai kereja' tong pulah ké', ineu' gaji éh tekep da', omok ku' mena' éh ngan keh, ha' néh.

MATIUS 21:31

La'ah ha' Yésus neteng réh, séé' jin rawah anak iteu' éh kivu sohoo' tamen roh, ha' néh. Ha' réh mipa éh, Anak néh tuken, ha' réh. La'ah ha' Yésus, Kelunan éh alaa' sukai ngan irah redo éh petuyang, irah inah éh pu'un tai lem nihau Allah saa' tenah jin ka'ah.

MATIUS 7:21

Ha' Yésus kepéh, Bé' éh siget-siget usah éh mateng Akeu', Tuhan, Tuhan, éh omok tai lem nihau Ké', bang kelunan éh maneu' kekat éh pengeloo' Tamen Ké' éh pu'un tong seruga, éh omok tai lem pengihau Ké'.

MARKUS 3:35

Kelunan séé' éh kivu sohoo' Allah, kelunan inah éh padéé' Ké', jian péh éh lakei', jian péh éh padéé' ké' redo, kenat péh éh tinen Ké', ha' Néh ngan réh.

MARKUS 7:21

Uban kenin nah, inah jalan kekat arong penyeruh, pu'un éh jin lem kenin, hun néh kenin néh mihin éh maneu' jian péh, ngan hun kenin néh éh mihin éh maneu' sa'at péh, barei' nekau' ngan mematai kelunan péh.

YOHANES 1:13

Bé' réh omok anak Allah neu' ineu'-ineu' éh neu' kelunan tong tana', bé' réh omok anak Allah barei' jah anak neu' tamen néh tong tana' iteu'. Allah éh maneu' réh anak Néh.

YOHANES 7:17

Séé'-séé' éh keloo' maneu' kekat pengeloo' Allah, omok éh jam kekat ha' tebaraa' Ké' inah pu'un éh jin Allah, bé' Ku' bara' éh kivu kenin Ké' tengéé' awah.

SURAT PAULUS NGAN SIDANG RUM 12:2

Mai keh kivu barék kelunan éh bé' ngelan tong Tuhan, bang jian keh kejeraa' Allah ngepaléu kenin keh mu'un neu' Iah ngepaléu kekat penyeruh keh tong éh sa'at rai. Boh keh omok jam tong pengeloo' Allah ngan jam tong kekat éh jian ngan éh ngepayoo' kenin Néh ngan sukup mu'un.

SURAT PAULUS NGAN SIDANG RUM 14:7

Uban bé' pu'un séé'-séé' éh murip ngan usah néh tengéé', ngan jah usah péh bé' éh matai ngan usah néh tengéé', hun lu' murip pu'un lu' murip ngan Tuhan,

SURAT PAULUS NGAN SIDANG RUM 6:11

Kenat péh ka'ah éh lepah matai tong penyala', jian keh nesen usah keh seleket matai tong kekat penyukat penyala', ngan murip kepéh hun iteu' ngan Allah uban keh pu'un pemung dalem Kristus Yésus.

SURAT PAULUS NGAN SIDANG RUM 6:2

Adang uleu' bé' tekep maneu' kenat kepéh. Uban penyala' bé' pu'un penyukat tong uleu' uban uleu' lepah matai tong penyala' ngan lepah piso jin penyala', bé' lu' juk murip petem maneu' penyala' la'ah.

SURAT PAULUS NGAN SIDANG RUM 7:4

O kekat padéé' ké', inah ha' tapan ké' tong ka'ah kepéh. Ka'ah iteu' lepah matai ngan pelepu jin sohoo' lem Surat Musa, uban ka'ah lepah pemung ngan Kristus. La'ah hun iteu' ka'ah anah Kristus éh betéé' jin patai Néh. Iah betéé' kenat dokoo' uleu' kelunan omok murip ngan barék éh teneng ngan pu'un gunah ngan Allah.

2 KORINTUS 5:15

Hun Kristus lepah matai ngan kekat kelunan kenat, tekep uleu' éh alaa' urip Néh éh maréng, mai lu' murip kivu pengeloo' lu' tengéé', bang jian lu' murip kivu pengeloo' Iah éh lepah matai ngan éh betéé' kepéh.

ÉPESUS 2:3

La'ah hun sahau uleu' béé péh pu'un barei' inah, pohoo' lu' sa'at awah, pu'un lu' maneu' ineu'-ineu' éh pengeloo' usah ngan kenin lu', uleu' péh teneng kenukum Allah pekua' kelunan inah.

ÉPESUS 4:17

Dalem ngaran Tuhan inah éh sohoo' ké' ngan keh. Mai la'ah keh murip barei' kelunan éh bé' ngelan tong Tuhan,

ÉPESUS 5:17

Mai keh barei' gaya' kelunan éh bé' jam seruh, bang jian keh pitah éh pengeloo' Tuhan ngan keh.

ÉPESUS 6:6

Jian keh ngelayau maneu' kenat, bé' makat hun néh ta'an réh awah dokoo' ngepayoo' kenin réh, bang ngan kekat kenin keh jian keh maneu' pengeloo' Tuhan barei' kelunan éh ripen Kristus.

KOLOSÉ 1:9

Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh.

KOLOSÉ 3:3

Uban ka'ah lepah matai ngan urip keh pu'un éh pelim pemung ngan Kristus dalem Allah.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

1 TESALONIKA 5:18

Bang tekep ka'ah bara' jian kenin dalem kekat ineu'-ineu' péh, uban inah éh pengeloo' Allah jin ka'ah kelunan éh murip pemung ngan Kristus Yésus.

IBRANI 13:21

Jian Allah inan pengepawah inah pesukup kekat pengejian Néh ngan keh dokoo' keh omok maneu' pengeloo' Néh. Dokoo' jin Yésus Kristus Allah maneu' kekat ineu' éh keneloo' Néh dalem urip lu'. Jian Kristus pu'un peparen avéé' kelebéé' lebéé' néh! Amin.

YAKUB 1:18

Kivu pengeloo' Néh tengéé' Iah suai uleu' neu' ha' tebaraa' Néh éh teneng. Inah maneu' uleu' omok barei' buaa' éh tenah jin kekat-kekat éh senuai Néh.

1 PÉTERUS 1:14

Jian keh kivu sohoo' Allah, mai keh kivu kekat pengagat dalem kenin keh barei' éh neu' keh sahau hun keh bé' jak jam Allah.

1 PÉTERUS 2:1

Uban kenat, Jian ka'ah bet kekat arong pengesa'at jin usah keh. Mai keh pané' kenyo la'ah, mai keh ngelayoo' maneu' jian, mai keh sakit kenin ngan kelunan ngan mai keh ngesa'at ngaran réh.

1 YOHANES 2:17

Tana' iteu' ngan kekat éh pu'un tong tana' iteu', éh kenelih kelunan bé' éh pelinguh. Bang kelunan éh maneu' pengeloo' Allah, omok murip pelinguh-linguh.