1 PÉTERUS 4:18 - Rengah Jian

¹⁸ Uban pu'un éh barei' ha' dalem surat Allah, ka' éh, Hun kelunan éh ngelan ma'an alaa' urip, kineu' éh tong kelunan éh bé' ngelan ngan éh maneu' penyala' péh?

1 PÉTERUS 4:18 Iomraidhean Croise

LUKAS 15:1

Pu'un kelunan éh alaa' sukai ngan kelunan penyala' péh tuai tavin Yésus ke' réh menéng ha' Néh.

LUKAS 23:31

Bang hun réh maneu' kekat kesa'at iteu' tong kayeu' éh mata keto, kineu' éh juk neu' réh kepéh tong kayeu' éh lepah mesak, ha' Néh.

PENGANEU' LAWAH 14:22

Pu'un roh ngereken kenin kekat kelunan éh ngelan tong Tuhan ngan nyohoo' réh gahang lem pengelan réh. Ka' ha' roh, Adang lu' juk teneng kuraa' arong penusah kelu' omok tai lem nihau Tuhan, ha' roh.

PENGANEU' LAWAH 27:24

Ka' ha' néh ngan ké', O Paulus, mai ke' medai, adang ka'au' omok nekedéng tong jumen raja', inah kepéh uban Allah pika ke' Iah purip kekat kelunan éh lakau ngan ko' inah, ha' meliket nah.

PENGANEU' LAWAH 27:31

La'ah Paulus pané ngan pengeja'au seradu ngan kekat seradu péh, ka' ha' néh, Hun irah bé' mokoo' lem kapen iteu', bé' keh murip, ha' néh.

SURAT PAULUS NGAN SIDANG RUM 1:18

Jin seruga Allah bara' kemerek Néh tong kekat arong penyala' ngan kesa'at kelunan, uban penyala' réh inah, mapat jalan réh bé' omok jam Allah.

SURAT PAULUS NGAN SIDANG RUM 5:6

Uban lem lu' to lemoo' ngan bé' omok piso jin kesa'at lu', tovoo' jaka' éh kevéléé' Allah ke' Kristus matai ngeliwah uleu' kelunan éh sa'at.

SURAT PAULUS NGAN SIDANG RUM 5:8

Bang inah jalan Allah pepoléng penika Néh ngan uleu', uban lem lu' pu'un maneu' penyala' keto, inah Kristus matai ngeliwah uleu'.

1 KORINTUS 10:12

Uban néh kenat kelunan éh seruh iah jam nekedéng tengéé', jian iah mavaa' dai néh pelohoo' kepéh.

1 TIMOTIUS 1:9

Bang jian irah nesen sohoo' inah bé' éh tulat kelunan éh Jian, bang tulat kelunan sa'at ngan éh ngelapah sohoo', kelunan éh bé' jam Allah ngan kelunan penyala', kelunan éh bé' keloo' sebayang ngan éh kivu urip tana', kelunan éh mematai tamen ngan tinen ngan mematai kelunan.

IBRANI 4:1

La'ah uban jajii' dokoo' omok masek lem pengeposot Néh inah pu'un petem ngan lu', jian lu' mavaa' dai pu'un séé'-séé' jin belah ka'ah bé' omok alaa' éh pejajii' Néh inah.

YAKUB 5:6

Pu'un keh ngukum ngan mematai kelunan éh bé' pu'un penyala' ngan irah ngerera' awah.

1 PÉTERUS 5:8

Mavaa' mu'un-mu'un mai keh telalau kenin, uban Sitan éh ayau keh, iah lakau semah-semah pekua' barei' tepun éh tiwap pitah ka'ah ke' néh kon éh kenat péh Sitan.

2 PÉTERUS 3:7

Bang langit ngan tana' éh pu'un hun iteu', neu' ha' Néh awah Tuhan mihau éh pah avéé' jaka' Néh ngebéé éh palaa' luten. Langit ngan tana' péh pu'un nihau Néh pah avéé' dau Tuhan pu'un ngukum ngan kebéé kekat kelunan éh bé' ngelan Tuhan.

YUDAS 1:15

Adang Iah petuneng kekat kelunan. Iah juk ngukum kelunan éh bé' ngelan uban penganeu' réh éh Sa'at ngan uban kekat ha' ané réh ngesa'at Tuhan!