1 PÉTERUS 4:16 - Rengah Jian

¹⁶ Uban hun keh teneng pengeketa uban ngaran keh Kristén, mai keh menyaa', bang jian keh mejing Allah, uban keh anah Kristus.

1 PÉTERUS 4:16 Iomraidhean Croise

PENGANEU' LAWAH 11:26

Hun néh temeu' ngan néh, boh éh mihin éh tai leboo' Antiokia kepéh. Mokoo' roh tong sidang Antiokia avéé' jah ta'un ke' roh nebaraa' kelunan sinah. La'ah tong Antiokia nah, inah éh bu'un réh mateng ngaran kelunan éh ngelan tong Tuhan, kelunan Kristén.

PENGANEU' LAWAH 26:28

Ka' ha' Agripa kepéh, Neu' ha' ko' éh kerat kenat, pu'un ke' seruh ke' omok maneu' akeu' kelunan Kristén, ha' néh.

PENGANEU' LAWAH 28:22

Bang keloo' mé' menéng ha' ko' ngan tong penyeruh ko', uban kejam mé' irah semah-semah péh pu'un réh bara' sebayang maréng iteu' sa'at awah, ha' réh.

PENGANEU' LAWAH 5:41

Musit irah lawah nah jin lamin Komiti sebayang Yahudi nah, murung mu'un-mu'un kenin réh uban kejam réh Tuhan ngevéléé' réh lem néh kejeraa' kelunan pekenyaa' réh kenat uban ngaran Yésus.

PILIPI 1:20

Uban kenin ké' mu'un, akeu' ngelan mai akeu' maneu' ineu'-ineu' éh omok mihin akeu' menyaa', bang siget-siget koléé', makin péh hun iteu' hun ké' pu'un tong lamin tutup, jian akeu' makang kenin dalem kekat urip ké', dokoo' ké' omok pesavéé' kenajung ngan Kristus, kenat péh hun ké' murip, kenat péh hun ké' matai péh.

PILIPI 1:29

Jian keh murung kenin uban neu' penika Kristus Iah mihin keh ngelan tong Iah, bang bé' makat ngelan kenat awah, bang inah kepéh Iah mihin keh jam keta pemung ngan Néh.

2 TIMOTIUS 1:12

La'ah kenat péh akeu' sioo' keta dalem kekat penganeu' ké' iteu'. Na' péh kenat bé' akeu' menyaa', uban ké' jam Iah éh kepelum ké' ngan akeu' jam Iah pu'un penyukat omok mihau kekat éh lepah nena' néh ngan ké', pah avéé' pengega' dau.

YAKUB 2:7

Irah inah éh ngesa'at ngaran éh matek maren éh jalan Allah tebai keh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 4:11

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

1 PÉTERUS 4:14

Murung kenin ka'ah hun réh pekenyaa' keh uban keh kivu Kristus, uban hun néh pu'un kenat, inah pepoléng Sahéé' éh maren, inah éh Sahéé' Ni'ai pu'un dalem keh.

1 PÉTERUS 4:19

Hun néh kenat kelunan éh pu'un keta uban pengelan réh tong Allah, jian irah petem maneu' jian ngan mena' usah réh ngan Allah éh bu'un-bu'un suai réh kelunan ke' Néh mihau réh uban Tuhan éh tigéh.