1 PÉTERUS 4:11 - Rengah Jian

¹¹ Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

1 PÉTERUS 4:11 Iomraidhean Croise

MATIUS 6:13

Mai kejeraa' mé' teneng tong tenupat, bang jian ke' mavaa' mé' jin Sitan. Kenat ha' sebayang keh.

YOHANES 13:31

La'o Yudas musit Yésus pané kepéh ngan irah bakéh Néh, ka' ha' Néh, Hun iteu' pengaren Anak Kelunan pu'un poléng ngan pengaren Allah pu'un poléng dalem Iah.

PENGANEU' LAWAH 7:38

Ha' Stepanus, La'ah Musa nah pu'un éh pemung ngan kekat kelunan Israel hun réh pu'un tong tana' pegawa sahau, iah pu'un pemung ngan kekat tepun lu' ngan meliket éh pané ngan néh tong tokong Sinai, ngan pu'un éh alaa' kekat ha' tebaraa' jin Allah éh omok purip réh ke' néh bara' éh ngan uleu' kepéh, ha' néh.

SURAT PAULUS NGAN SIDANG RUM 11:36

Uban kekat-kekat ineu'-ineu' péh senuai Néh béé. La'ah neu' Iah péh kekat néh pu'un petem ngan pu'un éh ngan Néh. Jian Allah kenajung kelunan pelinguh. Amin.

SURAT PAULUS NGAN SIDANG RUM 12:3

Uban neu' pengena' Allah éh lepah nena' Néh ngan ké', inah akeu' bara' ngan ka'ah, mai keh bau kenin ngan ulak juk maneu' ineu'-ineu' hun Allah bé' mena' éh ngan keh. Kenat péh mai keh seruh ka'ah kelunan éh ulak sa'at awah, ngan Tuhan bé' keloo' pakai keh, bang jian siget usah keh petuneng tong kenin keh tengéé', pekua' jalan keh ngelan keh omok pakai pengena' Allah ngan keh.

SURAT PAULUS NGAN SIDANG RUM 16:27

Jah awah Allah ngan Iah jam kekat ineu'-ineu', tekep uleu' mejing Iah pah avéé' pelinguh neu' Yésus Kristus. Amin.

SURAT PAULUS NGAN SIDANG RUM 3:2

Adang kekat inah pu'un gunah. Uban éh bu'un néh Allah lepah mena' ha' tebaraa' Néh ngan réh.

1 KORINTUS 10:31

Uban néh kenat dalem kekat penganeu' keh, hun keh kuman hun keh mesep péh, maneu' éh béé-béé dokoo' peparen Allah.

1 KORINTUS 12:4

Pu'un kuraa'-kuraa' arong pengena' lem kenin kelunan bang Sahéé' Allah Iah éh mena' kekat néh béé.

1 KORINTUS 3:10

La'ah kivu pekua' pengena' Allah ngan ké', akeu' éh barei' pengeja'au tukeng lamin, akeu' éh mejek lihei', la'ah kelunan éh jah maneu' lamin tong néh. Bang tekep kelunan éh maneu' lamin tong néh seruh mu'un tong penganeu' néh tong néh.

1 KORINTUS 6:20

Pu'un Iah melih ka'ah palaa' éh ma'an. Uban néh kenat tekep ka'ah peparen Allah dalem usah keh.

2 KORINTUS 2:17

Bé' mu'un améé' barei' jelua' kelunan éh bara' ha' Tuhan, barei' réh seruh tebaraa' inah bé' pu'un gunah. Irah bara' éh uban réh juk alaa' rigit awah. Bang améé' bara' ha' Tuhan uban Allah éh nyohoo' améé' bara' éh, bé' améé' bara' éh ngelayoo' awah, bang améé' bara' éh ngan kekat kenin mé' mu'un uban mé' kelunan éh sohoo' Kristus.

2 KORINTUS 9:13

Uban neu' pengena' keh kenat, inah éh pepoléng pengereken keh dalem pengelan keh, inah mihin kelunan pinaa' peparen Allah uban ka'ah maneu' pekua' éh kenakun keh tong Rengah Jian Kristus, neu' penika keh mena' ngan irah ngan mena' ngan kelunan éh jah kepéh.

ÉPESUS 1:19

Ngan akeu' keloo' keh jam tong ke ja'au penyukat Tuhan lem uleu' éh ngelan tong Kristus. Penyukat Néh inah pu'un éh pekua' penyukat Néh,

ÉPESUS 4:29

Mai keh sa'at ha' ané, bang jian keh pané tong kekat éh omok ngegahang ngan ngereken kenin kelunan, dokoo' keh omok nolong irah éh menéng ha' keh inah.

ÉPESUS 5:20

Dalem kekat ineu'-ineu' péh jian keh ngelayau bara' jian kenin ngan Allah éh Tamen lu', dalem ngaran Tuhan Yésus Kristus.

ÉPESUS 6:10

Inah éh pengega' ha' ké', jian ka'ah gahang dalem Tuhan, neu' penyukat Néh éh ja'au mu'un.

PILIPI 1:11

Akeu' keloo' kekat urip ngan barék keh pu'un jian neu' penyukat Yésus Kristus lem kenin keh, dokoo' keh omok peparen ngan mejing Allah.

PILIPI 2:11

Ngan kekat néh béé bara' Yésus Kristus Iah éh pengeja'au. Neu' ha' réh kenat pu'un réh peparen Allah éh Tamen.

KOLOSÉ 4:6

Jian kekat ha' ané keh ngelayau pu'un jian, éh mihin kenin kelunan keloo' menéng ha' keh, ngan jian keh seruh mipa siget-siget ha' réh éh neteng keh tong pengelan keh.

1 TESALONIKA 2:4

Bé' améé' pané dokoo' ngepayoo' kenin kelunan, bang barei' Tuhan ngevéléé' améé' ngan mena' tebaraa' Néh ngan mé' ngan Iah ngelan mé' bara' éh ngan kelunan ngan teneng mu'un, kenat péh améé' pané, bé' makat dokoo' ngepayoo' kenin kelunan bang améé' ngepayoo' kenin Allah éh jam petuneng kenin mé'.

1 TIMOTIUS 1:17

Jian Allah, Raja' éh pelinguh, éh murip pelinguh-linguh, éh bé' omok ta'an kelunan, ngan éh jah awah, tekep seneva' ngan peparen avéé' kelebéé' lebéé' néh. Amin.

1 TIMOTIUS 6:16

Iah awah éh murip pelinguh-linguh. Iah murip lem rema éh bé' omok tenavin kelunan séé' séé' péh. Bé' pu'un kelunan na'at Éh kenat péh bé' Éh omok ta'an kelunan. Tekep Iah ngelayau seneva' ngan Iah pu'un penyukat pelinguh-linguh'. Amin.

TITUS 2:1

Bang jian ke' bara' ha' tebaraa' éh teneng.

TITUS 2:15

Jian ke' bara' kekat ha' tebaraa' iteu', ngan neu' penyukat Sahéé' Ni'ai jian ke' nebaraa' ngan petena' réh. Mai jah-jah usah péh ngera' ke' awah.

IBRANI 13:7

Jian keh seruh tong irah éh pengeja'au keh lepah, éh bara' ha' Tuhan ngan keh. Seruh keh tong urip réh ngan tong pematai réh, jian keh nyavuu' pengelan réh.

IBRANI 5:12

Lepah lebéé' tenéh keh pu'un kivu Tuhan ngan pekalai, sukup kelebéé' keh omok nebaraa' irah éh jah. Bang na' péh kenat kelebéé', to de' ke' keh bé' nesen mu'un, ngan ka'ah ngelan kelunan nebaraa' keh keto tong ha' tebaraa' éh bu'un-bu'un nenéng keh. Ka'ah météé' awah, bé' jak keh jam kuman sin ka'an.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 1:26

Hun pu'un kelunan éh seruh iah kivu Tuhan mu'un bang sa'at ha' ané néh, pengelan néh seleket bé' pu'un ngan iah ngelavo' usah néh awah.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:5

La'ah ka'ah kepéh seleket bateu' éh murip, éh penakai dokoo' maneu' lamin Allah éh ni'ai. Uban néh kenat ka'ah barei imam éh kevéléé' Allah ngan éh mena' pengena' éh ni'ai éh ngepayoo' kenin Allah, neu' Yésus Kristus.

1 PÉTERUS 4:10

Jian siget usah tigéh maneu' kereja' Tuhan uban pinaa' arong pengena' Allah dalem kenin kelunan dokoo' lu' nolong kelunan éh jah. Jian keh tigéh dalem kekat pengena' Néh inah.

1 PÉTERUS 4:16

Uban hun keh teneng pengeketa uban ngaran keh Kristén, mai keh menyaa', bang jian keh mejing Allah, uban keh anah Kristus.

1 PÉTERUS 5:11

Iah éh pu'un penyukat pelinguh-linguh! Amin.

YUDAS 1:25

Iah awah éh Allah, éh pepurip lu' jin Yésus Kristus Tuhan lu'. Iah néh Allah éh Maren, pengeja'au kekat Allah, pu'un penyukat ngan éh bau kekat néh béé jin sahau avéé' hun iteu' ngan kelebéé'-lebéé' néh. Amin.