1 PÉTERUS 4:1 - Rengah Jian

¹ La'ah uban Kristus lepah tagong pengeketa tong usah Néh, jian ka'ah ngegahang kenin keh palaa' penyeruh éh pekua' kenin Kristus. Éh ke' néh kenat uban séé'-séé' éh tagong pengeketa tong usah néh, bé' iah maneu' penyala' kepéh.

1 PÉTERUS 4:1 Iomraidhean Croise

MARKUS 3:3

Ha' Yésus ngan kelunan paket ojoo' nah, Betéé' ke' jian ke' tuai nekedéng siteu', ha' Néh ngan néh.

SURAT PAULUS NGAN SIDANG RUM 6:11

Kenat péh ka'ah éh lepah matai tong penyala', jian keh nesen usah keh seleket matai tong kekat penyukat penyala', ngan murip kepéh hun iteu' ngan Allah uban keh pu'un pemung dalem Kristus Yésus.

SURAT PAULUS NGAN SIDANG RUM 6:2

Adang uleu' bé' tekep maneu' kenat kepéh. Uban penyala' bé' pu'un penyukat tong uleu' uban uleu' lepah matai tong penyala' ngan lepah piso jin penyala', bé' lu' juk murip petem maneu' penyala' la'ah.

SURAT PAULUS NGAN SIDANG RUM 6:7

Uban kelunan éh lepah matai, pu'un éh pelepu jin penyala', bé' penyala' pu'un penyukat tong néh kepéh.

GALATIA 2:20

La'ah urip ké' hun iteu' bé' éh anah ké' tengéé' kepéh, bang urip Kristus éh murip dalem akeu'. La'ah tong urip ké' hun iteu', akeu' murip neu' pengelan ké' tong Anak Allah, éh pika akeu' ngan éh mena' usah Néh uban akeu'.

GALATIA 5:24

La'ah kekat kelunan éh anah Yésus Kristus pu'un éh lepah mematai pengagat dalem usah néh pemung ngan kekat kesa'at ngan pengeloo' néh tengéé'.

ÉPESUS 6:13

Uban néh kenat jian keh pakai kekat lajam ngan pakai jin Allah, Hun dau éh sa'at nah pu'un, inah éh dau Sitan ngelawan keh mu'un, boh keh omok nekedéng petem nerokon nyakat éh, ngan la'o keh pesakat nah péh, pu'un keto keh nekedéng petem nerokon.

PILIPI 2:5

Jian keh pu'un kenin pekua' kenin Kristus Yésus.

IBRANI 12:3

Jian keh pepata urip keh ngan urip Néh, pinaa' penusah Néh neu' kelunan éh sa'at éh leko Éh ngan maneu' Éh mu'un-mu'un, bang kebit kenin Néh lem kekat penusah Néh. Jian keh pepata urip keh ngan urip Néh kenat, dai keh béé kenin ngan bé' omok ngeretep lem kekat penusah keh kepéh.

IBRANI 4:10

Pu'un éh kenat uban séé'-séé' omok posot kivu éh pejajii' Allah, adang néh posot kepéh jin kereja' néh barei' okoo' Allah pu'un posot jin kereja' Néh.

1 PÉTERUS 2:21

Kenat péh Allah tebai keh, dokoo' keh omok ngeretep ngan kebit kenin lem kekat pengeketa keh, uban Kristus péh lepah keta uban Néh purip keh, ngan Iah bara' jalan ngan keh dokoo' keh omok kivu uban Néh.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.