1 PÉTERUS 3:7 - Rengah Jian

⁷ Kenat péh kekat ka'ah lakei' éh pu'un redo, jian keh ngerera' tong redo keh ngan pika éh, uban iah éh lemoo' usah. Jian keh seva' éh uban lakei' ngan redo pekua' alaa' pengena' urip éh mu'un ngan pelinguh jin Allah. Jian keh maneu' kenat dai pu'un ineu'-ineu' péh mapat ha' sebayang keh.

1 PÉTERUS 3:7 Iomraidhean Croise

MATIUS 18:19

Ha' néh kepéh, La'ah Akeu' bara' ngan keh, hun duah usah tong tana' sebayang menyat ineu'-ineu' ngan pekua' kenin tong néh, adang Tamen ké' tong seruga pu'un maneu' pekua' pengenyat roh inah.

1 KORINTUS 7:3

Jian lakei' maneu' éh tekep ngan redo néh, kenat péh redo ngan lakei' néh, mai rawah pekeleko.

ÉPESUS 3:6

Neu' Rengah Jian éh pelim lem kenin Allah sahau, bang éh pepoléng Néh hun iteu' kepéh, kelunan éh tengéé' pohoo' jin pohoo' Yahudi péh, omok éh alaa' kekat pengejian Allah pemung ngan irah Yahudi. Irah péh barei' jebila' usah Tuhan ngan pu'un dalem jajii' éh pejajii' Allah lem Kristus Yésus.

ÉPESUS 4:30

Mai keh petusah Sahéé' Allah éh Sahéé' Ni'ai, uban Sahéé' inah, Iah éh telana' ka'ah anah Allah, uban pu'un jah dau vam, Tuhan juk ngelepu lu' jin usah lu' éh sa'at iteu' kepéh.

ÉPESUS 5:33

Bang pu'un éh bara' éh kepéh ngan uleu', adang éh tekep siget lakei' éh pu'un redo, pika redo néh pekua' iah pika usah néh tengéé' ngan tekep siget redo ngerera' tong lakei' néh.

ÉPESUS 6:18

Pakai kekat inah béé ngan sebayang menyat Tuhan nolong keh. Ngelayau sebayang kivu pengeloo' Sahéé'. Jian keh mavaa' mu'un, mai keh putui pengelan bang jian keh ngelayau sebayang tong kekat kelunan éh anah Allah.

KOLOSÉ 3:19

O kekat lakei' éh pu'un redo, jian keh pika redo keh, mai keh sa'at adet ngan réh.

1 TESALONIKA 4:4

Kekat irah lakei' Saa' belah ka'ah tekep jam kineu' ayoo' murip pemung ngan redo néh tong jalan éh omok pesenang kenin Allah ngan kelunan.

TITUS 3:7

dokoo' neu' penika Néh uleu' omok alaa' kenin éh teneng tong jumen Allah ngan alaa' urip éh pelinguh pekua' pengelan lu'.

IBRANI 1:14

Hun néh kenat kineu' irah meliket nah? Irah Sahéé' éh ngerera' kivu sohoo' Allah. Pu'un Tuhan nyohoo' réh tai nolong irah éh tekep alaa' urip Néh.

1 PÉTERUS 3:1

Barei' ha' ké' ngan kelunan sohoo' kenat kepéh kekat ka'ah redo éh pu'un lakei' petem kivu sohoo' lakei' néh. Hun pu'un irah lakei' éh bé' ngelan tong ha' tebaraa' Tuhan, hun néh na'at barék redo néh jian, boh iah keloo' ngelan Tuhan kepéh na' péh redo néh bé' pu'un bara' ineu'-ineu' ngan néh,