1 PÉTERUS 3:5 - Rengah Jian

⁵ Kenat péh irah redo sahau éh anah Allah ngan ngelan tong Tuhan, inah jalan irah ngejian usah réh, irah petem kivu sohoo' lakei' réh.

1 PÉTERUS 3:5 Iomraidhean Croise

LUKAS 2:37

la'o inah baleu' éh avéé' ayah poloo' pat ta'un. Mokoo' tengéé' éh tong Umaa' Allah. Siget dau ngan siget merem iah seva' Allah, ngan kelaset awah ke' néh sebayang.

PENGANEU' LAWAH 1:14

La'ah kekat irah inah petipun dokoo' réh petem sebayang, pemung ngan irah redo, Meriam éh tinen Yésus, ngan irah padéé' usah Yésus.

PENGANEU' LAWAH 9:36

Tong leboo' Yopé, leboo' éh ja'au déhéé' baa' banget, pu'un jah redo éh ngelan tong Tuhan, ngaran néh Tabita. Ngaran néh dalem ha' Yunani Dorkas, sin néh Payau. Kekat penganeu' redo inah jian éh, ngelayau éh nolong kelunan kari.

ÉPESUS 5:33

Bang pu'un éh bara' éh kepéh ngan uleu', adang éh tekep siget lakei' éh pu'un redo, pika redo néh pekua' iah pika usah néh tengéé' ngan tekep siget redo ngerera' tong lakei' néh.

1 TIMOTIUS 2:10

Jian réh pekerayung usah réh palaa' kekat penganeu' éh jian éh nolong kelunan éh jah, inah barék éh tekep ngan redo éh ngelan ngan kivu Tuhan.

1 TIMOTIUS 2:15

Bang redo omok alaa' urip neu' pu'un anak, inah éh hun néh pu'un petem dalem pengelan néh, ngan pika ngan kekat éh ni'ai ngan jam seruh.

1 TIMOTIUS 5:10

Inah kepéh hun néh redo éh pu'un ngaran éh jian uban néh pinaa' jalan nolong kelunan éh jah, éh pu'un mihau anak néh mu'un ngan éh ngelayau alaa' irah sakai tong lamin néh ngan mihau réh ngan jian kenin, éh pu'un masi ngan pika kelunan lem penusah réh, ngan éh mekat maneu' kuraa'-kuraa' arong kereja' éh jian péh, redo baleu' éh kenat jian keh nolong éh.

1 TIMOTIUS 5:5

La'ah redo éh baleu' éh bé' pu'un séé'-séé' éh omok petubo éh bang pu'un éh ngelan Allah awah mihau éh, ngan pu'un éh sebayang siget dau ngan siget merem péh menyat pika jin Tuhan.

IBRANI 11:11

Neu' pengelan, Abraham omok pu'un anak na' péh éh lepah mukun ngan Sara péh mukun ngan nyalun. Pu'un Abraham ngelan tong ha' jajii' Allah bara' éh omok pu'un anak.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.