1 PÉTERUS 3:21 - Rengah Jian

²¹ Labuu inah tapan tong baa' éh jalan kelunan ngebatis keh éh purip keh hun iteu'. Pengebatis inah bé' éh mohéé' nong jin usah keh bang neu' kekat éh kenakun keh ngan Allah jin kenin keh mu'un éh jian. Pengebatis iteu' purip keh uban Yésus Kristus lepah betéé' jin pematai ngan lepah moléé' tai seruga. Hun iteu' Iah saa' na'au' Allah ngan pengeja'au kekat meliket, ngan kekat éh pu'un penyukat ngan éh ja'au tong seruga,

1 PÉTERUS 3:21 Iomraidhean Croise

MATIUS 28:19

Jian keh tai tavin kekat arong kelunan pah tipo tana'. Ngan keh maneu' réh bakéh ké'. Jian keh ngebatis réh dalem ngaran Tamen ngan Anak ngan Sahéé' Ni'ai.

MARKUS 16:16

Séé'-séé' éh ngelan ngan benatis, iah omok alaa' urip bang kelunan éh bé' ngelan adang néh teneng kenukum.

YOHANES 13:9

Ka' ha' Péterus kepéh, O Tuhan, hun néh kenat mai Ke' pohéé' gem ké' awah, jian Ke' pohéé' avéé' ojoo' ngan ulun ké' kepéh, ha' néh.

PENGANEU' LAWAH 16:33

Tovoo' merem inah péh pu'un éh mihin roh ngan pohéé' suhat roh, boh éh batis pemung ngan kekat kelunan tong lamin néh.

PENGANEU' LAWAH 2:38

Ka' ha' Péterus ngan réh, Jian siget-siget usah keh piso jin penyala' keh, ngan batis dalem ngaran Yésus Kristus dokoo' penyala' keh omok pega'. La'ah ka'ah omok alaa' Sahéé' Ni'ai éh pengena' Allah ngan lu'.

PENGANEU' LAWAH 22:16

La'ah hun iteu' kineu' ke' mokoo'? Jian ke' betéé' ngan batis, ngan menyat pika lem ngaran Néh ke' Néh mega' penyala' ko', kenat ha' Ananias ngan ké', ha' Paulus.

PENGANEU' LAWAH 8:36

Lem roh lakau nah, avéé' roh tong baa', boh lakei' ja'au nah bara' ngan Pilipus, ka' ha' néh, Pu'un baa' siteu' ne', kineu', pu'un ineu' éh ké' bé' tekep batis kejam ko', ha' néh.

PENGANEU' LAWAH 8:37

Ka' ha' Pilipus ngan néh, Hun ko' ngelan ngan kekat kenin ko', omok ke' batis, ha' néh. Ka' ha' lakei' ja'au kepéh, Pu'un ku' ngelan Yésus Kristus adang Néh Anak Allah, ha' lakei' ja'au nah.

SURAT PAULUS NGAN SIDANG RUM 5:14

Bang na' péh kenat, jin Adam pah avéé' tong Musa, kekat kelunan éh murip kelebéé' inah, patai inah éh pu'un penyukat tong réh, avéé' tong irah éh bé' maneu' penyala' pekua' éh naneu' Adam tovoo' néh ngelapah sohoo' Allah rai. Adam nah inah jah gaben tong Yésus Kristus éh juk tuai kepéh nah.

1 KORINTUS 12:13

Kenat péh kekat uleu' béé pu'un petem jah usah awah. Kenat péh irah Yahudi kenat péh irah éh tengéé' pohoo', kenat péh kelunan ripen, kenat péh kelunan éh bé' ripen. Sahéé' Allah éh maneu' uleu' petem jah awah, uleu' pu'un petem dalem Kristus neu' Sahéé' Allah éh jah awah, ngan Sahéé' Allah inah pu'un petem dalem kenin uleu' béé.

1 KORINTUS 4:6

O kekat padéé' ké', tong kekat éh benara' ké' iteu', akeu' maneu' ha' tapan tong amo Apolos, dokoo' keh omok nesen éh. Pu'un ku' tapan éh kenat dokoo' ka'ah omok jam, bé' tekep keh petuneng kelunan ngan ngajung jah usah ngan tengéé' kenin ngan leko tong jah usah kepéh.

2 KORINTUS 1:12

Pu'un jah jalan améé' bahuu', inah éh uban dalem kenin mé' bé' pu'un ineu'-ineu' lem kenin mé' éh pesala' mé' tong urip mé' belah kelunan semah-semah péh, makin péh belah ka'ah, uban kekat barék mé' pu'un éh jian ngan teneng awah. Jah awah kenin améé', bé' mé' maneu' ineu'-ineu' ngan ngelayoo' awah, bé' mé' kivu pengejam mé' tengéé', tong kekat penganeu' mé' pu'un éh neu' penika Allah.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

GALATIA 3:27

Uban kekat ka'ah éh lepah benatis dalem Kristus, pu'un keh lepah alaa' kekat pengejian pekua' barei' Kristus kepéh.

ÉPESUS 5:26

Iah maneu' kenat ke' Néh mena' sidang Néh ngan Allah, ke' Néh omok ngeni'ai éh neu' ha' tebaraa' Néh ngan neu' baa'

KOLOSÉ 2:12

Uban hun lu' pu'un batis inah lu' seleket tenanem pemung ngan Kristus, bang hun lu' musit jin lem baa' kepéh, inah seleket lu' pu'un betéé' murip ngan Kristus neu' pengelan lu' tong penyukat Allah éh pebetéé' Kristus jin patai Néh.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

1 TIMOTIUS 6:12

Jian ke' nengayet mu'un dokoo' murip tigéh lem urip Kristén ko', dokoo' ka'au' omok alaa' urip mu'un éh pelinguh, uban kenat péh jalan Allah tebai ke' hun ko' ngakun pengelan ko' tong Tuhan tong Jumen kelunan pinaa' rai.

IBRANI 10:22

Uban néh kenat jian uleu' tuai tepih tong Allah ngan jah awah kenin ngan pengelan éh reken ngan kenin éh ni'ai éh bé' pu'un ineu' pesala' kenin lu' kepéh, ngan usah éh lepah nohéé' palaa' baa' éh ni'ai.

IBRANI 11:19

Abraham ngelan, na' péh éh mematai anak néh kivu sohoo' Allah, omok Allah purip éh jin patai néh kepéh, ngan inah Abraham seleket alaa' Ishak jin patai néh.

IBRANI 13:18

Jian keh ngelayau sebayang tong améé'. Bé' pu'un ineu'-ineu' éh pesala' kenin mé', uban ngelayau améé' juk maneu' kekat éh teneng.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

IBRANI 9:24

Uban Kristus bé' Iah tai Retek Ni'ai éh senuai kelunan, éh itong jah gaben tong Retek Ni'ai mu'un tong seruga. Bang pu'un éh tai seruga, sinah éh poléng tong jumen Allah ke' néh nolong uleu'.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

1 PÉTERUS 3:16

Jian keh mipa ha' réh ngan dawai kenin ngan ngerera' tong réh. Mai keh kejeraa' ineu'-ineu' masek lem kenin keh éh omok ngesa'at kenin keh, dokoo' tong kekat jalan réh pesala' keh, uban neu' keh kivu Kristus, hun réh na'at barék keh jian inah, irah péh jam menyaa' kepéh uban réh ulak pesala' keh awah.