1 PÉTERUS 3:2 - Rengah Jian

² adang irah keloo' ngelan hun néh na'at barék redo néh ni'ai ngan murip ngerera' tong Tuhan.

1 PÉTERUS 3:2 Iomraidhean Croise

ÉPESUS 5:33

Bang pu'un éh bara' éh kepéh ngan uleu', adang éh tekep siget lakei' éh pu'un redo, pika redo néh pekua' iah pika usah néh tengéé' ngan tekep siget redo ngerera' tong lakei' néh.

ÉPESUS 6:5

O kekat ripen, jian keh kivu sohoo' pengeja'au keh tong tana', ngan ngerera' tong réh. Jian keh kivu sohoo' réh ngan kenin keh mu'un, barei' keh pu'un kivu sohoo' Kristus.

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 3:20

Bang tana' ngan baa' uleu' pu'un éh tong seruga, jin sinah uleu' mena Tuhan Yésus Kristus tuai kepéh, éh juk purip lu'.

KOLOSÉ 3:22

O kekat kelunan sohoo', jian keh kivu kekat sohoo' pengeja'au keh, bé' makat tovoo' réh na'at keh awah, mai keh ngelayoo' awah kereja' tong ta'an pengeja'au keh nah, bang jian keh kereja' mu'un uban keh ngelan tong Tuhan.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

1 PÉTERUS 1:15

Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 3:1

Barei' ha' ké' ngan kelunan sohoo' kenat kepéh kekat ka'ah redo éh pu'un lakei' petem kivu sohoo' lakei' néh. Hun pu'un irah lakei' éh bé' ngelan tong ha' tebaraa' Tuhan, hun néh na'at barék redo néh jian, boh iah keloo' ngelan Tuhan kepéh na' péh redo néh bé' pu'un bara' ineu'-ineu' ngan néh,

1 PÉTERUS 3:3

Mai keh alaa' kuraa'-kuraa' arong pakai dokoo' ngejian usah keh awah, mai keh maneu' bok keh tengéé' jin éh pohoo' penganeu' keh éh malai, ngan pakai jong mas ngan pakai talem pinaa', jalan keh no'é' kelunan awah.

2 PÉTERUS 3:11

Uban kekat inah juk béé kenat, kineu' tok ka'ah dalem urip keh hun iteu'? Adang éh tekep kekat urip keh pu'un ni'ai ngan pu'un lem nihau Allah kelebéé' keh mena tong Dau savéé' Néh.