1 PÉTERUS 3:18 - Rengah Jian

¹⁸ Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.

1 PÉTERUS 3:18 Iomraidhean Croise

MATIUS 27:19

La'ah tovoo' Pilatus mokoo' tong lamin besara', pu'un redo néh maneu' surat bara' ngan néh, Mai ke' maneu' ineu'-ineu' tong kelunan inah, bé' pu'un sala' néh, malem rai keta mu'un-mu'un ku' neu' nyupin ké' tong néh, ha' néh.

MATIUS 27:24

Hun Pilatus jam kenin réh kenat, medai éh pané kepéh dai réh betéé' kenin ngan pekayau. Laa' néh baa' ke' néh pohéé' ojoo' néh tong jumen réh béé, ka' ha' néh, Bé' éh akeu' tagong ukum néh iteu', ka'ah éh tagong éh, ha' néh.

YOHANES 16:10

Kenat péh sala' kekat penyeruh réh tong kekat éh teneng uban Ké' moléé' ngan Tamen Ké' ngan bé' keh omok na'at Ku' kepéh.

PENGANEU' LAWAH 22:14

La'ah ka' ha' néh, Allah éh kenelan tepun lu' pu'un éh ngevéléé' ke' dokoo' ko' omok jam pengeloo' Néh, ngan omok na'at Anak Néh éh teneng, ngan menéng ha' usah Néh mu'un.

PENGANEU' LAWAH 3:14

Yésus inah pu'un éh ni'ai ngan jian, bang ka'ah lepah bet Éh ngan pu'un keh menyat pika ngan Pilatus dokoo' néh ngelepu jah kelunan éh mematai kelunan.

SURAT PAULUS NGAN SIDANG RUM 1:4

bang poléng mu'un Iah Anak Allah, uban neu' penyukat éh ja'au, éh penyukat Sahéé' Ni'ai, Allah pebetéé' Éh jin patai Néh.

SURAT PAULUS NGAN SIDANG RUM 4:25

Pu'un Iah matai naneu' penyala' uleu', Iah pu'un betéé' murip kepéh dokoo' lu' omok jian kepéh ngan Allah.

SURAT PAULUS NGAN SIDANG RUM 5:2

Uban neu' pengelan lu' tong Iah, pu'un Iah lepah mihin uleu' tavin Allah éh jalan lu' alaa' urip maréng éh nena' Néh ngan lu'. Murung kenin lu' uban uleu' ngelan adang uleu' omok pemung ngan Allah lem kekat pengaren Néh ngan paléu' jian pekua' barei' Iah pu'un jian.

SURAT PAULUS NGAN SIDANG RUM 8:11

Sahéé' Allah éh pebetéé' Yésus jin patai Néh, hun Iah pu'un murip dalem keh, boh Allah éh pebetéé' Kristus jin patai, omok purip usah keh kepéh naneu' Sahéé' Néh éh murip dalem keh.

SURAT PAULUS NGAN SIDANG RUM 8:3

Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

2 KORINTUS 1:24

Bé' mé' juk angai ngan bau kenin, bé' améé' naten nyohoo' keh maneu' ineu'-ineu', uban ka'ah tengéé' péh pu'un petem dalem pengelan keh tong Tuhan. Bang améé' juk angai nolong keh awah, dokoo' keh omok murung kenin.

2 KORINTUS 13:4

Uban na' péh Iah barei' lemoo' hun réh mematai Éh tong kayeu' salib, tong Néh murip kepéh, Iah murip ngan penyukat Allah. Uban améé' éh lemoo' pemung ngan Néh, bang tong jalan mé' nolong ka'ah améé' murip pemung ngan Néh ngan penyukat Allah.

2 KORINTUS 5:21

La'ah bé' Kristus pu'un penyala', bang Allah nyohoo' Iah tagong penyala' uleu', dokoo' uleu' omok alaa' jian kepéh ngan Allah hun lu' pu'un pemung ngan Néh kepéh.

GALATIA 1:4

La'ah pu'un Kristus mena' urip Néh uban penyala' lu' kivu pengeloo' Tamen Néh Allah, dokoo' Néh ngelepu lu' jin urip lu' éh sa'at tong tana' iteu'.

GALATIA 3:13

La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

ÉPESUS 3:12

Pemung ngan Kristus ngan naneu' pengelan lu' tong Iah, uleu' omok tavin Allah ngan bé' pu'un medai.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

IBRANI 10:10

Uban Yésus Kristus pu'un kivu pengeloo' Allah ngan mena' usah Néh tengéé' dokoo' Néh penatai. Iteu' naneu' Néh jah koléé' awah pah avéé' pelinguh-linguh, uban kenat penyala' lu' omok pega'.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

IBRANI 9:26

Hun Néh pu'un tai pinaa' koléé' adang Néh pinaa' koléé' keta jin bu'un-bu'un Allah suai tana'. Bang hun iteu' tovoo' tai ga' tana' pu'un Éh poléng tong salib jah koléé' awah ke' Néh mega' penyala' kekat kelunan.

IBRANI 9:28

Kenat péh Kristus pu'un éh matai jah koléé' ke' néh mega' penyala' kekat kelunan. Pu'un éh juk poléng jah koléé' kepéh, bé' éh ke' Néh mega' penyala' kelunan bang dokoo' néh ngelepu kekat kelunan éh mena savéé' Néh.

YAKUB 5:6

Pu'un keh ngukum ngan mematai kelunan éh bé' pu'un penyala' ngan irah ngerera' awah.

1 PÉTERUS 3:19

Dalem sahéé' Néh Iah tai Perengah Rengah éh jin Allah ngan kekat sahéé' éh pu'un lem lamin tutup,

1 PÉTERUS 4:1

La'ah uban Kristus lepah tagong pengeketa tong usah Néh, jian ka'ah ngegahang kenin keh palaa' penyeruh éh pekua' kenin Kristus. Éh ke' néh kenat uban séé'-séé' éh tagong pengeketa tong usah néh, bé' iah maneu' penyala' kepéh.

1 PÉTERUS 4:6

Uban néh kenat, inah néh ke' réh bara' Rengah Jian nah, jian péh éh ngan kelunan éh lepah matai rai, dokoo' na' péh réh teneng ukum éh kemalai teneng tong kelunan, sahéé' réh éh omok murip pekua' pengeloo' kenin Allah. Éh ke' réh kenukum kenat, uban penyala' neu' réh kelebéé' réh murip tong tana' iteu' rai, bang Allah mena' bi'en ngan réh dokoo' réh omok alaa' urip éh pelinguh.

1 YOHANES 1:9

Bang hun lu' ngakun kekat penyala' lu' ngan Allah, adang Iah pu'un tigéh ngan maneu kekat éh teneng. Adang Iah omok mega' kekat penyala' lu' ngan mohéé' uleu jin kekat penganeu' éh sala'.