1 PÉTERUS 3:16 - Rengah Jian

¹⁶ Jian keh mipa ha' réh ngan dawai kenin ngan ngerera' tong réh. Mai keh kejeraa' ineu'-ineu' masek lem kenin keh éh omok ngesa'at kenin keh, dokoo' tong kekat jalan réh pesala' keh, uban neu' keh kivu Kristus, hun réh na'at barék keh jian inah, irah péh jam menyaa' kepéh uban réh ulak pesala' keh awah.

1 PÉTERUS 3:16 Iomraidhean Croise

MATIUS 5:11

Murung kenin keh hun kelunan ngesa'at keh ngan peketa keh, ngan ngesa'at ngaran keh uban keh pu'un kivu Akeu'.

PENGANEU' LAWAH 24:16

Ngelayau akeu' pitah jalan dai pu'un ineu'-ineu' lem kenin ké' éh omok pesala' ku' tong jumen Allah kenat péh tong jumen kelunan, ha' Paulus.

PENGANEU' LAWAH 28:22

Bang keloo' mé' menéng ha' ko' ngan tong penyeruh ko', uban kejam mé' irah semah-semah péh pu'un réh bara' sebayang maréng iteu' sa'at awah, ha' réh.

SURAT PAULUS NGAN SIDANG RUM 9:1

La'ah besau kenin ké' uban irah Yahudi éh pohoo' ké' mu'un, bé' réh pu'un ngelan tong Tuhan. Bé' ku' kenyo bara' ku' besau kenin kenat, usah ké' tengéé' kivu Kristus ngan kenin ké' pu'un lem nihau Sahéé' Ni'ai, akeu' jam ku' bé' pané kenyo. Besau kenin ké', keta mu'un lem kenin ké' seruh réh uban réh panak ké' mu'un bang bé' irah ngelan Tuhan.

2 KORINTUS 1:12

Pu'un jah jalan améé' bahuu', inah éh uban dalem kenin mé' bé' pu'un ineu'-ineu' lem kenin mé' éh pesala' mé' tong urip mé' belah kelunan semah-semah péh, makin péh belah ka'ah, uban kekat barék mé' pu'un éh jian ngan teneng awah. Jah awah kenin améé', bé' mé' maneu' ineu'-ineu' ngan ngelayoo' awah, bé' mé' kivu pengejam mé' tengéé', tong kekat penganeu' mé' pu'un éh neu' penika Allah.

2 KORINTUS 4:2

Pu'un mé' bet kekat-kekat barék sa'at éh pu'un pelim éh mihin kelunan menyaa', bé' mé' maneu' ineu'-ineu' ngelavo' kelunan, ngan bé' mé' ngepaléu ha' tebaraa' Tuhan. Améé' bara' tong kekat éh teneng ngan lenaa' mu'un, pu'un mé' maneu' kekat kereja' mé' tong jumen Allah, adang kekat kelunan pu'un jam kenat éh neu' mé'.

1 TIMOTIUS 1:19

Jian ke' petem dalem pengelan ko', mai ke' maneu' ineu'-ineu' éh omok petawang kenin ko'. Pu'un jelua' kelunan éh maneu' barék éh bé' jian éh petawang kenin néh, éh mega' pengelan néh jin Tuhan.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

2 TIMOTIUS 1:3

Akeu' bara' jian kenin ngan Allah éh kenivu ké' ngan bé' pu'un ineu'-ineu' pesala' kenin ké' barei' kekat tepun ké' sahau rai. La'ah akeu' ngelayau sebayang bara' jian kenin ngan Néh hun ké' seruh tong ka'au', siget dau ngan siget merem péh.

TITUS 2:8

Jian ke pakai ha' tebaraa' éh teneng mu'un éh bé' omok kesa'at réh, dokoo' kelunan éh ngelawan lu', omok menyaa' uban réh bé' omok pesala' lu'.

IBRANI 13:18

Jian keh ngelayau sebayang tong améé'. Bé' pu'un ineu'-ineu' éh pesala' kenin mé', uban ngelayau améé' juk maneu' kekat éh teneng.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:15

Uban inah éh pengeloo' Allah hun keh maneu' kekat barék éh jian, inah jalan keh mapat kelunan éh pané éh pesala' keh awah.

1 PÉTERUS 2:19

Adang Allah omok mena' pengejian ngan keh hun keh ngan kebit kenin ngeretep lem kekat pengeketa, éh semu'un néh bé' tekep teneng tong keh uban keh kivu pengeloo' Allah.

1 PÉTERUS 3:21

Labuu inah tapan tong baa' éh jalan kelunan ngebatis keh éh purip keh hun iteu'. Pengebatis inah bé' éh mohéé' nong jin usah keh bang neu' kekat éh kenakun keh ngan Allah jin kenin keh mu'un éh jian. Pengebatis iteu' purip keh uban Yésus Kristus lepah betéé' jin pematai ngan lepah moléé' tai seruga. Hun iteu' Iah saa' na'au' Allah ngan pengeja'au kekat meliket, ngan kekat éh pu'un penyukat ngan éh ja'au tong seruga,

1 PÉTERUS 4:4

Bang hun iteu' irah éh bé' ngelan tong Allah, béé kenin réh ngan sa'at kenin réh, uban keh bé' pu'un pemung ngan réh maneu' barék éh sa'at pekua' sahau nah, uban néh kenat nah ke' réh muau keh awah.