1 PÉTERUS 3:11 - Rengah Jian

¹¹ Jian iah piso jin kekat éh sa'at ke' néh maneu' jian kepéh. Jian iah mekat pitah jalan ke' néh omok alaa' pengepawah.

1 PÉTERUS 3:11 Iomraidhean Croise

MATIUS 5:45

dokoo' keh omok anak Tamen keh tong seruga. Uban Allah maneu' pétéé' tong kelunan éh sa'at kenat péh tong kelunan éh jian. Iah maneu' taa' tong kelunan éh maneu' teneng kenat péh tong irah éh maneu' sa'at.

MATIUS 5:9

Murung kenin kekat kelunan éh jam ngejian kenin irah éh jah, Allah omok mateng réh anak néh.

MATIUS 6:13

Mai kejeraa' mé' teneng tong tenupat, bang jian ke' mavaa' mé' jin Sitan. Kenat ha' sebayang keh.

MARKUS 14:7

Kelunan kari ngelayau éh pu'un ngan ka'ah, hun mah-mah keh juk nolong réh, omok keh nolong réh. Bang Akeu' teu' bé' Ku' ngelayau pu'un ngan ka'ah da'.

LUKAS 1:79

Iah juk tuai ke' Néh perema bau kekat kelunan éh murip dalem merem ngan éh mapah matai. Iah majak lu' tong kekat jalan éh mihin lu' murip jian ngan pawah, ha' néh.

LUKAS 6:35

Bang inah éh tekep, jian ke' pika irah éh leko ke' ngan maneu' jian ngan réh, ngan pekeliwah livah ngan réh ngan bé' makat uban ko' seruh omok alaa' éh mutaa' kepéh jin réh. La'ah ja'au mu'un oléé' néh ngan ko', la'ah ka'au' omok anak Allah éh Matek Bau, uban néh pu'un masi kelunan éh sevahau' ke' awah, ngan kelunan éh sa'at péh.

LUKAS 6:9

Ha' Néh, Betéé' ke', jian ke' tuai nekedéng siteu', ha' Néh. Boh éh tai nekedéng tong jumen réh. Ka' ha' Yésus ngan réh kepéh, Akeu' juk neteng ka'ah, Ineu' éh omok neu' lu' tong Dau Posot? Kineu' ha' lem ukum éh kenivu lu' iteu'? Pu'un éh nyohoo' lu' masi kelunan? Kineu', pu'un éh nyohoo' lu' maneu' sa'at ngan kelunan? Kineu', pu'un éh nyohoo' lu' purip kelunan? Kineu' ha' ukum tong Dau Posot lu' iteu' kunah ka'ah, ha' Yésus ngan réh.

YOHANES 17:15

Bé' Akeu' nyohoo' Ke' pepiso réh jin tana' iteu', bang Akeu' menyat Ke' mihau réh jin iah éh sa'at.

SURAT PAULUS NGAN SIDANG RUM 12:18

Jian keh pekalai mu'un murip ngan pawah kenin belah kekat kelunan béé.

SURAT PAULUS NGAN SIDANG RUM 14:17

uban bé' lu' kivu Tuhan neu' ka'an kinan lu' ngan baa' nesep lu' bang neu' lu' maneu' kekat éh teneng ngan urip éh pawah ngan kemurung éh jin Sahéé' Ni'ai.

SURAT PAULUS NGAN SIDANG RUM 14:19

Uban néh kenat jian uleu' ngelayau maneu' kekat éh mihin kelunan murip ngan pawah, éh omok ngereken kenin lu'.

SURAT PAULUS NGAN SIDANG RUM 5:1

La'ah uban uleu' pu'un jian kepéh ngan Allah naneu' pengelan lu' tong Iah, inah éh mihin uleu' tunuk ngan Allah kepéh naneu' Tuhan Yésus Kristus éh kenelan lu'.

SURAT PAULUS NGAN SIDANG RUM 7:19

Bé' akeu' omok maneu' jian barei' éh keneloo' ké', bang kekat kesa'at éh keleko ké', inah awah éh omok neu' ké'.

SURAT PAULUS NGAN SIDANG RUM 7:21

Uban néh kenat duah jalan kenin ké', keloo' ku' maneu kekat éh jian, bang bé' ku' omok bé' maneu' sa'at.

SURAT PAULUS NGAN SIDANG RUM 8:6

Kelunan éh murip kivu kenin néh tengéé', kenin éh kenat mihin éh matai. Kelunan éh murip kivu tong sohoo' Sahéé' Ni'ai, ga' kelunan inah murip ngan pawah kenin.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

GALATIA 6:10

Uban néh kenat siget koléé' hun lu' na'at kelunan lem penusah néh, tekep lu' nolong réh, makin péh ngan kekat padéé' lu' éh ngelan tong Tuhan.

KOLOSÉ 3:15

Jian pengepawah éh nena' Kristus nolong keh maneu' pemekat tong ineu'-ineu' éh tekep naneu' keh, uban Allah lepah tebai keh dokoo' keh murip jah awah dalem pengepawah Néh.

1 TIMOTIUS 6:18

Jian ke' nyohoo' irah kaya' maneu' jian, ngan barei' kaya' lem kereja' réh éh jian. Jian irah petulat éh nalaa' réh ngan irah éh kari ngan jian kenin.

IBRANI 12:14

Mekat keh pitah jalan dokoo' keh omok murip ngan pawah kenin belah kekat kelunan. Kenat péh jian keh mekat pitah dokoo' kekat barék keh pu'un ni'ai, uban bé' pu'un séé'-séé' péh éh omok na'at Tuhan hun néh bé' pu'un ni'ai.

IBRANI 13:16

Mai ngelepan maneu' jian ngan nolong-petolong, uban Penganeu' inah seleket pengena' éh pesenang kenin Allah.

YAKUB 4:17

Uban kenat, séé'-séé' éh jam maneu' jian bang bé' éh maneu' éh, kivu éh tekep naneu' néh, kelunan inah penyala'.

1 PÉTERUS 3:12

Jian keh maneu' kenat uban Tuhan ngelayau mihau kelunan éh maneu' pengeloo' Néh, Iah ngelayau menéng ha' sebayang réh, Bang Tuhan ngelawan kelunan éh maneu' kesa'at.

3 YOHANES 1:11

Bakéh éh kemurung ké' mai ke' nyavuu' barék éh sa'at, tekep ke' nyavuu' barék éh jian. Séé'-séé' éh maneu' jian, iah éh anak Allah ngan séé'-séé' éh maneu' sa'at, bé' jak iah jam Allah.