1 PÉTERUS 3:1 - Rengah Jian

¹ Barei' ha' ké' ngan kelunan sohoo' kenat kepéh kekat ka'ah redo éh pu'un lakei' petem kivu sohoo' lakei' néh. Hun pu'un irah lakei' éh bé' ngelan tong ha' tebaraa' Tuhan, hun néh na'at barék redo néh jian, boh iah keloo' ngelan Tuhan kepéh na' péh redo néh bé' pu'un bara' ineu'-ineu' ngan néh,

1 PÉTERUS 3:1 Iomraidhean Croise

MATIUS 18:15

La'ah ha' Yésus, Hun padéé' ko' dalem Tuhan maneu' ineu'-ineu' éh bé' teneng, Jian Ké' tai pané ngan néh ke' néh nesen penyala' néh. Bang jian ke' tai tengéé' selem-selem pané ngan néh. Hun iah pu'un kivu ha' ko', inah ké' pu'un mihin éh moléé' kenin kepéh tong Tuhan.

SURAT PAULUS NGAN SIDANG RUM 10:16

Bang bé' makat kekat irah béé éh ngelan tong Rengah Jian iteu'. Uban ka' ha' Yesaya, O Tuhan, séé' pu'un ngelan tong tebaraa' éh lepah benara' améé' ngan réh?

SURAT PAULUS NGAN SIDANG RUM 6:17

Bang mejing ngaran Allah uban na' péh lepah rai pu'un keh keripen penyala' bang hun iteu' kepéh pu'un keh kivu mu'un kekat jalan éh teneng éh pekua' barei' ha' tebaraa' éh benara' réh ngan keh rai.

SURAT PAULUS NGAN SIDANG RUM 7:2

Ka' éh, jah redo éh pu'un lakei' bé' éh omok petat jin lakei' néh kelebéé' lakei' néh murip, bang hun lakei' néh matai, redo inah pelepu jin ha' éh magen éh nah.

1 KORINTUS 11:3

Bang akeu' keloo' ka'ah jam, Kristus éh ja'au jin kekat lakei', ngan irah lakei' éh ja'au jin kekat redo, ngan Allah éh ja'au jin Kristus.

1 KORINTUS 14:34

jian kekat redo mokoo' kelem mai kahut tong petipun. Barei' ha' lem Surat Musa pu'un bara', Tekep irah redo ngerera', mai réh pengeja'au.

1 KORINTUS 7:16

O redo éh ngelan tong Kristus, bé' ke' jam, barang ka'au' omok mihin lakei' ko' ngelan tong Tuhan hun ko' mokoo' petem ngan néh. Kenat péh lakei' éh ngelan, bé' ke' jam, barang ka'au' omok mihin redo ko' ngelan tong Tuhan.

ÉPESUS 5:33

Bang pu'un éh bara' éh kepéh ngan uleu', adang éh tekep siget lakei' éh pu'un redo, pika redo néh pekua' iah pika usah néh tengéé' ngan tekep siget redo ngerera' tong lakei' néh.

KOLOSÉ 3:18

O kekat redo éh pu'un lakei', jian keh ngerera' tong lakei' keh, uban kenat éh tekep ngan kelunan éh ngelan tong Tuhan.

KOLOSÉ 4:5

Jian keh jam seruh dalem kekat penganeu' ngan barék keh belah kelunan éh bé' ngelan, ngan pakai kekat bi'en éh pu'un ngan jian-jian.

2 TESALONIKA 1:8

dalem luten éh nengah, ke' Néh ngukum kekat kelunan éh bé' jam Allah, ngan kekat kelunan éh bé' kivu Rengah Jian tong Yésus éh Tuhan lu'.

IBRANI 11:8

Neu' pengelan, Abraham kivu sohoo' Allah hun Allah nyohoo' éh piso tai tana' éh jah éh pejajii' Allah ngan néh. Hun néh piso bé' éh jam semah-semah éh juk tai nah.

IBRANI 5:9

Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 3:2

adang irah keloo' ngelan hun néh na'at barék redo néh ni'ai ngan murip ngerera' tong Tuhan.

1 PÉTERUS 3:7

Kenat péh kekat ka'ah lakei' éh pu'un redo, jian keh ngerera' tong redo keh ngan pika éh, uban iah éh lemoo' usah. Jian keh seva' éh uban lakei' ngan redo pekua' alaa' pengena' urip éh mu'un ngan pelinguh jin Allah. Jian keh maneu' kenat dai pu'un ineu'-ineu' péh mapat ha' sebayang keh.

1 PÉTERUS 4:17

Uban avéé' lah jaka' Allah petuneng kekat kelunan, bu'un-bu'un Iah juk petuneng irah éh anah Nah. Hun uleu' éh ngelan saa' tenah petuneng Néh, matek tusah mu'un tong ga' néh ngan kelunan éh bé' ngelan tong Rengah jian éh jin Allah pu'un kenat tong uleu' éh ngelan, kineu' kepéh tong kelunan éh pohoo' néh bé' ngelan tong Rengah Jian éh jin Allah?