1 PÉTERUS 2:9 - Rengah Jian

⁹ Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 PÉTERUS 2:9 Iomraidhean Croise

MATIUS 4:16

Kelunan éh mokoo' tong merem omok éh na'at rema peséng. Kelunan éh mokoo' tong jalan éh mihin réh matai, omok rema inah nawa tong réh, ha' néh.

MATIUS 5:16

Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.

LUKAS 1:79

Iah juk tuai ke' Néh perema bau kekat kelunan éh murip dalem merem ngan éh mapah matai. Iah majak lu' tong kekat jalan éh mihin lu' murip jian ngan pawah, ha' néh.

YOHANES 17:19

Uban Ké' pika réh, inah Akeu' mena' usah Ké' ngan Ko' dokoo' réh omok anah Ko' mu'un.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

PENGANEU' LAWAH 26:18

Tekep ke' pepekang maten kenin réh, dokoo' réh omok musit jin merem ngan masek tong rema, ngan ngelepu réh jin penyukat Sitan ke' réh tai lem nihau Allah, éh omok mega' penyala' réh neu' pengelan réh tong Akeu', ke' réh omok tai pemung ngan kekat kelunan éh anah ké'. Kenat ha' Tuhan ngan ké' irai, ha' Paulus nah.

PENGANEU' LAWAH 26:28

Ka' ha' Agripa kepéh, Neu' ha' ko' éh kerat kenat, pu'un ke' seruh ke' omok maneu' akeu' kelunan Kristén, ha' néh.

SURAT PAULUS NGAN SIDANG RUM 9:24

Uban uleu' éh lepah kevéléé' Néh, bé' éh jin belah pohoo' Yahudi awah, bang jin belah kelunan éh tengéé' pohoo' péh.

1 KORINTUS 3:17

Séé'-séé' éh kebéé Umaa' Allah, Allah kebéé iah kepéh, uban Umaa' Allah pu'un éh ni'ai, inah éh ka'ah.

ÉPESUS 1:14

Uban Allah mena' Sahéé' Ni'ai ngan uleu', inah telana' adang lu' omok alaa' kekat éh pejajii' Néh ngan uleu' éh anah nah, ngan inah kepéh telana' adang Tuhan juk ngelepu uleu' jin kekat kesa'at ngan penyala' lu'. Uban néh kenat jian uleu' mejing Allah éh Matek Maren.

ÉPESUS 1:6

Jian uleu' mejing Allah uban lu' jam penika Néh éh ja'au mu'un. Bé' éh mena' urip maréng ngan lu' uban pengejian uleu', bang uban neu' penika Néh awah nah ke' Néh mena' urip maréng ngan lu', dalem Anak Néh éh kemurung Néh mu'un.

ÉPESUS 3:21

kekat pengajung anah nah dalem sidang ngan dalem Kristus Yésus kelebéé'-lebéé' néh pah avéé' pelinguh. Amin.

PILIPI 3:14

Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

KOLOSÉ 1:13

Uban pu'un Iah ngelepu lu' jin kekat penyukat éh tong merem, ngan pepiso lu' tai lem nihau Anak éh kemurung Néh,

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

1 PÉTERUS 1:2

Dalem kekat pengeloo' Allah éh Tamen uleu', ka'ah pu'un kevéléé' Néh, dokoo' keh omok kelunan éh anah Nah éh ni'ai naneu' Sahéé' Ni'ai, dokoo' ka'ah tigéh tong Yésus Kristus ngan pu'un ni'ai neu' dahaa' Néh. Jian Allah mena' ngan keh pengejian ngan pengepawah ngan mutaa' kepéh.

1 PÉTERUS 2:5

La'ah ka'ah kepéh seleket bateu' éh murip, éh penakai dokoo' maneu' lamin Allah éh ni'ai. Uban néh kenat ka'ah barei imam éh kevéléé' Allah ngan éh mena' pengena' éh ni'ai éh ngepayoo' kenin Allah, neu' Yésus Kristus.

1 PÉTERUS 4:11

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

ÉH POLÉNG 1:6

Kristus maneu' uleu' imam éh pu'un penyukat pemung ngan Néh ngan éh mena' usah néh ngan Allah, éh Tamen néh. Kekat pengaren ngan penyukat anah Yésus pelinguh-linguh. Amin!

ÉH POLÉNG 20:6

Murung kenin, bahuu' mu'un irah éh betéé' tong pengebetéé' éh bu'un nah. Bé' patai éh keruwah koléé' pu'un penyukat bau réh, irah pu'un seva' Allah ngan Kristus, irah péh pengeja'au pemung ngan Néh avéé' jah ibu ta'un kelebéé'.

ÉH POLÉNG 5:10

Pu'un Ke' maneu' réh imam dokoo' réh omok seva' Allah ngan maneu' kereja' Néh. Omok réh pengeja'au ngan mihau kelunan tong tana', ha' nyanyi réh.