1 PÉTERUS 2:6 - Rengah Jian

⁶ Barei' ha' lem Surat Allah bara', ka' éh, Pu'un Ku' ngevéléé' jah bateu' éh pelapah jian mu'un. Bateu' inah nepei' Ké' tong Yérusalem, ke' néh omok bateu' pengereken, dokoo' séé' éh ngelan tong bateu' inah, bé' iah teneng menyaa'.

1 PÉTERUS 2:6 Iomraidhean Croise

MATIUS 12:18

Ka' ha' Allah, Iteu' néh kelunan sohoo' Ké' éh lepah kevéléé' Ké' Murung Ku' tong Iah, ngan payoo' kenin Ké' tong néh. Akeu' juk mena' Sahéé' Ké' ngan néh ngan Iah juk bara' ukum Ké' ngan kekat kelunan.

MARKUS 12:10

Kioo' ké' adang keh pu'un purung ha' lem surat Allah éh bara' ka', Bateu' éh nebet tukeng lamin uban réh seruh bé' éh jian, bateu' inah éh pu'un jian mu'un.

LUKAS 20:17

Boh Yésus kepuh réh ngan neteng réh, ka' ha' Néh, Ineu' sin tong ha' surat Allah éh bara' ka'? Bateu' éh nebet tukeng lamin uban réh seruh éh bé' jian, bateu' inah éh jian mu'un ha' nah.

LUKAS 23:35

Kelunan pinaa' nah nekedéng sinah na'at kekat penganeu' réh, kenat péh irah na'at penganeu' irah pengoloo' Yahudi éh peja' Yésus nah. Ka' ha' réh peja' Éh, Iah pu'un purip irah éh jah lepah rai, hun Néh mu'un iah éh Kristus éh kevéléé' Tuhan, jian Éh purip usah Néh tengéé', ha' irah ja'au peja' Éh.

YOHANES 7:38

Séé'-séé' éh ngelan tong Akeu', iah pu'un barei' jah anak baa' éh bé' omok metei', pu'un baa' éh purip musit jin kenin néh pekua' ha' lem surat Allah éh pu'un bara' éh, ha' Néh.

PENGANEU' LAWAH 1:16

O kekat padéé', ha' lem surat Allah éh benara' Sahéé' Ni'ai ngan Daud, adang néh tekep pu'un kenat mu'un. Inah éh, éh benara' néh tong Yudas éh mihin kelunan tai ngamit Yésus.

SURAT PAULUS NGAN SIDANG RUM 10:11

Uban pu'un jah ha' lem surat Allah kepéh éh bara', Kekat kelunan éh ngelan tong Iah, bé' iah pu'un pekawaa', ha' Néh.

ÉPESUS 1:4

Bé' jak tana' iteu' pu'un, Allah pu'un ngevéléé' uleu' tenéh, dokoo' neu' urip lu' lem Kristus, uleu' omok anah Néh, ngan murip ni'ai ngan jian mu'un, bé' pu'un sa'at ineu'-ineu' tong jumen Néh. Uban neu' penika Néh,

ÉPESUS 2:20

Ka'ah péh petok réh bau balun éh neu' irah lawah ngan neu' irah nabi, la'ah bateu' éh lihei' néh, inah éh Kristus Yésus mu'un.

2 TIMOTIUS 3:16

Uban kekat ha' lem surat Allah, jin Allah éh bu'un néh, ngan pu'un gunah néh ke' néh nebaraa' ngan petena' ngan peteneng kelunan, ngan kuraa' sohoo' néh kepéh ke' réh murip ngan barék éh jian,

1 PÉTERUS 2:4

Jian keh tuai tavin Tuhan, Iah bateu' éh murip, Bateu' inah nebet kelunan uban réh seruh éh bé' jian, bang Allah éh ngevéléé' Iah ngan ngajung Éh.

1 PÉTERUS 2:8

La'ah pu'un jah ha' kepéh lem surat Allah La'ah inah éh bateu' éh mihin kelunan tekaleu', Neu' bateu' inah pinaa' réh tekaleu' avéé' réh pegup, kenat ha' Néh. Éh ke' réh tekaleu' kenat, uban réh bé' ngelan tong ha' tebaraa' Allah, uban kenat éh pengeloo' Allah ngan réh.

2 PÉTERUS 1:20

Éh bu'un-bu'un éh tekep keh nesen inah éh, bé' pu'un séé'-séé' péh omok pekelenaa' sin ha' éh benara' Tuhan lem surat Tuhan palaa' pengejam néh tengéé'.

2 PÉTERUS 3:16

Dalem kekat surat néh, Paulus, ngelayau nyurat tong kekat inah. Adang pu'un kuraa'-kuraa' ha' lem surat néh éh bé' lumang kenejam. Kelunan éh bé' jam ineu'-ineu' ngan éh lemoo' pengelan, lepah sala' bara' sin ha' inah. Irah péh lepah sala' bara' sin ha' jin kuraa'-kuraa' tulat surat Tuhan éh jah penganeu' inah mihin penasa' tong usah réh tengéé'.