1 PÉTERUS 2:4 - Rengah Jian

⁴ Jian keh tuai tavin Tuhan, Iah bateu' éh murip, Bateu' inah nebet kelunan uban réh seruh éh bé' jian, bang Allah éh ngevéléé' Iah ngan ngajung Éh.

1 PÉTERUS 2:4 Iomraidhean Croise

MATIUS 11:28

Tuai tavin Akeu' kekat ka'ah éh mutau bii' bahat, Akeu' omok bet éh bahat nebii' keh nah.

MATIUS 12:18

Ka' ha' Allah, Iteu' néh kelunan sohoo' Ké' éh lepah kevéléé' Ké' Murung Ku' tong Iah, ngan payoo' kenin Ké' tong néh. Akeu' juk mena' Sahéé' Ké' ngan néh ngan Iah juk bara' ukum Ké' ngan kekat kelunan.

MATIUS 21:42

Ha' Yésus ngan réh kepéh, Kineu' keh, bé' keh purung ha' lem surat Allah éh bara' ka', Bateu' éh nebet tukeng lamin uban réh seruh éh bé' jian, bateu' inah éh matek jian mu'un, Tuhan éh maneu' éh jian mu'un. Jian mu'un penganeu' néh kenat.

YOHANES 14:19

Bé' lebéé' la'ah irah éh mihau urip réh tong tana' iteu' awah, bé' réh omok na'at Akeu' kepéh, bang omok ka'ah na'at Akeu'. Uban Akeu' murip ke' ka'ah péh omok murip.

YOHANES 14:6

Yésus mipa éh, Akeu' iteu' éh jalan, ngan Akeu' iteu' éh teneng, ngan Akeu' iteu' éh urip, bé' pu'un séé'-séé' éh omok tavin Tamen Ké' hun néh bé' pu'un jalan Akeu'.

YOHANES 5:26

Barei' Tamen Ké' pu'un purip kekat ineu'-ineu' péh, kenat péh Iah mena' penyukat Néh ngan Anak Néh, dokoo' Néh omok purip ineu'-ineu' kepéh.

YOHANES 5:40

na' péh kenat, bé' keh keloo' tavin Akeu' dokoo' keh omok alaa' urip, ha' Néh.

YOHANES 6:37

Siget kelunan éh nena' Tamen Ké' ngan Ké', adang néh pu'un tuai tavin Akeu', ngan séé'-séé' éh tuai tavin Akeu', bé' Akeu' bet éh.

YOHANES 6:57

Tamen Ké' éh pu'un urip, Iah éh nyohoo' Akeu' tuai, ngan naneu' Tamen Ké' nah, inah Akeu' murip. Kenat péh séé'-séé' éh kuman usah Ké', omok éh murip neu' Ké' kepéh.

SURAT PAULUS NGAN SIDANG RUM 5:10

Hun lepah rai uleu' ayau Allah, bang naneu' pengematai Anak Néh, inah jalan Iah maneu' uleu' bakéh Néh kepéh. Hun néh neu' pengematai Anak Néh uleu' omok bakéh Allah kepéh, adang lu' omok murip naneu' urip Néh.

1 KORINTUS 3:11

Uban Allah lepah mena' Yésus Kristus barei' lihei' éh reken, bé' uleu' omok mejek lihei' éh tengéé' jin inah.

KOLOSÉ 3:4

Urip keh mu'un inah éh Kristus, ngan hun Iah pu'un poléng kepéh, ka'ah péh pu'un poléng pemung ngan Néh ngan tai pemung ngan Néh lem kekat pengaren Néh.

1 PÉTERUS 1:19

Ka'ah iteu' kelepu Néh neu' penyukat dahaa' Kristus. Iah mena' urip Néh barei' domba éh penatai réh éh pengena' réh ngan Tuhan éh jalan réh omok tavin Tuhan sahau, domba éh matek jian mu'un.

1 PÉTERUS 1:7

Kekat inah dokoo' pepoléng hun keh ngelan mu'un tong Tuhan hun néh bé' péh. Mas éh omok tasa' péh, penarem palaa' luten. Uban kenat pengelan keh éh pelapah jian jin Mas péh tekep penarem, dokoo' néh makin reken. Hun néh kenat, hun mah Yésus Kristus tuai kepéh, ka'ah omok alaa' kenajung, kemaren ngan penyepah jin Allah.

1 PÉTERUS 2:7

La'ah bateu' inah jian mu'un éh ngan ka'ah éh ngelan, bang tong kelunan éh bé' ngelan inah éh barei' ha' lem surat Allah bara' Bateu' éh nebet irah tukeng lamin uban réh seruh éh bé' pu'un gunah, Bateu' inah néh éh jian mu'un, ha' Néh.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

2 PÉTERUS 1:4

Kenat péh Iah mena' kuraa' kuraa' arong jajii' éh matek jian mu'un ngan lu'. Dokoo' lem kekat inah béé ka'ah pu'un kivu barék Allah ngan pelepu jin pengagat éh sa'at éh pu'un tong tana' iteu'.