25 Sahau ka'ah barei' domba éh tawang, bang hun iteu' ka'ah lepah nihin moléé' dokoo' kivu gembala, éh mihau urip keh.
Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.
Hun Yésus na'at kelunan pinaa' nah, pika mu'un éh na'at réh uban irah tusah mu'un barei' domba éh purat éh bé' pu'un kelunan mihau.
Jian keh seruh, hun néh pu'un kelunan éh pu'un jah ato domba, ngan pu'un jah usah éh tawang, kineu' tepun néh? Adang tepun néh pokoo' domba éh pinaa' nah tong tokong ke' néh tai pitah éh tawang nah.
Hun Kristus Gembala éh pengeja'au kekat Gembala inah pu'un tuai kepéh, vam, ka'ah juk alaa' tapong éh maren ngan pelinguh.
Allah lepah Pebetéé' Tuhan lu' Yésus jin pematai Néh. Uban neu' pematai Néh inah, Iah hun iteu' omok Gembala éh pengeja'au kekat Gembala uleu; domba-domba Néh. Pematai Néh péh netap jajii' éh pelinguh éh naneu' Allah ngan uleu'.
O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.
Uban usah néh tengéé' péh pu'un pinaa' arong pengelemoo', inah maneu' éh omok dawai kenin ngan irah éh tawang uban réh bé' jam ineu'-ineu'.
Inah éh kekat sahéé' kelunan éh ngelapah sohoo' Allah tovoo' Allah mena réh ngan kebit kenin sioo' Noh maneu' kapen. Ayah usah éh pu'un dalem kapen inah, ngan irah omok murip jin labuu inah.