1 PÉTERUS 2:16 - Rengah Jian

¹⁶ Jian keh murip barei' kelunan éh pohoo' pelepu, na' péh kenat mai keh pakai pengelepu keh inah dokoo' petavun pengesa'at, Bang jian keh murip barei' kelunan éh kivu sohoo' Allah.

1 PÉTERUS 2:16 Iomraidhean Croise

MATIUS 23:13

La'ah ha' Yésus maneu' irah Parisi, ka' ha' néh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, hun kelunan éh jah pitah jalan juk alaa' Allah Pengeja'au réh, ka'ah pu'un mapat jalan réh. Usah keh tengéé' bé' keloo' tai lem nihau Allah, hun irah éh jah juk tai, pu'un keh meta' réh, ha' néh.

YOHANES 15:22

Hun Ké' bé' pu'un tuai ngan pané ngan réh lepah nah, bé' réh sala', bang pu'un Ku' tuai, ngan bé' réh omok bara' réh bé' jam sala' réh.

SURAT PAULUS NGAN SIDANG RUM 6:18

Pu'un Allah ngelepu keh jin penyala' rai ngan hun iteu' ka'ah pu'un ripen tong kekat éh pengeloo' kenin Allah kepéh.

SURAT PAULUS NGAN SIDANG RUM 6:22

Bang hun iteu' kepéh Allah pu'un ngelepu keh jin penyala' keh ngan Iah maneu' keh ripen Allah kepéh. Uban Iah ngelepu keh kenat, kekat urip keh anah nah, pengega' néh mihin keh murip pelinguh.

1 KORINTUS 7:22

Uban kelunan ripen éh ngelan tong Kristus ngan jam penebai Tuhan, na' péh éh ripen keto, iah péh pu'un pelepu tong jumen Kristus. Kenat péh hun kelunan éh pelepu hun Tuhan tebai éh rai, iah pu'un ripen ngan Kristus kepéh.

GALATIA 5:1

La'ah uleu' lepah piso jin kekat sohoo' lem Surat Musa uban Kristus éh pepiso lu'. Uban néh kenat, jian keh nekedéng petem, mai keh moléé' kivu inah kepéh.

GALATIA 5:13

O kekat padéé' ké', ka'ah pu'un tenebai Tuhan dokoo' keh omok pelepu jin kekat ukum tong adet kelunan. Bang mai keh seruh, pelepu mé' hun iteu' bé' pu'un ukum kepéh, omok mé' kivu kenin mé' tengéé' tong kekat pengagat usah mé'. Bé' éh kenat. Bang neu' penika keh ngan Tuhan jian keh nolong ngan petolong pesiget usah keh béé.

ÉPESUS 6:6

Jian keh ngelayau maneu' kenat, bé' makat hun néh ta'an réh awah dokoo' ngepayoo' kenin réh, bang ngan kekat kenin keh jian keh maneu' pengeloo' Tuhan barei' kelunan éh ripen Kristus.

KOLOSÉ 3:24

Jian keh nesen adang Tuhan mena' oléé' néh ngan keh kepéh, adang keh pu'un alaa' tulat éh nodoo' Néh ngan irah éh anah Nah. Uban Kristus Iah éh Tuhan keh mu'un, ngan ineu'-ineu' éh neu' keh, jian keh maneu' éh dokoo' ngepayoo' kenin Néh.

1 TESALONIKA 2:5

Uban ka'ah jam bé' améé' pané mejing ngan ngajung ka'ah, ngan bé' mé' pané ngelayoo' uban mé' magat tong ineu'-ineu' éh anah keh, Allah jam améé' bé' pu'un maneu' kenat.

YAKUB 1:25

Bang kelunan éh seruh mu'un tong kekat ha' tebaraa' Tuhan éh jian mu'un, tebaraa' inah néh éh ngelepu réh jin kesa'at réh, kelunan éh seruh tong néh mu'un ngan éh mihau éh, bé' éh barei' kelunan éh menéng éh metok awah tioo kelepan néh éh kepéh, bang kelunan éh pu'un kivu éh mu'un, Tuhan éh nolong éh dalem kekat penganeu' néh kepéh.

YAKUB 2:12

Jian keh pané ngan jian keh maneu' kekat barék keh pekua' barei' kelunan éh jam Allah juk petuneng réh neu' kekat ha' tebaraa' Néh éh omok ngelepu réh.

2 PÉTERUS 2:19

Irah guru éh ngelavo' inah pejajii' mena' pengelepu ngan réh, bang usah irah guru éh ngelavo' inah tengéé' péh keripen neu' kemalai réh éh juk kebéé réh. Éh ke' néh kenat, uban séé'-séé' éh senopéé ineu'-ineu' péh, iah néh éh ripen kekat inah.

YUDAS 1:4

Pu'un kuraa'-kuraa' kelunan éh bé' ngelan tong Tuhan lepah masek belah lu' ngan bé' kenejam lu'. Irah ngepaléu ha' tebaraa' tong penika Allah lu', ke' réh omok maneu' barék réh éh sa'at. Irah bé' ngelan Yésus Kristus, Iah awah éh pu'un penyukat ngan éh Tuhan lu'. Jin sahau tenéh Ha' lem Surat Allah bara' tong ukum éh juk teneng tong kelunan éh maneu' kenat.