1 PÉTERUS 2:12 - Rengah Jian

¹² Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:12 Iomraidhean Croise

MATIUS 10:25

Jian kelunan éh pekalai nah sukup kenin hun néh omok jam barei' éh kejam guru néh nah. Kenat péh tong kelunan ripen hun néh omok pekua' barei' pengeja'au néh kepéh. Hun néh pengeja'au tong lamin nateng réh balei' Beelsebul, makin péh la'ah kekat irah éh tong lamin néh pelapah sa'at ngaran réh jin inah kepéh, ha' néh.

MATIUS 5:11

Murung kenin keh hun kelunan ngesa'at keh ngan peketa keh, ngan ngesa'at ngaran keh uban keh pu'un kivu Akeu'.

MATIUS 5:16

Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.

MATIUS 9:8

Hun irah pinaa' na'at éh kenat medai réh ngan irah mejing Allah uban Néh mena' penyukat Néh kenat ngan kelunan.

LUKAS 1:68

Mejing Tuhan Allah éh kenelan kelunan Yahudi, uban Néh pika irah éh kevéléé' Néh ngan ngelepu réh.

LUKAS 19:44

Adang réh pu'un tuai mematai kekat ka'ah béé. Kekat leboo' iteu' tasa' béé-béé, bé' pu'un jah-jah éh nekedéng keto. Ke' néh pu'un kenat uban keh mahéng kenin ngan bé' nesen Tuhan éh tuai éh juk purip ka'ah, ha' Néh.

LUKAS 6:22

Murung kenin keh hun kelunan ngeleko keh, musat keh, peja' ngan ngesa'at ngaran keh uban neu' Anak Kelunan.

YOHANES 13:31

La'o Yudas musit Yésus pané kepéh ngan irah bakéh Néh, ka' ha' Néh, Hun iteu' pengaren Anak Kelunan pu'un poléng ngan pengaren Allah pu'un poléng dalem Iah.

PENGANEU' LAWAH 15:14

Pu'un Simon bara' tong jalan Allah tebai kelunan éh tengéé' pohoo' ke' Néh ngevéléé' kuraa' kekat éh omok anah Nah.

PENGANEU' LAWAH 24:13

Bé' réh omok pekelenaa' jalan éh ke' réh maneu' akeu' ngan ko' nah.

PENGANEU' LAWAH 25:7

Hun Paulus avéé', pu'un kelunan Yahudi éh lepah tuai jin Yérusalem nekedéng tutuh néh ngan maneu' éh bara' éh pu'un maneu' kuraa' arong penyala' éh ja'au, bang bé' réh omok pekelenaa' ha' réh kenat.

PENGANEU' LAWAH 28:22

Bang keloo' mé' menéng ha' ko' ngan tong penyeruh ko', uban kejam mé' irah semah-semah péh pu'un réh bara' sebayang maréng iteu' sa'at awah, ha' réh.

SURAT PAULUS NGAN SIDANG RUM 12:17

Hun kelunan ngesa'at keh, mai keh mipa kesa'at réh ngan kesa'at kepéh. Pekalai keh maneu' kekat éh pu'un jian kunah kelunan.

SURAT PAULUS NGAN SIDANG RUM 13:13

Tekep uleu' maneu' kekat barék éh teneng, pekua' éh tekep tong kelunan éh murip tong rema, mai maneu' inga' éh sa'at ngan mavuk, mai petuyang ngan maneu' barék éh sa'at, ngan mai punan ngan pana kenin.

SURAT PAULUS NGAN SIDANG RUM 14:18

Séé'-séé' éh jam mihau kekat inah iah pu'un kivu Kristus, iah éh payoo' tong jumen Allah ngan tong jumen kelunan péh.

SURAT PAULUS NGAN SIDANG RUM 15:9

Inah éh kepéh dokoo' kelunan éh tengéé' pohoo' omok mejing Allah uban penika Néh, pekua' barei' ha' lem surat Allah éh bara' ka', La'ah kenat péh jalan ké' mejing Ka'au' belah kekat kelunan éh tengéé' pohoo' jin irah Yahudi. La'ah akeu' juk nyanyi mejing ngaran Ko', ha' néh.

1 KORINTUS 14:25

Kekat penyeruh néh éh pelim lem kenin néh lepah, pu'un éh poléng kepéh, adang iah ngerera' ngan seva' Allah ngan bara', Adang Tuhan Allah pu'un pemung ngan ka'ah siteu', ha' néh.

2 KORINTUS 1:12

Pu'un jah jalan améé' bahuu', inah éh uban dalem kenin mé' bé' pu'un ineu'-ineu' lem kenin mé' éh pesala' mé' tong urip mé' belah kelunan semah-semah péh, makin péh belah ka'ah, uban kekat barék mé' pu'un éh jian ngan teneng awah. Jah awah kenin améé', bé' mé' maneu' ineu'-ineu' ngan ngelayoo' awah, bé' mé' kivu pengejam mé' tengéé', tong kekat penganeu' mé' pu'un éh neu' penika Allah.

2 KORINTUS 13:7

Améé' sebayang menyat Allah dokoo' ka'ah bé' maneu' kesa'at ineu'-ineu', bé' makat dokoo' améé' kenajung uban kereja' mé' belah ka'ah, hun kelunan seruh kereja' mé' bé' pu'un gunah, bé' ineu', bang inah éh pengeloo' mé' hun keh maneu' jian.

2 KORINTUS 8:21

Améé' juk maneu' éh pekua' éh teneng tong ta'an Tuhan ngan tong ta'an kelunan péh.

ÉPESUS 2:3

La'ah hun sahau uleu' béé péh pu'un barei' inah, pohoo' lu' sa'at awah, pu'un lu' maneu' ineu'-ineu' éh pengeloo' usah ngan kenin lu', uleu' péh teneng kenukum Allah pekua' kelunan inah.

ÉPESUS 4:22

Uban néh kenat jian keh piso jin gaya' pengurip keh éh sahau, tovoo' kelunan bé' jak ngelan tong Tuhan, uban kekat gaya' pengurip keh inah ngelavo' keh awah.

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 4:8

O kekat padéé' ké', tong pengega' ha' ké', jian keh ngelayau seruh tong kekat-kekat éh teneng ngan éh tekep kenajung kelunan, inah éh, tong kekat éh teneng ngan jian, éh tekep naneu' kelunan. Jian keh seruh tong kekat éh ni'ai, tong kekat éh mihin keh jam pika, ngan éh omok kenajung lu'.

1 TESALONIKA 4:12

Hun keh maneu' éh kenat boh kelunan éh bé' ngelan tong Tuhan omok sepah keh, ngan ka'ah péh omok murip jian bé' murip ngabit kelunan awah.

1 TIMOTIUS 2:2

Ngan irah raja' kenat péh irah éh pu'un penyukat. Sebayang ngan Allah dokoo' uleu' omok murip ngida ngan pawah. Uleu' tekep seva' Allah ngan Jian tipan ngan kekat kelunan.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

1 TIMOTIUS 5:10

Inah kepéh hun néh redo éh pu'un ngaran éh jian uban néh pinaa' jalan nolong kelunan éh jah, éh pu'un mihau anak néh mu'un ngan éh ngelayau alaa' irah sakai tong lamin néh ngan mihau réh ngan jian kenin, éh pu'un masi ngan pika kelunan lem penusah réh, ngan éh mekat maneu' kuraa'-kuraa' arong kereja' éh jian péh, redo baleu' éh kenat jian keh nolong éh.

IBRANI 13:18

Jian keh ngelayau sebayang tong améé'. Bé' pu'un ineu'-ineu' éh pesala' kenin mé', uban ngelayau améé' juk maneu' kekat éh teneng.

IBRANI 13:5

Adang Tuhan ngukum irah éh sa'at barék ngan petuyang. Dalem kekat urip keh, mai keh kelih juk kaya', bang jian keh sukup kenin tong éh pu'un ngan keh. Uban ka' ha' Tuhan, Bé' Akeu' kejeraa' ka'au' tengéé', bé' Akeu' bet ke', ha' Néh.

YAKUB 3:13

Jian iah pepoléng éh neu' kekat barék néh pu'un jian ngan jin kekat penganeu' éh neu' néh ngan diva' kenin ngan jam seruh.

1 PÉTERUS 2:15

Uban inah éh pengeloo' Allah hun keh maneu' kekat barék éh jian, inah jalan keh mapat kelunan éh pané éh pesala' keh awah.

1 PÉTERUS 3:16

Jian keh mipa ha' réh ngan dawai kenin ngan ngerera' tong réh. Mai keh kejeraa' ineu'-ineu' masek lem kenin keh éh omok ngesa'at kenin keh, dokoo' tong kekat jalan réh pesala' keh, uban neu' keh kivu Kristus, hun réh na'at barék keh jian inah, irah péh jam menyaa' kepéh uban réh ulak pesala' keh awah.

1 PÉTERUS 4:11

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

2 PÉTERUS 3:11

Uban kekat inah juk béé kenat, kineu' tok ka'ah dalem urip keh hun iteu'? Adang éh tekep kekat urip keh pu'un ni'ai ngan pu'un lem nihau Allah kelebéé' keh mena tong Dau savéé' Néh.