1 PÉTERUS 2:1 - Rengah Jian

¹ Uban kenat, Jian ka'ah bet kekat arong pengesa'at jin usah keh. Mai keh pané' kenyo la'ah, mai keh ngelayoo' maneu' jian, mai keh sakit kenin ngan kelunan ngan mai keh ngesa'at ngaran réh.

1 PÉTERUS 2:1 Iomraidhean Croise

MATIUS 15:7

Adang keh kelunan éh ngelayoo' sebayang. Teneng mu'un ha' nabi Yesaya tong éh benara' néh tong ka'ah, ka' ha' Yesaya nah,

MATIUS 23:28

Kenat keh ne', hun kelunan na'at keh, pu'un réh seruh keh kelunan éh maneu' pengeloo' Allah, bang lem kenin keh mu'un penoo' neu' kekat éh ngelavo' réh awah ngan kekat arong kesa'at, ha' néh.

MATIUS 24:51

Boh pengeja'au néh ngukum éh matai, inah ukum néh pekua' ukum éh teneng tong irah éh ngelayoo' awah kivu sohoo' pengeja'au réh. Tong Sinah éh mangaa' ngan keta mu'un-mu'un ha' néh.

MATIUS 7:5

O kelunan éh ngelayoo', ko' mega' uvap jin maten ko' tenah, boh ke' omok na'at lenaa' ngan bet moo' éh pu'un dalem maten padéé' keh nah.

MARKUS 12:15

Bang Yésus jam réh juk pesala' éh awah ke' réh neteng éh kenat, boh éh pané ngan réh, ka' ha' Néh, Uban ineu' keh tupat Akeu', tuai jah rigit pirek keh nah ké' na'at éh, ha' Néh.

LUKAS 11:44

Tusah mu'un ngan ka'ah, uban keh barei' tanem éh bé' pu'un telana' ineu' ke' réh jam éh jalan patai kelunan boh kelunan lakau bau néh uban réh bé' jam éh, ha' Néh.

LUKAS 12:1

La'ah pinaa' mu'un-mu'un kelunan petipun, ngan pesikeu' réh pah avéé' réh petejat, inah Yésus pané palaa' ha' tapan ngan irah éh bakéh Néh. Ka' ha' Néh, Jian keh mavaa' usah keh jian-jian jin tawan pekevat, tawan inah tapan tong kelunan Parisi éh ngelayoo' awah sebayang.

LUKAS 6:42

O ka'ah éh ngelayoo' awah maneu' jian, jian ke' mega' uvap jin maten ko' tenah, boh ke' omok jian ta'an ngan mega' moo' jin maten padéé' ko', ha' Yésus.

YOHANES 1:47

Hun Yésus na'at Natanael tai tavin Éh, ka' ha' Néh, Inah jah kelunan Yahudi éh pohoo' Yahudi mu'un, bé' éh pu'un lavo' tong ineu'-ineu' péh, ha' Néh.

SURAT PAULUS NGAN SIDANG RUM 1:29

Kenin réh penoo' neu' kuraa' arong kesa'at ngan penyala', inah éh sihun ngan juk alaa' mekum, sakit kenin merek, sa'at mu'un-mu'un kenin réh, pu'un réh mematai kelunan ngan paneu' péh, ngan ngelavo' irah éh jah, irah bara' tong penganeu' kelunan tengéé' jin éh pu'un dokoo' ngesa'at kelunan inah ngan irah éh jah. Pu'un réh nekau ha' ngan perengah éh ngan irah éh jah kepéh,

1 KORINTUS 14:20

O kekat padéé' ké' mai keh barei' penyeruh irah anak awah. Jian keh barei' anak éh tejeu' tong kesa'at, bang dalem kekat penyeruh keh jian keh barei' kelunan éh jam seruh mu'un.

1 KORINTUS 5:8

Mai lu' ngeja'au Dau Ja'au Paska lu' palaa' roti éh pu'un tawan-pekevat, inah éh penyala' ngan kekat kesa'at. Bang maneu' éh ngan kekat éh jian ngan teneng.

2 KORINTUS 12:20

Tusah kenin ké' dai hun ké' angai da' barang bé' péh keh barei' éh keneloo' ké', kenat péh barang akeu' bé' pu'un barei' éh keneloo' ka'ah nah. Medai ku' dai hun ké' angai, pu'un irah pepaneu' pekeleko pekerek, seruh usah réh tengéé', ngesa'at ngaran kelunan ngan nebok, bau kenin ngan keloo' ngasau.

ÉPESUS 4:31

Jian keh bet kekat ha' éh sa'at éh omok punyat kenin kelunan ke' néh merek. Mai keh paneu' ngan mai keh pané ngan luvaa'. Mai keh leko kelunan ngan ngesa'at ngaran réh.

1 TESALONIKA 2:3

Uban hun mé' bara' ha' tebaraa' Tuhan ngan keh, bé' éh ha' mé' lavo' awah ngan bé' éh uban mé' juk ngelayoo' maneu' jian ke' mé' pekelih keh.

1 TIMOTIUS 3:11

La'ah kenat péh tekep redo néh kelunan éh jian barék, mai éh kelunan éh tosok tong kekat rengah sa'at, jian éh kelunan éh jam seruh éh bé' paba pané, ngan éh tigéh dalem kekat penganeu' néh.

TITUS 2:3

Kenat péh jian ke' nebaraa' irah redo éh ja'au urip, dokoo' barék réh barei' éh tekep tong kelunan éh ni'ai éh ngelan tong Allah. Mai réh pané ngesa'at ngaran kelunan, mai réh keripen baa' nesep éh bisa'. Bang jian réh pané tong kekat éh jian,

IBRANI 12:1

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

YAKUB 3:14

Bang hun keh sakit kenin ngan seruh tong usah keh tengéé', mai keh ngelapah tong ha' tebaraa' éh teneng jin Allah ngan bau kenin seruh keh pu'un pengejam.

YAKUB 4:11

O kekat padéé' ké', mai keh pané pesala' jah usah ngan jah usah. Séé'-séé' éh pané pesala' padéé' néh ngan nyelem petuneng barék padéé' néh ngan irah éh jah, inah seleket réh bara' ha' lem Surat Musa sala'. Hun keh pesala' Surat Musa, bé' keh kelunan éh ngerera' kenin ngan kivu éh, bang kelunan éh pesala' éh awah keh.

YAKUB 4:5

Mai keh melo kenin seruh tong ha' ayat surat Tuhan iteu', Sahéé' Ni'ai éh pu'un dalem uleu', merek mu'un éh hun lu' petat jin Tuhan ha' Néh.

YAKUB 5:9

O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un.

1 PÉTERUS 2:16

Jian keh murip barei' kelunan éh pohoo' pelepu, na' péh kenat mai keh pakai pengelepu keh inah dokoo' petavun pengesa'at, Bang jian keh murip barei' kelunan éh kivu sohoo' Allah.

1 PÉTERUS 2:22

Bé' Iah maneu' penyala' ineu'-ineu', ngan bé' pu'un séé'-séé' péh menéng ha' Néh pané kenyo.

1 PÉTERUS 3:10

Barei' ha' lem surat Allah bara', ka' éh, Kelunan éh keloo' murip jian ngan ngida, mai éh pané ngesa'at kelunan, ngan mai éh kenyo.

1 PÉTERUS 4:2

Kelebéé' keh murip keto tong tana', jian keh murip kivu pengeloo' Allah, mai keh murip kivu pengagat usah keh awah.

1 PÉTERUS 4:4

Bang hun iteu' irah éh bé' ngelan tong Allah, béé kenin réh ngan sa'at kenin réh, uban keh bé' pu'un pemung ngan réh maneu' barék éh sa'at pekua' sahau nah, uban néh kenat nah ke' réh muau keh awah.

ÉH POLÉNG 14:5

Bé' irah pané kenyo, bé' pu'un ineu'-ineu' kesa'at réh.