1 PÉTERUS 1:8 - Rengah Jian

⁸ Ka'ah pika Iah na' péh ka'ah bé' jak na'at Iah. Pu'un keh ngelan tong Néh na' péh hun iteu' ka'ah bé' na'at Iah. Uban kenat kemurung keh inah matek Ja'au, maren ngan bé' omok benara'.

1 PÉTERUS 1:8 Iomraidhean Croise

MATIUS 10:37

Ha' néh kepéh, séé'-séé' éh murung tamen tinen néh pelapah ja'au jin néh murung Akeu', bé' iah payoo' tong Akeu'. Ngan séé' éh murung anak néh lakei' ngan murung anak néh redo pelapah ja'au jin néh murung Akeu', bé' iah payoo' tong Akeu'.

YOHANES 14:15

Ka' ha' Yésus kepéh, Hun keh murung Akeu', adang keh pu'un kivu kekat sohoo' Ké'.

YOHANES 14:21

Ka' ha' Yésus kepéh, séé' éh mihau ngan kivu kekat sohoo' Ké', kelunan inah éh murung Akeu', Tamen Ké' murung irah éh murung Akeu', ngan Akeu' péh murung éh ngan juk pepoléng usah Ké' ngan néh, ha' Néh.

YOHANES 14:24

Séé'-séé' éh bé' murung Akeu', bé' éh kivu ha' Ké'. Kekat tebaraa' éh nenéng keh iteu', bé' éh jin Akeu' tengéé', bang pu'un éh jin Tamen Ké' éh nyohoo' Akeu' tuai, ha' Néh.

YOHANES 16:22

Kenat péh ka'ah, hun iteu' besau kenin keh, bang Akeu' juk tuai ngan keh kepéh la', boh keh murung mu'un ngan kemurung éh kenat, bé' kelunan éh jah omok alaa' éh jin keh kepéh.

YOHANES 20:29

Ka' ha' Yésus ngan néh kepéh, Pu'un ke' ngelan uban ko' na'at Akeu', bang murung kenin kelunan éh ngelan éh bé' na'at Ku', ha' Néh.

YOHANES 8:42

Ka' ha' Yésus kepéh, Hun néh mu'un Allah éh Tamen keh, adang keh pu'un murung Akeu', uban Akeu' pu'un tuai jin Allah, kenat éh ke' Akeu' pu'un siteu'. Bé' Akeu' tuai kivu kenin Ké' tengéé', bang Iah Éh nyohoo' Akeu' tuai.

PENGANEU' LAWAH 16:34

La'ah pu'un éh mihin Paulus rawah Silas taket tong lamin néh ke' néh mena' ka'an ngan roh. Murung kenin néh, kenat péh kekat irah tong lamin néh uban pengelan réh tong Allah.

SURAT PAULUS NGAN SIDANG RUM 14:17

uban bé' lu' kivu Tuhan neu' ka'an kinan lu' ngan baa' nesep lu' bang neu' lu' maneu' kekat éh teneng ngan urip éh pawah ngan kemurung éh jin Sahéé' Ni'ai.

SURAT PAULUS NGAN SIDANG RUM 15:13

Jian Allah éh kenelan lu', pepenoo' kenin ka'ah ngan kekat kemurung Néh ngan pengepawah Néh, neu' pengelan keh tong Iah, dokoo' ka'ah omok pepit dalem pengelan keh neu' penyukat Sahéé' Ni'ai.

1 KORINTUS 16:22

La'ah kelunan éh bé' pika Tuhan, inah éh kenukum Tuhan. Maranatha, sin néh, Tuhan juk tuai.

2 KORINTUS 1:22

ngan pu'un Éh nelana' lu' bara' uleu' éh anah Nah, neu' Néh mena' Sahéé' Ni'ai Néh lem kenin lu', Sahéé' Ni'ai nah telana' tong kekat éh juk nena' Néh ngan uleu' kepéh.

2 KORINTUS 12:4

Hun ké' sinah nenéng ké' kuraa'-kuraa' arong éh bé' omok benara' ké' palaa' ha' jin tana' iteu', bé' tekep ku' bara' éh.

2 KORINTUS 4:18

Uban bé' uleu' seruh tong kekat éh poléng ta'an lu' awah, bang pu'un lu' seruh tong kekat éh bé' poléng ta'an lu', uban kekat éh poléng ta'an lu' iteu', metok awah éh, bang kekat éh bé' poléng nah, inah éh pu'un pelinguh.

2 KORINTUS 5:7

uban kekat urip lu' tong tana' pu'un éh neu' pengelan, bé' éh neu' éh poléng ta'an lu' awah.

2 KORINTUS 9:15

Jian uleu' bara' jian kenin ngan Allah uban pengena' Néh ngan uleu' éh jian mu'un-mu'un.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

ÉPESUS 3:19

Kenat akeu' sebayang dokoo' keh omok jam tong penika Allah ngan lu', dokoo' keh omok sukup ngan penoo' mu'un ngan kekat kejian Allah. La'ah ja'au mu'un penika Néh, bé' lu' omok jam éh béé.

ÉPESUS 6:24

Jian penika Allah pu'un pemung ngan kekat kelunan éh pika Tuhan Yésus Kristus neu' penika Néh éh bé' omok béé.

PILIPI 1:25

Adang éh kenat, uban néh kenat bé' akeu' matai, adang akeu' omok murip ngan mokoo' ngan ka'ah, dokoo' ka'ah omok pepit kepéh dalem pengelan keh ngan kemurung keh tong Tuhan.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

PILIPI 4:4

Jian ka'ah ngelayau murung kenin dalem Tuhan, jah koléé' kepéh akeu' bara', jian ka'ah murung kenin.

IBRANI 11:1

Sin pengelan inah éh, uleu' ngelan mu'un adang uleu' omok alaa' éh kepelum lu' inah ngan jam éh pu'un kenat mu'un na' péh éh bé' jak omok ta'an lu'.

IBRANI 11:27

Uban neu' pengelan, Musa kelap jin tana' Mesir ngan bé' medai rek raja'. Barei' hun néh pu'un na'at Allah éh bé' omok ta'an kelunan.

1 PÉTERUS 1:6

Uban kenat jian ka'ah murung kenin, na' péh ka'ah teneng keta neu' penusah éh pinaa' arong hun iteu', kekat penusah inah pu'un éh metok awah.

1 PÉTERUS 2:7

La'ah bateu' inah jian mu'un éh ngan ka'ah éh ngelan, bang tong kelunan éh bé' ngelan inah éh barei' ha' lem surat Allah bara' Bateu' éh nebet irah tukeng lamin uban réh seruh éh bé' pu'un gunah, Bateu' inah néh éh jian mu'un, ha' Néh.

1 PÉTERUS 5:4

Hun Kristus Gembala éh pengeja'au kekat Gembala inah pu'un tuai kepéh, vam, ka'ah juk alaa' tapong éh maren ngan pelinguh.