1 PÉTERUS 1:7 - Rengah Jian

⁷ Kekat inah dokoo' pepoléng hun keh ngelan mu'un tong Tuhan hun néh bé' péh. Mas éh omok tasa' péh, penarem palaa' luten. Uban kenat pengelan keh éh pelapah jian jin Mas péh tekep penarem, dokoo' néh makin reken. Hun néh kenat, hun mah Yésus Kristus tuai kepéh, ka'ah omok alaa' kenajung, kemaren ngan penyepah jin Allah.

1 PÉTERUS 1:7 Iomraidhean Croise

MATIUS 19:28

Ha' Yésus ngan réh, Akeu' bara' ngan ka'ah, hun Anak Kelunan tuai Pengeja'au sioo' urip maréng, ka'ah bakéh ké' iteu' éh jah poloo' duah usah nah, omok keh pengeja'au kepéh ngan petuneng jah poloo' duah betah pohoo' Israel.

MATIUS 25:21

Ha' pengeja'au néh mipa éh, Jian mu'un éh kenat, tigéh mu'un ke' lem kekat kereja' ko' éh ni'an nah, inah akeu' juk mena' kereja' kepéh ngan ko'. Tuai ke' alaa' kemurung pemung ngan ké', ha' néh.

MATIUS 25:23

Ha' pengeja'au néh mipa éh, Jian mu'un éh kenat, tigéh mu'un ke' lem kekat kereja' ko'. Uban ko' tigéh lem kekat kereja' ko' éh ni'an nah, inah akeu' juk mena' kereja' kepéh ngan ko'. Tuai ke' alaa' kemurung pemung ngan ké', ha' néh.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 17:30

Kenat péh éh pu'un sioo' savéé' Anak Kelunan tuai kepéh.

YOHANES 12:26

Séé'-séé' éh juk maneu' kereja' Ké', jian éh kivu Akeu' mu'un, dokoo' semah-semah Akeu' pu'un, sinah ke' kelunan éh kivu sohoo' Ké' inah. Séé'-séé' éh maneu' kereja' Ké' kenat, Tamen Ké' ngajung éh, ha' Yésus ngan réh.

YOHANES 5:44

Ka'ah keloo' kenajung kelunan awah, bé' keh keloo' kenajung Allah. Hun néh kenat, kineu' jalan keh omok ngelan tong Akeu', adang keh bé' omok.

PENGANEU' LAWAH 8:20

Bang ka' ha' Péterus ngan néh, Rigit ngan usah ko' matai tai luten awah éh, uban ko' seruh penyukat Tuhan omok nelih, bé' éh omok nelih, pengena' Néh awah éh.

SURAT PAULUS NGAN SIDANG RUM 2:10

Bang kekat kelunan éh maneu' jian, adang irah omok pemung ngan Allah ngan nejing Néh ngan kenajung Néh, ngan mena' pengepawah Néh ngan réh, ngan irah éh pohoo' Yahudi péh, ngan irah éh tengéé' pohoo' péh.

SURAT PAULUS NGAN SIDANG RUM 2:29

Bang kelunan éh pesunat kenin neu' Sahéé' Ni'ai, inah éh kelunan Yahudi mu'un, bé' éh kelunan éh pesunat tong usah réh awah, kelunan éh pesunat kenin kenat, inah éh kenajung Allah, bé' éh kenajung kelunan awah.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

SURAT PAULUS NGAN SIDANG RUM 8:19

Kekat arong penyuai Tuhan mena hun mah savéé' dau Tuhan ke' Néh pepoléng irah éh anak Néh mu'un.

1 KORINTUS 3:13

Tong dau Kristus pu'un tuai kepéh, boh éh poléng mu'un kineu' kekat éh penganeu' réh inah. Uban luten éh pu'un tovoo' dau inah, inah éh juk pepoléng éh. Luten inah éh memarem hun kereja' siget-siget usah pu'un jian ngan bé' péh.

1 KORINTUS 4:5

Uban néh kenat mai ka'ah petuneng ngan maneu' kelunan pah avéé' jaka' éh kevéléé' Tuhan hun sioo' Néh tuai kepéh. Adang Iah omok pepoléng kekat penyeruh réh éh merem ngan éh pelim rai, ngan Iah pepoléng kekat pengeloo' kenin kelunan éh pelim rai. Tovoo' inah Tuhan pu'un mejing kelunan kivu pekua' penganeu' réh.

YAKUB 1:12

Jian kenin kelunan éh omok ngeretep, na' péh penusah éh pinaa' arong teneng tong néh. Uban hun néh omok nyopéé' penusah inah, boh iah omok alaa' urip éh lepah pejajii' Allah ngan kekat kelunan éh pika Iah.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 1:5

Kekat pengejian inah anah ka'ah uban keh ngelan tong Allah. Uban kenat ka'ah pu'un nihau neu' penyukat Allah dokoo' ka'ah omok alaa' jalan alaa' urip éh petenup Néh ke' Néh pepoléng éh tovoo' ga' dau.

1 PÉTERUS 2:4

Jian keh tuai tavin Tuhan, Iah bateu' éh murip, Bateu' inah nebet kelunan uban réh seruh éh bé' jian, bang Allah éh ngevéléé' Iah ngan ngajung Éh.

1 PÉTERUS 2:7

La'ah bateu' inah jian mu'un éh ngan ka'ah éh ngelan, bang tong kelunan éh bé' ngelan inah éh barei' ha' lem surat Allah bara' Bateu' éh nebet irah tukeng lamin uban réh seruh éh bé' pu'un gunah, Bateu' inah néh éh jian mu'un, ha' Néh.

1 PÉTERUS 4:12

O kekat bakéh ké', mai ka'ah béé kenin dalem pengeketa iteu', pengeketa inah pekua' luten éh palaa' réh memarem mas, mai keh barei' kelunan éh tejeu' tong pengeketa ngan mujah kenin seruh.

1 PÉTERUS 4:13

Bang jian ka'ah murung kenin uban keh pu'un pemung ngan Kristus dalem pengeketa Néh. Uban barei' ka'ah pu'un pemung ngan Néh dalem pengeketa Néh hun iteu', kenat péh ka'ah omok murung hun Néh tuai lem kekat pengaren kepéh.

1 PÉTERUS 5:1

Akeu' petesen ka'ah pengeja'au lem sidang, uban akeu' péh pengeja'au tong sidang. Pu'un ku' lepah na'at pengeketa Kristus ngan pu'un ku' tosok éh kepéh. Adang akeu' omok pemung ngan Néh tovoo' Iah tuai kepéh lem kekat pengaren Néh.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

2 PÉTERUS 1:4

Kenat péh Iah mena' kuraa' kuraa' arong jajii' éh matek jian mu'un ngan lu'. Dokoo' lem kekat inah béé ka'ah pu'un kivu barék Allah ngan pelepu jin pengagat éh sa'at éh pu'un tong tana' iteu'.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

YUDAS 1:24

Allah éh omok mihau keh dokoo' keh petem lem pengelan, ngan éh omok mihin keh tong jumen Néh éh Maren ngan murung kenin ngan bé' pu'un sala' ineu'-ineu'.

ÉH POLÉNG 1:7

Na'at keh, pu'un Éh tuai lem avun. Adang kekat kelunan pu'un na'at Éh, pah avéé' irah éh muja' Éh rai péh pu'un na'at Éh. Pinaa' arong kelunan pah tipo tana' besau kenin na'at savéé' Néh. Oo' adang néh pu'un kenat! Amin.

ÉH POLÉNG 2:10

Mai ke' medai tong pengeketa éh bé' lebéé' la'ah juk teneng tong ke'. Nesen ke'! Adang Sitan juk tupat ke'. Adang iah ngamit ngan masek kuraa'-kuraa' usah jin belah keh lem lamin tutup. Adang keh teneng pengeketa kelebbéé' jah poloo' dau. Jian keh tigéh tong Akeu' pah avéé' matai, ngan adang akeu' mena' urip pelinguh ngan keh uban keh lepah menang.

ÉH POLÉNG 3:10

Uban ko' kivu sohoo' Ké' ngan pu'un ngeretep ngan kebit kenin, Akeu' juk mihau ke' jin kekat penusah éh juk avéé' tong tana' iteu' ke' néh tupat kenin kekat kelunan pah tipo tana'.

ÉH POLÉNG 3:18

Uban néh kenat inah Akeu' nyohoo' ke' melih mas jin Akeu', mas éh mas mu'un, boh ke' omok kaya'. Jian ke' melih satek livah éh mebéng dokoo' petavun usah ko', dai ke' menyaa' ugai. Ngan melih tawan maten dokoo' ko' omok na'at.