1 PÉTERUS 1:6 - Rengah Jian

⁶ Uban kenat jian ka'ah murung kenin, na' péh ka'ah teneng keta neu' penusah éh pinaa' arong hun iteu', kekat penusah inah pu'un éh metok awah.

1 PÉTERUS 1:6 Iomraidhean Croise

MATIUS 11:28

Tuai tavin Akeu' kekat ka'ah éh mutau bii' bahat, Akeu' omok bet éh bahat nebii' keh nah.

MATIUS 26:37

Boh éh mihin Péterus, ngan Yakub ngan Yohanes éh anak Sabedeus pemung ngan néh. Besau kenin Néh, pua mu'un-mu'un kenin néh,

MATIUS 5:12

Murung ngan bahuu' Kenin Keh, uban ja'au mu'un oléé' néh ngan keh tong seruga. Kekat irah nabi sahau rai péh kenat ke' réh peketa réh.

LUKAS 1:47

Murung mu'un-mu'un kenin ké' uban Allah éh purip ku'.

LUKAS 10:20

Na' péh balei' omok pega' neu' ha' keh, mai keh murung kenin tong inah awah, bang jian keh murung kenin uban ngaran keh pu'un lem surat Tuhan tong seruga, ha' Yésus.

LUKAS 2:10

Bang ha' meliket ngan réh, Mai keh medai! Uban akeu' juk bara' rengah éh jian ngan keh, rengah iteu' juk mihin kekat kelunan murung kenin.

YOHANES 16:22

Kenat péh ka'ah, hun iteu' besau kenin keh, bang Akeu' juk tuai ngan keh kepéh la', boh keh murung mu'un ngan kemurung éh kenat, bé' kelunan éh jah omok alaa' éh jin keh kepéh.

YOHANES 16:33

Pu'un Akeu' bara' kenat ngan keh dokoo' keh omok pawah kenin dalem Akeu'. Kelebéé' keh pu'un tong tana' adang keh pu'un tusah, bang jian keh reken kenin, Akeu' éh lepah nyopéé' kekat éh tong tana' iteu', ha' Néh.

PENGANEU' LAWAH 14:22

Pu'un roh ngereken kenin kekat kelunan éh ngelan tong Tuhan ngan nyohoo' réh gahang lem pengelan réh. Ka' ha' roh, Adang lu' juk teneng kuraa' arong penusah kelu' omok tai lem nihau Tuhan, ha' roh.

SURAT PAULUS NGAN SIDANG RUM 12:12

La'ah uban pengelan keh tong Tuhan, jian keh ngelayau murung kenin ngan kebit kenin dalem kekat penusah keh, ngan ngelayau sebayang siget koléé'.

SURAT PAULUS NGAN SIDANG RUM 5:11

Bang bé' éh kenat awah, bang inah kepéh uleu' murung kenin dalem Allah naneu' Tuhan Yésus Kristus éh kenelan lu' éh matai ke' Néh mihin lu' tavin Allah dokoo' uleu' omok bakéh Néh kepéh.

SURAT PAULUS NGAN SIDANG RUM 5:2

Uban neu' pengelan lu' tong Iah, pu'un Iah lepah mihin uleu' tavin Allah éh jalan lu' alaa' urip maréng éh nena' Néh ngan lu'. Murung kenin lu' uban uleu' ngelan adang uleu' omok pemung ngan Allah lem kekat pengaren Néh ngan paléu' jian pekua' barei' Iah pu'un jian.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

2 KORINTUS 6:10

Pu'un mé' besau, bang pu'un murung kenin mé' kepéh. Pu'un mé' kari mu'un, bang pu'un mé' pekaya' kenin kelunan pinaa'. Améé' bé' pu'un livah ineu'-ineu' bang améé' pu'un kekat pengena' Tuhan ngan kaya' mu'un mé'.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

PILIPI 2:26

Gahang kenin néh juk jam ka'ah kepéh, bahat kenin néh uban ka'ah menéng rengah néh pu'un sakit rai.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

PILIPI 4:4

Jian ka'ah ngelayau murung kenin dalem Tuhan, jah koléé' kepéh akeu' bara', jian ka'ah murung kenin.

1 TESALONIKA 1:6

Pu'un keh kivu pengurip améé' dalem Tuhan ngan kivu pengurip Tuhan Yésus péh. Na' péh ka'ah pinaa' arong penusah, pu'un keh alaa' ha' tebaraa' mé' ngan murung kenin, kemurung éh jin Sahéé' Ni'ai.

YAKUB 1:2

O kekat padéé' ké', hun keh teneng neu' pinaa' arong penyilam jian keh jian kenin.

YAKUB 1:9

La'ah jian kelunan Kristén éh kari. Murung kenin uban tong jah dau Allah omok metéé' réh tong retek éh jian kepéh.

YAKUB 4:9

Jian keh besau kenin ngan mangaa', mai keh mala', mangaa' keh, mai keh murung kenin bang besau kenin.

1 PÉTERUS 3:17

Pelapah jian ka'ah teneng pengeketa hun keh maneu' jian hun néh kenat éh keneloo' Allah, jin hun keh teneng pengeketa uban keh maneu' kesa'at.

1 PÉTERUS 4:7

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.