1 PÉTERUS 1:3 - Rengah Jian

³ Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

1 PÉTERUS 1:3 Iomraidhean Croise

YOHANES 1:13

Bé' réh omok anak Allah neu' ineu'-ineu' éh neu' kelunan tong tana', bé' réh omok anak Allah barei' jah anak neu' tamen néh tong tana' iteu'. Allah éh maneu' réh anak Néh.

SURAT PAULUS NGAN SIDANG RUM 12:12

La'ah uban pengelan keh tong Tuhan, jian keh ngelayau murung kenin ngan kebit kenin dalem kekat penusah keh, ngan ngelayau sebayang siget koléé'.

SURAT PAULUS NGAN SIDANG RUM 15:13

Jian Allah éh kenelan lu', pepenoo' kenin ka'ah ngan kekat kemurung Néh ngan pengepawah Néh, neu' pengelan keh tong Iah, dokoo' ka'ah omok pepit dalem pengelan keh neu' penyukat Sahéé' Ni'ai.

SURAT PAULUS NGAN SIDANG RUM 4:25

Pu'un Iah matai naneu' penyala' uleu', Iah pu'un betéé' murip kepéh dokoo' lu' omok jian kepéh ngan Allah.

SURAT PAULUS NGAN SIDANG RUM 5:10

Hun lepah rai uleu' ayau Allah, bang naneu' pengematai Anak Néh, inah jalan Iah maneu' uleu' bakéh Néh kepéh. Hun néh neu' pengematai Anak Néh uleu' omok bakéh Allah kepéh, adang lu' omok murip naneu' urip Néh.

SURAT PAULUS NGAN SIDANG RUM 8:11

Sahéé' Allah éh pebetéé' Yésus jin patai Néh, hun Iah pu'un murip dalem keh, boh Allah éh pebetéé' Kristus jin patai, omok purip usah keh kepéh naneu' Sahéé' Néh éh murip dalem keh.

SURAT PAULUS NGAN SIDANG RUM 8:24

Uleu' pu'un alaa' urip Tuhan lem kenin lu' rai neu' pengelan lu' tong Iah, na' péh bé' pu'un ineu'-ineu' éh ta'an lu' hun iteu', uleu' ngelan adang lu' omok tai pemung ngan Néh vam, uban bé' kelunan omok ngelan melih jah de' ke' livah duah koléé' néh melih éh iah inah ke'.

1 KORINTUS 13:13

Bang kekat éh omok petem reken, inah éh, pengelan ngan pengepelum ngan penika Tuhan lem kenin kelunan, bang éh ja'au jin belah néh, iah inah pika.

1 KORINTUS 15:20

Bang adang Kristus pu'un betéé' jin patai Néh, inah éh telana' kekat kelunan éh lepah matai omok betéé' kepéh.

2 KORINTUS 1:3

Jian uleu' bara' jian kenin ngan Allah éh Tamen Tuhan Yésus Kristus, inah éh Tamen lu' éh ngelayau pika lu', Allah éh papung kenin lu' ngan ngegahang kenin lu' dalem kekat penusah lu'.

GALATIA 6:16

Jian pengepawah ngan penika Tuhan pu'un ngan kekat ka'ah éh pu'un alaa' urip maréng, kenat péh ngan kekat kelunan éh anah Tuhan semah-semah péh.

ÉPESUS 1:17

Akeu' menyat Allah, éh Tamen Tuhan Yésus Kristus, inah éh Tamen éh Matek Maren, akeu' menyat éh mena' pengejam jin Sahéé' Ni'ai ngan keh dokoo' keh omok nesen mu'un tong Kristus, ngan kekat éh neu' Néh.

ÉPESUS 1:3

Jian uleu' bara' jian kenin ngan Allah éh Tamen Tuhan lu' Yésus Kristus, uban uleu' murip pemung ngan Kristus, Allah lepah mena' pengejian ngan lu', palaa' kekat pengejian éh jin seruga.

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

ÉPESUS 2:4

Bang pu'un Allah pika lu' mu'un, ja'au mu'un penika Néh, bé' éh omok benara' lu',

ÉPESUS 3:20

La'ah ngan Allah éh pu'un penyukat maneu' éh pelapah ja'au jin ineu'-ineu' éh pengenyat lu' ngan éh seneruh lu', naneu' penyukat Néh éh kereja' dalem uleu',

KOLOSÉ 1:23

Bang jian keh tigéh ngan reken mu'un lem pengelan keh, mai keh kejeraa' ineu'-ineu' ngusii' ngan mega' keh jin pengelan keh tong Rengah Jian éh lepah nenéng keh. La'ah uban Rengah Jian iteu' akeu' Paulus pu'un maneu' kereja' ngan Tuhan, ngan Rengah Jian iteu' benara' kelunan ngan kekat irah pah tipo tana'.

KOLOSÉ 1:27

La'ah jian mu'un éh kivu pengeloo' Néh pu'un Éh petenup éh ngan kekat arong kelunan, bé' makat ngan pohoo' Yahudi awah. Éh pelim jin irah sahau, inah éh Kristus pu'un dalem ka'ah ngan hun Néh pu'un dalem keh kenat adang kelunan ngelan keh pu'un pemung ngan Allah lem kekat pengaren Néh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

1 TESALONIKA 4:13

O kekat padéé' ké', améé' keloo' ka'ah jam tong irah éh lepah matai, dokoo' mai ka'ah pelasam kenin barei' kelunan éh bé' ngelan.

2 TESALONIKA 2:16

Jian Tuhan Yésus Kristus, ngan Allah éh Tamen lu', éh pika uleu' ngan naneu' penika Néh Iah mena' pengepapung Néh éh pelinguh ngan pengelan éh jian ngan lu',

1 TIMOTIUS 1:14

La'ah ja'au mu'un penika Tuhan ngan ké' ngan mutaa' kepéh, pu'un éh ngusii' kenin ké' dokoo' ké' omok ngelan ngan omok pika neu' ké' pu'un petem lem Kristus Yésus.

TITUS 2:13

Kelebéé' lu' mena tong Dau éh kenelan lu', hun pengaren Allah éh Matek ja'au ngan Yésus Kristus éh Pepurip lu' pu'un poléng kepéh.

IBRANI 3:6

Bang Kristus nah Anak Tuhan mu'un, tigéh mu'un éh mihau umaa' Allah. La'ah uleu' néh umaa' Allah, inah éh hun lu' ngereken kenin lu' ngan petem pengelan lu' omok alaa' ineu' éh kepelum lu'.

YAKUB 1:18

Kivu pengeloo' Néh tengéé' Iah suai uleu' neu' ha' tebaraa' Néh éh teneng. Inah maneu' uleu' omok barei' buaa' éh tenah jin kekat-kekat éh senuai Néh.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 1:21

Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.

1 PÉTERUS 1:23

Naneu' ha' tebaraa' Allah éh murip ngan pelinguh. Ka'ah lepah kenanak maréng, bé' éh jin kelunan bang jin tamen keh éh pelinguh.

1 PÉTERUS 2:2

Bang barei' anak bala mangaa' juk météé' nah, kenat péh jian ka'ah ngelayau juk mesep baa' jin Sahéé' Ni'ai, inah éh ha' tebaraa' Tuhan éh jian mu'un. Neu' ha' tebaraa' inah ka'ah omok pepit gahang ngan alaa' urip Tuhan.

1 PÉTERUS 3:15

Jian keh ngerera' tong Kristus ngan alaa' Iah pengeja'au keh mu'un. Jian keh ngelayau petenup kenin keh dokoo' keh jam mipa ha' irah éh neteng keh tong pengelan keh.

1 PÉTERUS 3:21

Labuu inah tapan tong baa' éh jalan kelunan ngebatis keh éh purip keh hun iteu'. Pengebatis inah bé' éh mohéé' nong jin usah keh bang neu' kekat éh kenakun keh ngan Allah jin kenin keh mu'un éh jian. Pengebatis iteu' purip keh uban Yésus Kristus lepah betéé' jin pematai ngan lepah moléé' tai seruga. Hun iteu' Iah saa' na'au' Allah ngan pengeja'au kekat meliket, ngan kekat éh pu'un penyukat ngan éh ja'au tong seruga,

1 PÉTERUS 3:5

Kenat péh irah redo sahau éh anah Allah ngan ngelan tong Tuhan, inah jalan irah ngejian usah réh, irah petem kivu sohoo' lakei' réh.

1 YOHANES 2:29

La'ah ka'ah jam Kristus maneu' pengeloo Allah. Uban néh kenat ka'ah jam siget-siget usah éh maneu' pengeloo' Allah Iah néh anak Allah.

1 YOHANES 3:3

Siget-siget usah éh ngelan tong Kristus tekep iah mavaa' kenin néh ke' néh ni'ai, pekua' Kristus pu'un ni'ai.

1 YOHANES 3:9

Séé'-séé' éh paléu anak Allah, bé' éh petem maneu' penyala', uban urip Allah pu'un éh dalem néh, Allah éh Tamen néh kepéh, bé' éh omok petem maneu' penyala'.

1 YOHANES 4:7

O kekat padéé' éh kemurung ké', jian uleu' pata pepika, uban penika nah jin Allah. Séé'-séé' éh pika kelunan inah pepoléng éh iah anak Allah ngan pu'un éh jam Allah.

1 YOHANES 5:1

Séé'-séé' éh ngelan Kristus éh purip éh pejajii' Allah, kelunan inah éh anak Allah. Séé'-séé' éh pika Tamen Néh, pu'un éh pika Anak Néh kepéh.

1 YOHANES 5:18

La'ah uleu' jam kelunan éh paléu anak Allah, bé' éh petem maneu' penyala', uban Anak Allah pu'un mihau éh, Sitan bé' omok maneu' éh.

1 YOHANES 5:4

Uban siget-siget kelunan éh anak Allah, omok éh nyopéé' tana' iteu'. Uleu' omok nyopéé' tana' iteu', neu' pengelan lu'.