1 PÉTERUS 1:22 - Rengah Jian

²² Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 1:22 Iomraidhean Croise

YOHANES 15:17

La'ah iteu' éh sohoo' Ké' ngan keh, jian keh murung jah usah ngan jah usah, ha' Néh.

YOHANES 15:3

Ka'ah péh pu'un jian neu' ha' tebaraa' éh benara' Ké' ngan keh.

YOHANES 17:17

Jian Ke' maneu' réh anah Ko' mu'un neu' ha' tebaraa' Ko' éh teneng.

YOHANES 17:19

Uban Ké' pika réh, inah Akeu' mena' usah Ké' ngan Ko' dokoo' réh omok anah Ko' mu'un.

PENGANEU' LAWAH 15:9

Bé' éh tengéé' ke' penganeu' Néh ngan uleu', tengéé' ke' éh neu' Néh ngan irah, bang Iah mega' penyala' lu' béé neu' pengelan lu' tong Iah awah.

PENGANEU' LAWAH 6:7

La'ah ha' tebaraa' Allah avéé' kepéh tong kuraa'-kuraa' kelunan éh jah, pinaa' kelunan tong Yérusalem ngelan tong Tuhan kepéh, kenat péh pinaa' imam ngelan kepéh.

SURAT PAULUS NGAN SIDANG RUM 1:5

Jin Kristus, Allah lepah mena' penika Néh ngan ké' iah tebai akeu' lawah Néh dokoo' mihin siget arong kelunan ngelan tong Iah ngan kivu Éh kepéh.

SURAT PAULUS NGAN SIDANG RUM 2:8

Bang kelunan éh kivu kenin réh tengéé', éh bé' keloo' kivu sohoo' Allah, éh bet kekat jalan éh teneng ke' réh kivu kekat éh sala' awah, ngan kelunan éh kenat, adang Allah merek ngan réh ngan ngukum réh.

SURAT PAULUS NGAN SIDANG RUM 8:13

Uban hun keh murip kivu kenin keh tengéé' adang keh matai. Bang hun keh mematai kekat penganeu' keh éh sa'at, neu' penyukat Sahéé' Ni'ai, boh keh omok murip.

2 KORINTUS 6:6

Bang dalem kekat inah pu'un mé' pekelenaa' mé' adang améé' kelunan éh sohoo' Tuhan. Améé' pekelenaa' éh kenat neu' kekat barék mé' pu'un jian, ngan dawai kenin jam seruh, ngan kebit kenin ngan neu' mé' nolong kelunan éh jah, neu' kekat pengena' Sahéé' Ni'ai ngan mé' ngan neu' mé' pika réh mu'un.

GALATIA 3:1

Palui ka'ah kelunan Galatia. Séé' lepah ngaboo' ngan ngepaléu kenin ka'ah? Hun lepah rai pu'un keh menéng ngan lenaa' mu'un tong jalan Kristus Yésus pu'un matai tong kayeu' salib rai.

GALATIA 5:5

Bang améé' pu'un améé' ngelan Allah omok maneu' améé' jian kepéh tong jumen Néh, kenat améé' mena ngan kebit kenin, neu' penyukat Sahéé' Ni'ai éh kereja' pemung ngan pengelan mé'.

GALATIA 5:7

La'ah jian ka'ah hun lepah rai. Séé' éh meta' keh dokoo' keh bé' kivu ha' tebaraa' éh teneng. Séé' ngaboo' ngan ngepaléu kenin keh?

ÉPESUS 4:3

Ngan mihau mu'un-mu'un dokoo' keh ngelayau pekua' kenin dalem Sahéé' neu' keh murip lem pengepawah Néh.

PILIPI 1:9

Akeu' sebayang dokoo' penika keh ngan Allah ngan kelunan omok pepit, pemung ngan pengejam keh tong kekat éh teneng, pah avéé' keh jam seruh mu'un,

1 TESALONIKA 3:12

La'ah jian Tuhan maneu' ka'ah pepit-pepit dalem penika keh belah ka'ah ke', kenat péh ngan kekat irah éh jah péh, pah avéé' keh jam pika mu'un barei' penika améé' tong ka'ah nah.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

2 TESALONIKA 2:13

O kekat padéé' ké' éh kemurung Allah, tekep améé' ngelayau bara' jian kenin ngan Allah uban Iah ngevéléé' ka'ah tenah jin irah éh jah ke' Néh purip keh neu' penyukat Sahéé' Ni'ai ke' Néh maneu' keh anah Allah mu'un, inah éh neu' pengelan keh tong tebaraa' éh teneng.

1 TIMOTIUS 1:3

Barei' ha' ké' ngan ko' teka ké' tai Makedonia éh nyohoo' ke' mokoo tong Épesus rai, kenat péh ha' ké' hun iteu' kepéh, jian ke' mokoo' sinah dokoo' ko' omok meta' kuraa' kelunan éh bara' tong ha' tebaraa' éh sala' awah.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

1 TIMOTIUS 5:2

Kenat péh tong redo éh mukun, jian ke' pané ngan néh barei' ko' pané ngan tinen ko' mu'un, ngan tong irah redo lemanai jian ke' pané ngan réh barei' ngan padéé' ko' mu'un dalem kekat éh ni'ai.

2 TIMOTIUS 1:14

Neu' penyukat Sahéé' Ni'ai éh murip lem kenin ko', jian ke' mihau Rengah Jian éh lepah nena' Néh ngan ko' pekua' ke' mihau livah éh ma'an.

IBRANI 11:8

Neu' pengelan, Abraham kivu sohoo' Allah hun Allah nyohoo' éh piso tai tana' éh jah éh pejajii' Allah ngan néh. Hun néh piso bé' éh jam semah-semah éh juk tai nah.

IBRANI 13:1

Barei' keh pu'un pika pepika, jian keh petem maneu' kenat barei' éh tekep ngan kelunan éh pepadéé' dalem Tuhan.

IBRANI 5:9

Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

IBRANI 6:10

Allah nah bé' éh bé' teneng. Iah bé' ngelepan ineu' éh lepah neu' keh ngan Néh kenat péh penika keh éh pepoléng keh ngan Néh hun keh nolong irah éh ngelan tong Tuhan lepah rai kenat pu'un avéé' hun iteu'.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

YAKUB 4:8

Jian keh tuai tepih déhéé' Allah, boh Iah tepih déhéé' ko' kepéh. Ngeni'ai kekat urip keh kekat kelunan éh penyala'. Mohéé' kenin keh, kekat kelunan éh ngelayoo' kivu Tuhan.

1 PÉTERUS 1:2

Dalem kekat pengeloo' Allah éh Tamen uleu', ka'ah pu'un kevéléé' Néh, dokoo' keh omok kelunan éh anah Nah éh ni'ai naneu' Sahéé' Ni'ai, dokoo' ka'ah tigéh tong Yésus Kristus ngan pu'un ni'ai neu' dahaa' Néh. Jian Allah mena' ngan keh pengejian ngan pengepawah ngan mutaa' kepéh.

1 PÉTERUS 2:17

Jian keh ngerera' tong kekat kelunan béé murung tong kekat padéé' keh dalem Tuhan, Jian keh medai tong Allah ngan ngerera' tong raja'.

1 PÉTERUS 3:1

Barei' ha' ké' ngan kelunan sohoo' kenat kepéh kekat ka'ah redo éh pu'un lakei' petem kivu sohoo' lakei' néh. Hun pu'un irah lakei' éh bé' ngelan tong ha' tebaraa' Tuhan, hun néh na'at barék redo néh jian, boh iah keloo' ngelan Tuhan kepéh na' péh redo néh bé' pu'un bara' ineu'-ineu' ngan néh,

1 PÉTERUS 3:20

Inah éh kekat sahéé' kelunan éh ngelapah sohoo' Allah tovoo' Allah mena réh ngan kebit kenin sioo' Noh maneu' kapen. Ayah usah éh pu'un dalem kapen inah, ngan irah omok murip jin labuu inah.

1 PÉTERUS 3:8

Inah éh ga' ha' ké', jian kekat ka'ah béé jah awah ha' ngan jah awah penyeruh. Jian keh pekua' pepika barei irah éh pepadéé' mu'un. Ngan jian keh pekua' tolong, petolong belah ka'ah ke' ngan diva kenin.

1 PÉTERUS 4:17

Uban avéé' lah jaka' Allah petuneng kekat kelunan, bu'un-bu'un Iah juk petuneng irah éh anah Nah. Hun uleu' éh ngelan saa' tenah petuneng Néh, matek tusah mu'un tong ga' néh ngan kelunan éh bé' ngelan tong Rengah jian éh jin Allah pu'un kenat tong uleu' éh ngelan, kineu' kepéh tong kelunan éh pohoo' néh bé' ngelan tong Rengah Jian éh jin Allah?

1 PÉTERUS 4:8

Éh pelapah gunah éh tekep ka'ah maneu', inah éh pika ngan pepika ngan kekat kenin keh uban neu' keh jam pepika kenat pinaa' penyala' omok pega'.

2 PÉTERUS 1:7

Ka'ah tekep murung tong padéé' keh dalem Tuhan ngan pika tong kekat kelunan béé.

1 YOHANES 3:11

Uban tebaraa' éh nenéng keh jin sahau, inah éh, jian uleu' kua' pepika.

1 YOHANES 3:23

La'ah iteu' éh sohoo' Néh, jian uleu' ngelan tong Anak Néh Yésus Kristus ngan kua' pepika, pekua' sohoo' Kristus ngan lu'.

1 YOHANES 4:12

La'ah bé' pu'un kelunan séé'-séé' péh éh lepah na'at Allah bang hun uleu' pika kekat padéé' lu', Allah pu'un petem dalem lu' ngan penika Néh pu'un sukup dalem lu'.

1 YOHANES 4:20

Hun kelunan bara' iah pika Allah, bang iah leko padéé' néh, kelunan éh kenat kenyo awah, uban bé' iah omok pika Allah éh bé' omok ta'an néh, hun néh bé' pika padéé' néh éh poléng ta'an néh.

1 YOHANES 4:7

O kekat padéé' éh kemurung ké', jian uleu' pata pepika, uban penika nah jin Allah. Séé'-séé' éh pika kelunan inah pepoléng éh iah anak Allah ngan pu'un éh jam Allah.

ÉH POLÉNG 2:4

Bang inah éh pengekurang ko', uban bé' ke' murung Akeu' barei' hun bu'un bu'un ko' ngelan tong Akeu' rai.