1 PÉTERUS 1:21 - Rengah Jian

²¹ Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.

1 PÉTERUS 1:21 Iomraidhean Croise

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

YOHANES 12:44

La'ah Yésus pané kepéh ngan ja'au ha', ka' ha' Néh séé'-séé' éh ngelan tong Akeu', bé' éh ngelan tong Akeu' awah, bang pu'un éh ngelan kepéh tong Tamen Ké' éh nyohoo' Akeu' tuai.

YOHANES 14:1

Ka' ha' Yésus kepéh, Mai keh pelasam ngan béé kenin, jian keh ngelan tong Allah ngan ngelan tong Akeu' kepéh.

YOHANES 14:6

Yésus mipa éh, Akeu' iteu' éh jalan, ngan Akeu' iteu' éh teneng, ngan Akeu' iteu' éh urip, bé' pu'un séé'-séé' éh omok tavin Tamen Ké' hun néh bé' pu'un jalan Akeu'.

YOHANES 17:1

La'o Yésus pané kenat, Iah na'at tong langit ngan sebayang, ka' ha' Néh, Tamen, hun iteu' sukup jaka' Ké'. Jian Ke' ngajung Anak Ko' iteu' dokoo' Ké' omok ngajung Ke' kepéh.

YOHANES 17:24

O Amam, Ka'au pu'un mena' irah ngan Ké', ngan Akeu' keloo' irah pu'un pemung ngan Ké' tong jalan Ké' pu'un, dokoo' irah omok jam pengaren Ké' éh nena' Ko' ngan Ké' uban pu'un Ke' murung Akeu' hun tana' iteu' bé' jak pu'un.

YOHANES 17:5

O Tuhan, hun iteu' jian Ke' mena' pengaren Ké' kepéh pemung ngan Ko' sinah, éh pekua' pengaren Ké' hun Ké' pu'un ngan Ko' hun tana' iteu' bé' jak pu'un rai.

YOHANES 3:34

Kelunan éh tuai sohoo' Allah pu'un éh bara' kekat ha' Allah, uban Allah pepenoo' kenin néh neu' Sahéé' Ni'ai.

PENGANEU' LAWAH 2:24

Bang pu'un Allah pebetéé' Éh jin patai Néh, ngan pu'un Éh ngelepu Éh jin keta pematai bé' pu'un penyukat pematai nah omok magen Éh.

PENGANEU' LAWAH 3:13

Allah éh kenelan tepun lu' Abraham, Ishak ngan Yakub, ngan éh kenelan kekat tepun uleu' éh jah kepéh, Allah inah éh ngajung Anak Néh Yésus. Pu'un keh lepah mena' Éh ngan irah éh pengeja'au keh, ngan hun Pilatus juk ngelepu Éh bé' keh buhaa' éh ngelepu Éh, pu'un keh bet Éh awah.

PENGANEU' LAWAH 3:15

Inah jalan keh mematai Iah éh nebu'un urip. Bang Allah pu'un pebetéé' Éh jin belah kelunan matai, améé' jam éh pu'un kenat mu'un uban maten mé' na'at Éh la'o Néh betéé' jin patai Néh.

PENGANEU' LAWAH 4:10

Jian keh jam, ngan jian kekat kelunan Yahudi péh jam, tong jalan lakei' inah ma'o, bé' éh neu' amo, bang iah ma'o naneu' penyukat lem ngaran Yésus Kristus, kelunan jin leboo' Nasaret, éh lepah senalib keh ngan éh netéé' Allah jin patai Néh, kenat éh ke' néh omok nekedéng belah keh nah ngan jian.

SURAT PAULUS NGAN SIDANG RUM 10:9

Kenat péh hun keh bara' Yésus éh pengeja'au ké' ngan kenelan éh kenat mu'un lem kenin ko' ngan ngelan tong Allah lepah pebetéé' Kristus jin belah kelunan éh matai, boh keh omok jian kepéh ngan Allah nah.

SURAT PAULUS NGAN SIDANG RUM 4:24

Bang pu'un éh senurat kenat ngan uleu' kepéh éh nalaa' Allah seleket kelunan éh jian kepéh ngan Allah, inah éh ngan uleu' éh ngelan tong Allah éh pebetéé' Tuhan Yésus jin patai Néh rai.

2 KORINTUS 6:15

Kristus ngan Sitan bé' roh omok pekua' kenin. Kekat penyeruh kelunan éh ngelan tong Tuhan, tengéé' mu'un éh jin kelunan éh bé' ngelan. Bé' pu'un ineu'-ineu' éh pekua'.

ÉPESUS 1:15

Uban néh kenat jin bu'un ké' menéng rengah tong pengelan keh tong Tuhan Yésus, ngan penika keh ngan kekat kelunan éh anah Allah,

KOLOSÉ 1:27

La'ah jian mu'un éh kivu pengeloo' Néh pu'un Éh petenup éh ngan kekat arong kelunan, bé' makat ngan pohoo' Yahudi awah. Éh pelim jin irah sahau, inah éh Kristus pu'un dalem ka'ah ngan hun Néh pu'un dalem keh kenat adang kelunan ngelan keh pu'un pemung ngan Allah lem kekat pengaren Néh.

1 TIMOTIUS 1:1

Akeu' Paulus éh lawah Kristus Yésus neu' sohoo' Allah éh pepurip lu', pemung ngan Yésus Kristus éh kenelan lu',

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

IBRANI 2:9

Bang uleu' lepah na'at Yésus pu'un penyukat! Lem jaka' metok awah, Iah pu'un diva' siik jin meliket, dokoo' neu' pengasi Allah, Iah omok matai tulat kekat kelunan. Hun iteu' uleu' na'at Iah nena' pengaren ngan penyeva' uban Iah lepah keta avéé' matai.

IBRANI 6:1

Uban néh kenat jian uleu' lakau kepéh avéé' tong ha' tebaraa' éh ngan irah éh sukup kenin dalem Tuhan, mai lu' posot terah ha' tebaraa' éh bu'un-bu'un tong Kristus. Mai lu' ngelayau nebaraa' éh bu'un-bu'un tong pengelan tong Allah ngan posot maneu' kekat éh bé' pu'un gunah.

IBRANI 7:25

Kenat péh kekat kelunan éh tuai tavin Tuhan dalem Iah, Kristus pu'un penyukat purip réh, kenat éh hun iteu', kenat péh avéé' pelinguh, uban Iah murip pelinguh ngelayau Éh menyat Allah pika réh.

1 PÉTERUS 1:11

Sahéé' Kristus pu'un dalem irah nabi ngan sahéé' inah pu'un bara' tong pengeketa éh tekep teneng tong Kristus ngan tong Allah pu'un ngajung Iah kepéh. Irah nabi gahang kenin tatek hun néh pu'un kenat da'.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.