1 PÉTERUS 1:19 - Rengah Jian

¹⁹ Ka'ah iteu' kelepu Néh neu' penyukat dahaa' Kristus. Iah mena' urip Néh barei' domba éh penatai réh éh pengena' réh ngan Tuhan éh jalan réh omok tavin Tuhan sahau, domba éh matek jian mu'un.

1 PÉTERUS 1:19 Iomraidhean Croise

MATIUS 20:28

Tekep keh maneu' kenat uban Anak Kelunan, bé' tuai dokoo' irah ngajung ngan ngeja'au éh, bang Iah tuai dokoo' Néh omok nolong kelunan ngan dokoo' Néh mena' urip Néh purip kelunan pinaa', ha' néh.

MATIUS 26:28

Iteu' néh seleket dahaa' Ké', inah éh maneu' jajii' Allah pu'un petem, iteu' éh dahaa' Ké' éh pega' dokoo' Ké' bet penyala' kelunan pinaa'.

YOHANES 1:29

Barei'sagam pu'un Yohanes na'at Yésus tuai tavin éh, boh éh bara' ka' Na'at keh, Anak Domba Allah éh bet penyala' kekat kelunan tong tana'.

YOHANES 1:36

Boh éh na'at Yésus lakau sinah, ka' ha' néh, Na'at keh Anak Domba Allah, ha' néh.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

SURAT PAULUS NGAN SIDANG RUM 3:25

Pu'un Allah mena' Yésus Kristus pengena' Néh dokoo' neu' pengematai Néh Iah omok mega' penyala' kelunan, hun réh ngelan tong Néh. Allah maneu' kenat dokoo' pepoléng Iah teneng mu'un. Sahau kebit kenin Allah tong penyala' Kelunan, bé' Iah tioo ngukum réh.

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

KOLOSÉ 1:14

éh ngelepu lu' jin kamit Sitan ngan éh mega' penyala' lu'.

1 PÉTERUS 1:2

Dalem kekat pengeloo' Allah éh Tamen uleu', ka'ah pu'un kevéléé' Néh, dokoo' keh omok kelunan éh anah Nah éh ni'ai naneu' Sahéé' Ni'ai, dokoo' ka'ah tigéh tong Yésus Kristus ngan pu'un ni'ai neu' dahaa' Néh. Jian Allah mena' ngan keh pengejian ngan pengepawah ngan mutaa' kepéh.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.

1 YOHANES 1:7

Bang hun uleu' murip dalem rema, pekua' Allah pu'un dalem rema, adang uleu' béé pu'un Pekua' kenin, ngan dahaa' Yésus Anak Néh, mohéé' uleu jin kekat penyala'.

1 YOHANES 2:2

Uban Kristus awah éh jalan mega' kekat penyala' lu', bé' éh kekat penyala' uleu' iteu' awah, bang jalan mega' penyala' kekat kelunan pah tipo tana'.

ÉH POLÉNG 1:5

Kenat péh jin Yésus Kristus éh tigéh lem kekat éh benara' Néh, Iah éh bu'un bu'un pebetéé' Allah jin patai Néh ngan Iah éh raja bau kekat raja tong tana'. Yésus pika uleu' ngan neu' dahaa' Néh, inah Iah ngelepu uleu' jin kekat penyala' lu'.

ÉH POLÉNG 14:1

La'ah pu'un ku' na'at kepéh ngan ta'an ké' Anak Domba nah nekedéng tong Tokong Sion, inah éh Yérusalem éh tong seruga. La'ah pu'un jah ato pat poloo' pat ibu kelunan, iteu' kelunan éh pu'un ngaran Anak Domba ngan ngaran Tamen Néh tong sela' réh éh pu'un pemung ngan Néh sinah.

ÉH POLÉNG 14:5

Bé' irah pané kenyo, bé' pu'un ineu'-ineu' kesa'at réh.

ÉH POLÉNG 5:6

La'ah ta'an ké' jah Anak Domba nekedéng belah nyun inah, tutuh néh pu'un pat penyuai éh murip ngan kekat pengeja'au inah. Anak Domba inah layan néh barei' éh lepah penatai. Anak Domba inah pu'un tujuu' uheng ngan tujuu' maten Néh, inah éh tujuu' sahéé' éh jin Allah éh lepah senohoo' Néh tai pah tipo tana'.

ÉH POLÉNG 5:9

La'ah irah nyanyi, jah nyanyi éh maréng, ka' ha' réh. Ka'au' éh tekep alaa' len surat inah ngan mega' tada' tong néh. Uban Ka'au' éh penatai réh, ngan neu' dahaa' Ko', pu'un Ke' melih kelunan jin siget pohoo', siget arong ha', siget leboo' ngan siget arong kelunan béé dokoo' réh omok anah Allah.

ÉH POLÉNG 7:14

Ka' ha' ké' mipa éh, O lakei' ja'au bé' akeu' jam, bang ka'au' éh jam réh, ha' ké'. Ha' néh kepéh, Kekat irah inah irah éh bé' putui pengelan tovoo' réh teneng pengeketa éh bahat rai. Pu'un réh poo' livah pakai réh ngan ngemebéng éh neu' dahaa' Anak Domba.