1 PÉTERUS 1:15 - Rengah Jian

¹⁵ Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh.

1 PÉTERUS 1:15 Iomraidhean Croise

MATIUS 5:48

Jian keh pika kekat kelunan barei' Tamen keh tong seruga pu'un pika réh, ha' Yésus nah.

SURAT PAULUS NGAN SIDANG RUM 9:24

Uban uleu' éh lepah kevéléé' Néh, bé' éh jin belah pohoo' Yahudi awah, bang jin belah kelunan éh tengéé' pohoo' péh.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 3:14

Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

PILIPI 3:20

Bang tana' ngan baa' uleu' pu'un éh tong seruga, jin sinah uleu' mena Tuhan Yésus Kristus tuai kepéh, éh juk purip lu'.

1 TESALONIKA 2:12

Pu'un mé' ngegahang kenin keh ngan papung keh, ngan nyohoo' keh murip ngan barék éh payoo' tong jumen Allah éh tebai ka'ah tai lem nihau Néh ngan pengaren Néh.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

TITUS 3:14

Jian irah éh ngelan, pekalai maneu' jian ngan pesukup ineu'-ineu' pengekurang kelunan, mai réh murip ngan bé' jam seruh.

TITUS 3:8

La'ah teneng mu'un ha' inah. La'ah éh pengeloo' ké', jian ke' mekat bara' kekat ha' tebaraa' iteu', dokoo' irah éh ngelan tong Allah omok mekat kereja' ngan maneu' kekat éh jian. Kekat ha' tebaraa' iteu' jian éh, ngan pu'un gunah néh ngan kekat kelunan.

IBRANI 12:14

Mekat keh pitah jalan dokoo' keh omok murip ngan pawah kenin belah kekat kelunan. Kenat péh jian keh mekat pitah dokoo' kekat barék keh pu'un ni'ai, uban bé' pu'un séé'-séé' péh éh omok na'at Tuhan hun néh bé' pu'un ni'ai.

IBRANI 13:5

Adang Tuhan ngukum irah éh sa'at barék ngan petuyang. Dalem kekat urip keh, mai keh kelih juk kaya', bang jian keh sukup kenin tong éh pu'un ngan keh. Uban ka' ha' Tuhan, Bé' Akeu' kejeraa' ka'au' tengéé', bé' Akeu' bet ke', ha' Néh.

YAKUB 3:13

Jian iah pepoléng éh neu' kekat barék néh pu'un jian ngan jin kekat penganeu' éh neu' néh ngan diva' kenin ngan jam seruh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 PÉTERUS 3:16

Jian keh mipa ha' réh ngan dawai kenin ngan ngerera' tong réh. Mai keh kejeraa' ineu'-ineu' masek lem kenin keh éh omok ngesa'at kenin keh, dokoo' tong kekat jalan réh pesala' keh, uban neu' keh kivu Kristus, hun réh na'at barék keh jian inah, irah péh jam menyaa' kepéh uban réh ulak pesala' keh awah.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

1 YOHANES 3:3

Siget-siget usah éh ngelan tong Kristus tekep iah mavaa' kenin néh ke' néh ni'ai, pekua' Kristus pu'un ni'ai.

ÉH POLÉNG 3:7

Jian ke' nyurat ngan meliket sidang tong Piladelpia. Iteu' ha' éh benara' jin Iah éh ni'ai ngan tigéh. Iah ngamit kusi' éh jin Daud; hun mah Iah mukap tapé, bé' pu'un jah usah péh omok tutup éh. Hun mah Iah tutup éh, bé' pu'un jah usah péh omok mukap éh.

ÉH POLÉNG 4:8

Siget-siget néh pu'un nem pawit néh pinaa' maten tutuh usah néh pah avéé' ra' pawit néh péh putung dau ngan merem bé' réh posot nyanyi ka' ha' réh. Ni'ai, ni'ai, ni'ai Tuhan Allah éh pelapah ja'au penyukat éh lepah pu'un tenéh, éh pu'un hun iteu' ngan éh juk tuai kepéh, ha' réh.

ÉH POLÉNG 6:10

Pu'un réh pané ngan ja'au ha', ka' ha' réh, O Tuhan éh pelapah ja'au penyukat jin ineu'-ineu' péh, éh ni'ai ngan éh teneng, kineu' kelebéé' la'ah da' boh Ke' petuneng kelunan tong tana' ngan ngukum réh uban réh pu'un mematai améé', ha' réh.