1 PÉTERUS 1:12 - Rengah Jian

¹² Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.

1 PÉTERUS 1:12 Iomraidhean Croise

MATIUS 11:25

La'ah tovoo' inah Yésus sebayang, ka' ha' néh, O Amam, éh Tuhan tong langit ngan tong tana' péh, Akeu' bara' jian kenin ngan Ko' uban kekat éh nelim Ko' jin irah éh pu'un pengejam, pu'un Ke' pepoléng éh ngan irah éh bé' jam seruh éh barei' anak awah.

MATIUS 11:27

La'ah ha' Yésus kepéh, Pu'un Tamen Ké' lepah mena' kekat ineu'-ineu' ngan Ké'. Bé' pu'un séé'-séé' éh jam Akeu' éh Anak Néh, bang Tamen Ké' awah éh jam Akeu' Anak néh. Ngan bé' pu'un séé'-séé' éh jam Tamen Ké', bang Akeu' éh Anak Néh awah éh jam éh, ngan irah éh jah éh keneloo' Ké' pepoléng éh ngan réh, irah awah éh jam éh, ha' néh.

MATIUS 16:17

Ha' Yésus kepéh, O Simon anak Yohanes, murung kenin ko' uban bé' ke' jam éh neu' kelunan éh bara' éh ngan ko', bang Tamen ké' éh tong seruga Iah éh mena' pengejam inah ngan ko'.

MARKUS 16:15

La'ah ka' ha' Néh ngan réh, Jian keh tai pah tipo tana' ngan bara' Rengah Jian jin Allah ngan kekat kelunan.

LUKAS 15:10

Kenat péh kekat meliket Allah murung mu'un réh tong jah kelunan penyala' éh pekoléé' kenin, ha' Yésus.

LUKAS 2:26

ngan neu' Sahéé' inah, inah iah jam bé' iah matai jak hun néh bé' sakui na'at Kristus éh pejajii' Tuhan.

LUKAS 9:6

La'o inah irah éh sohoo' Néh éh bakéh Néh ri', lakau tai siget-siget leboo' bara' Rengah Jian ngan peka'o kelunan sakit.

YOHANES 15:26

Ka' ha' Yésus kepéh, Pu'un jah Penolong juk tuai jin Tamen Ké', inah éh Sahéé' éh pepoléng kekat éh teneng. Akeu' juk nyohoo' éh tuai jin Tamen Ké' ngan Iah omok bara' tong Akeu'.

PENGANEU' LAWAH 10:44

Lem Péterus to pané ngan réh, pu'un Sahéé' Ni'ai tuhun tong kekat irah éh pu'un menéng ha' néh inah.

PENGANEU' LAWAH 16:10

La'o Paulus na'at kekat inah rii', boh mé' pitah jalan tai Makedonia, uban kenat péh jalan mé' jam Allah pu'un tebai mé' tai sitai bara' Rengah Jian ngan réh.

PENGANEU' LAWAH 2:33

La'ah Iah pu'un netéé' saa' na'au' Allah, ngan pu'un Éh alaa' Sahéé' Ni'ai éh pejajii' Tamen Néh ngan Néh lepah nah, éh ta'an keh ngan éh nenéng keh hun iteu', inah néh éh Sahéé' Néh éh nena' Néh ngan uleu' kepéh.

PENGANEU' LAWAH 4:31

La'o réh Sebayang Kenat, jalan réh petipun nah pu'un tegen, irah béé penoo' neu' Sahéé' Ni'ai, ngan pu'un réh bara' ha' Tuhan Allah ngan makang kenin.

PENGANEU' LAWAH 4:8

La'ah Péterus éh penoo' neu' Sahéé' Ni'ai mipa réh, ka' ha' néh, O kekat pengeja'au pohoo' Yahudi ngan pengeja'au kelunan Yahudi!

PENGANEU' LAWAH 8:25

La'o Péterus ngan Yohanes bara' ha' tebaraa' Tuhan ngan réh, ngan bara' kepéh tong éh kejam roh lem kenin roh tengéé', moléé' lah roh tai Yérusalem kepéh. Belah jalan roh lakau moléé' nah, pu'un roh bara' Rengah Jian tong kuraa' leboo' tong tana' Samaria.

SURAT PAULUS NGAN SIDANG RUM 1:15

Gahang mu'un-mu'un kenin ké' juk bara' Rengah Jian ngan ka'ah éh mokoo' tong leboo' Rum siteu' kepéh.

SURAT PAULUS NGAN SIDANG RUM 1:17

Uban dalem Rengah Jian inah, pu'un éh tojoo' jalan tong pengepemung kelunan ngan Allah ke' néh omok jian kepéh. Pu'un Allah maneu' éh jian kepéh neu' pengelan réh tong Iah awah, bé' éh neu' ineu'-ineu' éh neu' réh. Barei' ha' lem Surat Allah, ka' éh, Kelunan éh ngelan tong Allah, pengepemung néh ngan Allah omok jian kepéh, kelunan inah omok éh murip, ha' Néh.

SURAT PAULUS NGAN SIDANG RUM 10:15

Kineu' jalan réh omok tai nebaraa' réh da', hun néh bé' jak pu'un nyohoo' réh tai? Barei' ha' lem surat Allah éh bara', Jian mu'un savéé' kelunan éh mihin Rengah Jian, ha' Néh.

SURAT PAULUS NGAN SIDANG RUM 15:19

ngan neu' kuraa' telana' ja'au éh ngebéé kenin réh, ngan neu' penyukat Sahéé' Ni'ai kepéh. La'ah jin Yérusalem avéé' tong tana' Ilirikum pu'un akeu' tai bara' Rengah Jian tong Kristus ngan réh.

1 KORINTUS 2:10

Bang uleu' jam éh, uban neu' penyukat Sahéé' Néh Allah pepoléng éh ngan lu', uban Sahéé' Néh éh pekelenaa' kekat ineu'-ineu' péh, pah avéé' tong éh dilem mu'un éh dalem pengeloo' Allah.

2 KORINTUS 1:22

ngan pu'un Éh nelana' lu' bara' uleu' éh anah Nah, neu' Néh mena' Sahéé' Ni'ai Néh lem kenin lu', Sahéé' Ni'ai nah telana' tong kekat éh juk nena' Néh ngan uleu' kepéh.

2 KORINTUS 6:6

Bang dalem kekat inah pu'un mé' pekelenaa' mé' adang améé' kelunan éh sohoo' Tuhan. Améé' pekelenaa' éh kenat neu' kekat barék mé' pu'un jian, ngan dawai kenin jam seruh, ngan kebit kenin ngan neu' mé' nolong kelunan éh jah, neu' kekat pengena' Sahéé' Ni'ai ngan mé' ngan neu' mé' pika réh mu'un.

GALATIA 1:12

Bé' akeu' alaa' éh jin kelunan, ngan bé' éh kelunan éh bara' éh ngan ké', bang Yésus Kristus éh pepoléng éh ngan ké'.

GALATIA 1:16

Hun Allah pepoléng Anak Néh ngan ké' dokoo' ké' omok bara' Rengah Jian tong Anak Néh inah ngan irah éh tengéé' pohoo', bé' akeu' tai neteng kelunan séé'-séé' péh.

ÉPESUS 3:10

dokoo' naneu' sidang hun iteu' kekat meliket ngan kekat éh pu'un penyukat tong seruga, omok jam tong pengeloo' kenin Tuhan éh jian mu'un.

1 TESALONIKA 2:9

O kekat padéé' ké', adang keh jam tong kemutau ngan penusah mé' kereja' belah ka'ah. Putung dau ngan putung merem mé' kereja' dai améé' petusah ka'ah kelebéé' mé' bara' Rengah Jian éh jin Allah ngan keh.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

IBRANI 11:13

Kekat kelunan inah matai petem pengelan réh tong Allah. Bé' réh pu'un alaa' kekat éh pejajii' Allah ngan réh, bang irah barei' na'at éh jin juu' awah, ngan murung kenin réh uban kejam réh adang réh omok alaa' éh temurei' kepéh, uban pu'un réh bara', tana' iteu' bé' éh tana' réh mu'un, irah barei' kelunan éh tejeu' ngan nyakai awah.

IBRANI 2:4

La'ah Allah péh pekelenaa' kekat éh benara' Néh nah pu'un teneng mu'un, neu' Néh mena' penyukat Néh ngan réh ke' réh maneu' kuraa'-kuraa' arong telana' éh pepoléng penyukat Néh ngan éh ngebéé kenin kelunan, ngan Iah pu'un mena' pengena' Sahéé Ni'ai kivu pengeloo' kenin Néh tengéé'. Pu'un Tuhan mena' kuraa'-kuraa' pengena' éh jin Sahéé' Ni'ai ngan réh kivu pengeloo' kenin Néh tengéé'.

IBRANI 4:2

Uban pu'un lu' lepah menéng Rengah Jian éh benara' ngan lu', barei' irah éh kivu Musa nah. Irah menéng ha' inah, bang Rengah inah bé' pu'un gunah tong réh, uban tovoo' réh menéng éh bé' irah ngelan tong jajii' Allah inah.

1 PÉTERUS 1:25

Bang ha' tebaraa' Tuhan pu'un pelinguh. Ngan ha' tebaraa' néh inah, inah éh Rengah Jian éh benara' réh ngan keh rai.

1 PÉTERUS 4:6

Uban néh kenat, inah néh ke' réh bara' Rengah Jian nah, jian péh éh ngan kelunan éh lepah matai rai, dokoo' na' péh réh teneng ukum éh kemalai teneng tong kelunan, sahéé' réh éh omok murip pekua' pengeloo' kenin Allah. Éh ke' réh kenukum kenat, uban penyala' neu' réh kelebéé' réh murip tong tana' iteu' rai, bang Allah mena' bi'en ngan réh dokoo' réh omok alaa' urip éh pelinguh.

ÉH POLÉNG 5:11

La'ah pu'un ku' na'at kepéh, boh ku' menéng ha' irah meliket éh pinaa' mu'un ibu-ibu ngan juta-juta kekat réh. Pu'un réh nekedéng tutuh nyun inah, ngan pat usah penyuai éh murip ngan kekat irah pengeja'au nah.