1 PÉTERUS 1:1 - Rengah Jian

¹ Surat iteu' jin Péterus, Lawah Yésus Kristus surat iteu' nena' ngan kelunan éh kevéléé' Allah éh lepah piso jin tana' réh tengéé', éh purat ngan mokoo' tong tana' Pontus, Galatia, Kapadokia, Asia ngan Bitinia.

1 PÉTERUS 1:1 Iomraidhean Croise

MATIUS 10:2

La'ah ngaran kekat bakéh Néh éh kevéléé' Néh nah, inah éh, Simon, éh nateng réh kepéh Péterus, ngan padéé' usah néh Anderias, inah kepéh Yakub rawah Yohanes éh anak Sabedeus,

MATIUS 24:22

Hun Allah bé' ngeti'eng penusah inah, bé' pu'un séé'-séé' éh omok murip. Bang uban Iah pika irah éh kevéléé' néh, bé' penusah inah pu'un avéé' lebéé' mu'un, ha' néh.

MATIUS 4:18

La'ah, Yésus lakau déhéé' baa' Banget Galilia, inah Iah na'at duah kelunan ngejala'. Rawah inah pepadéé', inah éh Simon, keruwah ngaran néh, Péterus, ngan padéé' néh Anderias.

LUKAS 18:7

kineu' Tuhan, bé' Tuhan keloo' nolong kelunan éh kivu pengeloo' Néh éh sebayang putung dau ngan putung merem péh. Kineu', leko Éh nolong réh.

YOHANES 11:52

Éh mu'un néh, bé' Yésus matai ngeliwah pohoo' Yahudi awah, bang Iah matai dokoo' Néh pepemung kekat irah éh Anak Allah jin siget arong kelunan pah tipo tana'.

YOHANES 7:35

Boh irah Yahudi pané belah irah ke', ka' ha' réh, Semah Éh juk tai nah ke' uleu' bé' omok tai temeu' ngan Néh. Kineu' Éh juk tai ngan irah Yahudi éh mokoo' tong tana' éh jah, ke' réh mokoo' belah kelunan éh tengéé' pohoo' ngan nebaraa' réh.

PENGANEU' LAWAH 18:2

Sinah éh temeu' ngan jah kelunan Yahudi ngaran néh Akwila, pohoo' néh jin tana' Pontus. Akwila nah ngan do néh Priskila rawah inah avéé' maréng tong Korintus jin tana' Italia, uban pu'un raja' Klaudius nyohoo' kekat kelunan Yahudi piso jin leboo' Rum. La'ah tai Paulus tavin roh,

PENGANEU' LAWAH 18:23

Lebéé' si'ik éh mokoo' sinah, boh éh lakau kepéh tai siget leboo' tong tana' Galatia ngan Prigia, ke' néh ngereken kenin kekat kelunan éh ngelan tong Tuhan.

PENGANEU' LAWAH 19:10

Duah ta'un kelebéé' néh maneu' kenat, avéé' kekat kelunan éh mokoo' tong tana' Asia pu'un menéng ha' Tuhan, kenat péh irah Yahudi ngan irah éh tengéé' pohoo' péh.

PENGANEU' LAWAH 6:9

Bang pu'un jelua' kelunan éh maneu' éh, pu'un réh jin lamin sebayang Yahudi éh ngaran sebayang réh, Kelunan éh pelepu. Tong lamin sebayang inah pu'un kelunan Yahudi éh jin tana' Kirene ngan jin leboo' kapan Aleksandria. Irah inah ngan kelunan Yahudi kepéh éh jin tana' Kilikia ngan Asia, maneu' Stepanus.

PENGANEU' LAWAH 8:4

Kekat irah éh purat nah tai bara' Rengah Jian.

1 KORINTUS 16:19

Kekat sidang tong tana' Asia bara' tabi' ngan keh. La'ah Akwila ngan Priska ngan kekat kelunan éh petipun sebayang tong lamin roh bara' tabi' dalem Tuhan ngan keh.

2 KORINTUS 1:8

O kekat padéé' mé', améé' juk petesen keh kepéh tong penusah améé' hun mé' pu'un tong tana' Asia rai. Uban kekat penusah éh teneng tong améé' rai, bahat mu'un éh, avéé' améé' seruh adang mé' matai awah.

GALATIA 1:2

Tabi' jin kekat padéé' keh éh kua' pengelan siteu', ngan sidang tong tana' Galatia.

ÉPESUS 2:12

Sahau bé' keh jam Kristus. Ka'ah barei' kelunan éh tejeu', bé' keh jam ineu'-ineu' tong adet sebayang Yahudi, bé' keh pu'un pemung ngan pohoo' kelunan éh kevéléé' Allah. Bé' keh pu'un lem jajii' Allah ngan irah éh anah nah. Pu'un keh murip tong tana' iteu', bé' keh pu'un pengelan ngan bé' keh jam Allah. Kenat keh sahau rai.

ÉPESUS 2:19

Ka'ah éh tengéé' pohoo' jin améé' bé' keh barei' kelunan éh tejeu' éh bé' jam Allah, bang ka'ah péh paléu pekua' pohoo' kelunan éh pu'un lem nihau Néh, pu'un keh pepadéé' ngan Allah éh Tamen lu' béé.

2 TIMOTIUS 1:15

La'ah ka'au' jam kekat kelunan tong tana' Asia bet akeu', kenat péh Pigelus ngan Hemogenes péh bet akeu' rai.

IBRANI 11:13

Kekat kelunan inah matai petem pengelan réh tong Allah. Bé' réh pu'un alaa' kekat éh pejajii' Allah ngan réh, bang irah barei' na'at éh jin juu' awah, ngan murung kenin réh uban kejam réh adang réh omok alaa' éh temurei' kepéh, uban pu'un réh bara', tana' iteu' bé' éh tana' réh mu'un, irah barei' kelunan éh tejeu' ngan nyakai awah.

YAKUB 1:1

Surat iteu' jin Yakub, kelunan sohoo' Allah ngan Tuhan Yésus Kristus, akeu' bara' tabi' ngan kekat kelunan éh ngelan tong Allah éh purat pah tipo tana'.

1 PÉTERUS 2:11

O kekat bakéh ké', ka'ah barei' kelunan nyakai ngan kelunan tejeu' tong tana' iteu'. Uban kenat akeu' nyohoo' ka'ah dokoo' mai keh kivu kemagat éh sa'at lem kenin kelunan, éh ngelayau pekayau ngan sahéé'.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

ÉH POLÉNG 1:11

Ka' ha' Néh ngan ké' jian ke' nyurat kekat éh ta'an ko' da' ngan pekateu' surat iteu' ngan sidang tong tujuu' leboo' ja'au iteu: Épesus, Smirna, Pergamus, Tiatira, Sardis, Piladelpia, ngan Laodikia. Ha' Néh.