Ruth 4:6 - Maung a Balita Biblia

⁶ Inkuanto may laki, No ontan, ag ko nagawaay nepeg kon gawaen, ta ompan nadaisetan so tawiren da ray dilin anak ko. Sika lay manggaway nepeg kon gawaen; nayarian mo lan saliwen so alog.

Maung A Balita Biblia

⁶ Inkuanto may laki, “No ontan, ag ko nagawaay nepeg kon gawaen, ta ompan nadaisetan so tawiren da ray dilin anak ko. Sika lay manggaway nepeg kon gawaen; nayarian mo lan saliwen so alog.”

Ruth 4:6 Iomraidhean Croise

Genesis 38:8

Inkuanen Juda ed kinen Onan ya agi nen Er, Laka, ta akdulan moy balo ya ayrom. Gawam so kanepegan mon agi na asawa to, pian nawalaan na anak so agim.

Levitico 25:25

No mairap so bilay na sakey ya Israelita tan apilitan ya angilako na dalin to, say sankaasinggeran a kanayon to so manondon.

Deuteronomio 25:7

Balet no say lakin agi na samay inatey et ag to labay ya asawaen imay ayro ton abalo, onlan omparontal imay bii ed saray pangulo na baley tan ikuanto, Say bayaw kon laki et ag to labay a gawaen so kanepegan to; ag to labay ya itdan so agi to na sakey a kabyangan na boleg na saray totood Israel.

Deuteronomio 25:8

Diad satan saray pangulo na baley paawit da may laki ta pitongtongan da. No ag to ni labay ya asawaen imay ayro to,

Deuteronomio 25:9

samay balo et onsingger ed sikato a sankanengneng na saramay pangulo na baley, alaen toy sakey ed saray sandalya to may bayaw to, lukdaan tod lupa, tan ikuanto, Onya so nagawa ed lakin ag to itdan na sakey a kabyangan na boleg so agi ton inatey.

Ruth 2:20

Inkuanen Noemi ed sikato, Si Booz bindisionan komun na Katawan, say Katawan a manusumpal lawas na saray sipan tod saray mabilay tan saray inatey. Intuloy ton inkuan, Saman a too et kanayon tayo ni. Sikatoy sakey ed saray nepeg a manayakop ed sikata.

Ruth 3:13

Dia ka nin anggad kabwasan, tan kaimbuas nengnengen ta no gawaen toy kanepegan ton manayakup ed sikan kanayon to. No gawaen to, maung; balet no andi, isipan kod mabilay a Katawan, a gawaen koy kanepegan. Dokul ka sirin tan dia kan anggad kabwasan.

Ruth 3:9

Tinepet to, Siopa ka? Inmebat, Siak si Ruth a mugmon aripen mo. Lapud asingger kan kanayon, nepeg moy manayakop ed siak. Kanyan kerewen kon asawaen mo ak.