Ruth 2:10 - Maung a Balita Biblia

¹⁰ Dinmakmomon anggad dalin si Ruth. Insan tinepet to, Akin et ontan lay panangasi tan panangimanom ed siak, anta aliwa ak a taga dia?

Maung A Balita Biblia

¹⁰ Dinmakmomon anggad dalin si Ruth. Insan tinepet to, “Akin et ontan lay panangasi tan panangimanom ed siak, anta aliwa ak a taga dia?”

Ruth 2:10 Iomraidhean Croise

Genesis 18:2

tinmangwa, et anengneng toy taloran totoo a manalalagey irad ag arawin pasen. Binatik to ran tampol ya inabet, insan dinmakmomo ya anggad dalin so lupa to.

2 Samuel 19:28

Kanepegan a pateyen mo ray amin a kabyangay boleg nen Saul, balet initdan mo ak na kanepegan a mangan ed lamisaan mo. Anggapo lay kanepegan kon onkerew ni na antokaman a panangasi ed sika.

2 Samuel 7:18

Si Ari David linmoob ed Tuldan Ayamay Katawan, inmirung tan nampikasi, Aliwak a manepeg, anggan say pamilyak, et antokaman a ginagawam lad siak, Katawan a Dios.

2 Samuel 9:8

Dinmakmomo lamet si Mefiboset tan kuanto, Singa ak la inatey ya aso, katawan! Akin et ontan lay abig na linawam ed siak?

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Mateo 25:35

Ta narasan ak et pinakan yo ak, napgaan ak et pinainom yo ak, sakey ak a sangkaili et pinatuloy yo ak ed abung yo.

Lucas 1:43

Siopa ak a bisitaey ina na Katawan ko?

Lucas 1:48

ta anunotan to ak a magter ya aripen to! Manlapud natan, tawagen ak a maliket na amin da ray katoowan,

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

Ruth 2:11

Inmebat si Booz, Naamtaan kon amin iray ginagawam para katolangan mo nanlapu lad impatey na asawam. Amtak no panoy impanaynan mod saray atateng mo tan say nianakan mon bansa, tan no panoy impiayam mod saray totoon ag mi ni ra apilimugan nen saman.

Ruth 2:13

Inkuanen Ruth, Agaylay abig na linawam ed siak. Pinabiskeg moy linawak lapud maolimek a panagsalitam ed siak, anggaman ya aliwa ak a singa sakey ed saray aripen mo.

Ruth 2:19

Tinepet nen Noemi ed sikato, Inter so nantortoran mo natan? Siopay akan-alog ed nankimeyan mo? Bindisionan komun na Dios so toon angasi ed sika! Imbaga sirin nen Ruth ed kinen Noemi a nankimey ed alog na sakey a toon manngaray Booz.

Ruth 2:2

Aminsan ya agew inkuanen Ruth a Moabita ed kinen Noemi, Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato. Inmebat si Noemi, On, anak ko, laka.

Ruth 2:9

Imanom no iner so panaanian tan ag kad man onaarawi. Binilin ko la ray totook ya ag da ka sigensigenen. No naapgaan ka, lakan oninom ed saray boyug ya anginan day danum.

1 Samuel 25:23

Nen anengneng nen Abigail si David, inmepas a tampol tan tinmikleb ed dalin,