Probirbio 8:5 - Maung a Balita Biblia

⁵ Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Maung A Balita Biblia

⁵ Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Probirbio 8:5 Iomraidhean Croise

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Saray Salmo 94:8

Talusan yo, sikayo ran totook, agay lay inkakulang-kulang yo! Kapigay pakaaral yo?

Probirbio 1:22

Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Probirbio 1:32

Ompapatey iray totoon anggapoy salsalid panagbilay lapud ipopolisay day kakabatan. Nadederal iray totoon makulang-kulang lapud ag ira mangasasikaso.

Probirbio 1:4

Napagmaliw dan marunong iray anggapoy salsalid panagbilay, tan nibangat day pakatalus tan kakabatan ed saray walad kalangweran.

Probirbio 3:35

Nagamuran na makabat a totoo so kagalangan, balet napelag ed kababaingan iray totoon makulang-kulang.

Probirbio 8:12

Siak so Kakabatan, walad siak so pakatalus; walad siak so pakaamta tan maptek a pananintinsia.

Probirbio 8:4

Onaapireng ak ed sikayon katoowan; tatawagen koy balang too ed sankamundoan.

Probirbio 9:4

Loob kayo, sikayon totoon anggapoy amta! Insan diad toon makulang-kulang kuanto,

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!

1 CORINTO 1:28

Pinili na Dios so pabpaabebaen, balbalawen, tan ibanbantak na sankamundoan, pian naderal to ray pinabpabli na sankamundoan.