Probirbio 30:2 - Maung a Balita Biblia

² Alabas niy inkaayep ko nen say inkatook; anggapod siak so pakatalus na too.

Maung A Balita Biblia

² Alabas niy inkaayep ko nen say inkatook; anggapod siak so pakatalus na too.

Probirbio 30:2 Iomraidhean Croise

Saray Salmo 49:10

Nanenengneng na anggan siopa ya ompapatey met iray totoon makabat, saray luko-luko tan saray makulang-kulang, tan ititilak dad saray kabyangay boleg da iray kayamanan da.

Saray Salmo 73:22

nagmaliw ak ya ambagel a singa ayep ag ta ka atalusan.

Saray Salmo 92:6

Say makulang-kulang ag to natalusan tan say ambagel ag to natebek

Probirbio 12:1

Say toon pinabli toy pakaamta labay ton naamtaay kalilingo to, balet say toon makulang-kulang bobosulen toy panametek.

Probirbio 30:1

Sikara yay balikas nen Agur a lakin anak nen Jake: Arawid siak so Dios, arawid siak so Dios, tan pangaskasiyay kipapasen ko.

Probirbio 5:12

Ikuan ed satan na sinansakey ed sikayo, Akin et ag ak balut akaaral? Akin et ag ko inabuloyan a peteken ak na siopaman?

Isaias 6:5

Inkuanko, Pakaskasi ak la! Anggapo lay ilalok! Maoges ya amin so sasalitaen na dilak, tan maayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

1 CORINTO 3:18

Nepeg ya anggapoy toon tilaan toy sikaton dili. No abaloan na sakey ed sikayo a sikatoy makabat onung ed kakabatan na sankamundoan, nepeg a magmaliw a makulang-kulang, pian magmaliw a petepeteg a makabat.

1 CORINTO 8:2

Say toon abaloan ton walay amta to, ag to ni amtay nepeg ton amtaen.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.