Probirbio 3:25 - Maung a Balita Biblia

²⁵ Anggapo met so pagpagam nipaakar ed saray deral ya onsabin singa bagyo ed saray totoon maoges.

Maung A Balita Biblia

²⁵ Anggapo met so pagpagam nipaakar ed saray deral ya onsabin singa bagyo ed saray totoon maoges.

Probirbio 3:25 Iomraidhean Croise

Saray Salmo 112:7

Ag antakot a makadngel na maoges a balita; mabiskeg so pananisia to, tan manmamatalek ed Katawan.

Saray Salmo 73:19

Bigla ran naderal; makapataktakot so pansumpalan da.

Saray Salmo 91:5

Ag mo nepeg so ontakot ed saray kaatapan no labi, odino diad biglan idogpa na saray kalaban no agew,

Probirbio 1:27

singa mabiskeg a bagyo ya onsabid sikayo a sankaawit to ray masebeg tan maksil a dagem a manggunigon ed sikayo, et nairapan tan pangaskasiyan kayo.

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.

Zacarias 9:8

Guardiaan koy dalin ko tan ag ko padalanen ed dalin ko iray sondalo. Ag ko la abuloyan a pairapen na saray maruksan totoo iray totook. Anengneng ko so ontan lan impanirap na saray totook.

Mateo 24:15

Onung na imbaga nen propita Daniel, nanengneng yoy Makapataktakot a Managderal ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Mateo 24:6

Makadngel kayo ray bakal diad asingger tan saray balitan nipaakar ed saray bakal diad arawi, balet ag kayo mapaga. Nakaukolan a nagawa ra ya, balet aliwa nin sikato yay anggaay mundo.

Marcos 4:40

Kayari to man, kuanen Jesus ed sikara, Akin et agaylay takot yo? Anggapo ta niy pananisia yo?

Lucas 21:9

Ag kayo natatakot no nabalitaan yo ray bakabakal tan gologolo. Nakaukolan ya onona ra yan nagawa, balet aliwa nin asingger so anggaay mundo.

Juan 14:1

Inkuanan Jesus, Ag komun nagunigon so puso yo; manisia kayod Dios tan manisia kayo met ed siak.

1 Pedro 3:14

Balet manliket ki nin siansia, anggaman a pairapen da kayo lapud panggawa yoy kaabigan! Ag yo tatakotay panangigagaem da, tan ag kayo mapaga.