Probirbio 28:12 - Maung a Balita Biblia

¹² No say toon matonung so nakawesay pakayari manliket iray katoowan, balet no say toon maoges so manoley, kiamut-amut iray totoo.

Maung A Balita Biblia

¹² No say toon matonung so nakawesay pakayari manliket iray katoowan, balet no say toon maoges so manoley, kiamut-amut iray totoo.

Probirbio 28:12 Iomraidhean Croise

1 Saray Arari 18:13

Ag mo ta nadngelan a nen papateyen nen Jezebel iray propita na Katawan et pinaamut kon alimamplo ed saray ongib iray sanlasus ed sikara, iniitdan ko ray tagano tan say nainom da?

1 Saray Arari 19:3

Tinmakot si Elias, kanyan batik diad pangyagel tod bilay to; intagar tod Beerseba na Juda imay aripen to. Intilak diman nen Elias imay aripen to

2 Saray Awaran 7:10

tan nen ontombuk ya agew, say kumaduamplo tan talon agew na kumapiton bulan, pinasempet la nen Solomon iray totoo. Malikeliket ira lapud amin a bindision ya inter na Katawan ed saray totoo ton Israelita, si David, tan si Solomon.

Probirbio 11:10

Maliket so siudad no saray totoon matonung et maaligwas ira, tan no ompatey iray totoon maoges wala ray eyag na liket.

Probirbio 28:28

Kiamut-amut iray totoo no walad pakayari iray maoges a totoo. Balet no naandi la rad pakayari, saray matonung a totoo lamet so manoley.

Probirbio 29:2

Ipanengneng mod siak so matonung a manoley, et ipanengneng kod sika iray totoon maliket. Ipanengneng mod siak so maoges a manoley, et ipanengneng kod sika iray totoon pangaskasiyay kipapasen da.

Ecclesiastes 10:16

Pangaskasiyay kipapasen na sakey a bansa no say manoley to et sakey a tobun-balo tan mampista lawas iray pangulo to.

Jeremias 36:19

Insan inkuandad sikato, Nepeg ya onamut ka tan si Jeremias. Ag yo ipapaamtad siopaman so kawalaan yo.

Jeremias 36:26

Insan ingganggan na ari ira di Jerameel a prinsipi, Seraya a lakin anak nen Azriel, tan Selemias a lakin anak nen Abdeel, ya erelen da ak tan si Baruc a sikritariok. Balet inyamut kami na Katawan.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.