Probirbio 27:22 - Maung a Balita Biblia

²² Anggan pekpeken mo lan pekpeken ya anggad patey-pateyan so toon makulang-kulang, siansian ag mo naekal ed sikatoy kalokowan to.

Maung A Balita Biblia

²² Anggan pekpeken mo lan pekpeken ya anggad patey-pateyan so toon makulang-kulang, siansian ag mo naekal ed sikatoy kalokowan to.

Probirbio 27:22 Iomraidhean Croise

1 Saray Arari 13:33

Ag siansian inkaindan nen Ari Jeroboam so maoges a gagawaen to. Intuloy to ingen a pinilid saray ordinarion pamilya iray totoon magmaliw a paparin manlingkur ed saray altar a ginagawa to. Ginawa ton pari so siopaman a toon malabay a mampari.

Exodo 12:30

Diad saman a labi say ari, saray opisyal to, tan amin nin arum ya Egipsio et abangon ira. Walay agawan baleg ya akisan ed intiron Egipto, lapud anggapoy abung ya anggapoy inatey to.

Exodo 14:5

Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.

Exodo 15:9

Say kalaban kuanto, Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.

Probirbio 14:24

Kayamanan so tumang na saray makabat a totoo, balet nanaamtaan iray makulang-kulang, lapud inkakulang-kulang da.

Probirbio 23:35

Ikuanmo, Nakna ak, balet ag ak asakitan. Pinekpek da ak, balet ag ko alikna. Akin et ag ak naliing? Labay ko niy oninom.

Probirbio 26:11

Say toon makulang-kulang ya ooliten ton gawaen so kalokowan to et singa ason kakanen toy inota to.

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Jeremias 13:23

Nasalatan ta na toon andeket so kolor na baog to, odino naekal ta na liopardo so batek na bago to? No nayarian da, naaralan yo, sikayon totood Jerusalem, so manggaway kaptekan, sikayon pasal yoy manggaway kaogsan.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

1 Samuel 19:21

Nen nadngelan ya nen Saul angibaki na pigaran lalaki, balet ginapwan da met so mansayaw-sayaw tan maneyag-eyag. Pinitlo toy angibaki, tan namparay agawa.