Probirbio 19:1 - Maung a Balita Biblia

¹ Magmaung niy toon mairap-bilay a maptek so panagbilay to nen say toon matila tan makulang-kulang.

Maung A Balita Biblia

¹ Magmaung niy toon mairap-bilay a maptek so panagbilay to nen say toon matila tan makulang-kulang.

Probirbio 19:1 Iomraidhean Croise

Saray Salmo 26:11

Siak balet, maung so gagawaen ko; kasian tan ilaban mo ak pa!

Saray Salmo 37:26

Mabolus lawas so linawa ton mangiter tan mamapabayes ed kapara ton too, tan bindision iray anak to.

Probirbio 12:26

Say toon matonung iwawanwan toy kaaro to, balet say dalan da ray totoon maoges ibabalang to ra.

Probirbio 14:2

Mambilay kan matwa, et ipapanengneng mon walay panamagalang mod Katawan; mambilay kan maoges, et ipapanengneng mon anggapoy panamagalang mod Katawan.

Probirbio 15:16

Maung niy mairap-bilay a walay panamagalang ed Katawan, nen say mayaman a walad gunigon.

Probirbio 16:8

Magmaung niy daiset a kayaryan a nalad malinis ya anapan, nen say dakerakel a kayaryan a nalad kasaolan.

Probirbio 19:22

Kapepelag ed kababaingan so inkaagom; magmaung ni ray totoon mairap-bilay nen saray totoon matila.

Probirbio 20:7

Mapalar iray anak a say ama ra et matwa tan gagawaen toy kaptekan.

Probirbio 28:6

Magmaung niy toon mairap-bilay a maptek so kabibilay to nen say mayaman a maoges so kabibilay to.

Probirbio 4:24

Ag kan balut mansasalita na aliwan tua. Ag ka mibabali ed palikdo.

Isaias 59:3

Nankasalanan kayod panagtila yo, panagduksa yo, tan panagpatey yoy too.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

1 Samuel 25:17

Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!

1 Samuel 25:25

Paolyan mo pa la komun iman a Nabal, ta andi-kabaliksan a too! Say inkatoo to et kapara na kabaliksan na ngaran tosakey ya ambagel! Andid man ak, nen linma rad may aripen mo.